১ যোহন 4:14 - Chakma Bible

¹⁴ আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।

১ যোহন 4:14 Iomraidhean Croise

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 10:36

সালে বাবা নিজো নাঙে যিগুনোরে যুদো গুরিলো আর জগদত্ পাধেই দিলো সিবে মুই যেক্কে কলুং, ‘মুই গোজেনর্ পুয়ো,’ সেক্কে তুমি কেধোক্ক্যেন্ গুরি কলা, ‘তুই গোজেন বিরুদ্ধে অগমানর্ কধা কর্’?

যোহন 12:47

যুনি কেঅ মঅ কধা শুনিনে সেবাবোত্যেগুরি ন-চলে সালে মুই নিজে তার্ বিচের্ ন-গরং, কিয়া মুই মান্‌জ্যরে দুষী প্রমাণ গুরিবাত্যে ন-এজং বরং মান্‌জ্যরে পাপত্তুন্ উদ্ধোর্ গুরিবাত্যে এচ্চ্যং।

যোহন 3:11

তরে ঘেচ্চ্যেক্‌গুরি কঙর্, আমি যিয়েন হবর্ পেই সিয়েনই কোই আর যিয়েন্ দেক্ক্যেই সে পৌইদ্যেনে সাক্ষি দিই, মাত্তর্ তুমি আমা সাক্ষিগানি এলাফেলা গরঅ।

যোহন 3:32

তে যিয়েন্ দেক্ক্যে আর শুন্ন্যে সিয়েনই সাক্ষ্য দে, মাত্তর্ কেঅ তার্ সাক্ষ্য মানি ন-লন্।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

যোহন 4:42

সে মিলেবোরে তারা কলাক্, “ইক্কে যে আমি বিশ্বেজ্ গুরির্ সিয়েন তঅ কধালোই নয়, মাত্তর্ আমি নিজে তা কধা শুনিনে বুঝি পাজ্জ্যেই যে, তে ঘেচ্চ্যেক্‌‌গুরি মান্‌জ্যরে উদ্ধোর্ গুরিয়্যে।”

যোহন 5:39

তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

১ পিতর 5:12

সীল, যিবেরে মুই মর্ বিশ্বেজি ভেই মনে গরং, তারে দিইনে এই চিধিগান মুই কম কধালোই তমা ইধু লিগিলুং, যেন মুই তমারে উচ্চোমি দি পারং আর গোজেনর্ ঘেচ্চ্যেকগুরি দোয়্যের্ সাক্ষি দি পারং। তুমি গোজেনর্ এই দোয়্যেলোই থির্ থেইনে বজত্তি গরঅ।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।

১ যোহন 5:9

আমি মান্‌জ্যর সাক্ষি লোই থেই, মাত্তর্ গোজেনর্ সাক্ষিগান তাত্তুন্-অ দাঙর্; আর তে তা পুয়োবো পৌইদ্যেনে সেই সাক্ষিগান দিয়্যে।