১ যোহন 3:5 - Chakma Bible

⁵ তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।

১ যোহন 3:5 Iomraidhean Croise

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

লূকে লেখ্যে গম্ হবর্ 23:41

আমি উচিত্ সাজা পেইর্। আমার যিয়েন্ পাওনা আমি সিয়েনই পেইর্, মাত্তর্ এ মানুচ্চো দঅ কনঅ দুচ্‌ ন-গরে।”

লূকে লেখ্যে গম্ হবর্ 23:47

সিয়েনত্ কি ঘুদি যেইয়্যে আর্মি অফিসার্‌বো দেগিলো, আর তে গোজেনরে বাঈনী গুরিনে কলঅ, “ঘেচ্চ্যেক্‌গুরি তে গম্ মানুচ্ এলঅ।”

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 1:31

মুই তারে ন-চিনিদুং, মাত্তর্ তে যেন ইস্রায়েলীয়গুনো ইধু ফগদাং পায় সেনত্তে মুই এইনে পানিত্ বাপ্তিষ্ম দোঙর্।”

যোহন 14:30

মুই তমা সমারে আর বেশ্ কধা ন-কোম্, কিয়া জগদর্ গিরোজ্‌সো এজের্। মঅ উগুরে তার্ কনঅ অধিকার্ নেই।

যোহন 8:46

তমাত্তুন্ কন্না মরে পাপী বিলিনে প্রমাণ গুরি পারঅ? যুনি মুই সত্য কধা কং সালে কিত্ত্যে তুমি মরে বিশ্বেজ্ ন-গরঅ?

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 1:2

সেই জিংকানিগান ফগদাং ওইয়্যে। আমি তারে দেক্ক্যেই আর তা পৌইদ্যেনে সাক্ষি দির্। যিবে বাব ইধু এলঅ আর আমা ইধু ফগদাং ওইয়্যে সেই উমর জিংকানির কধাগান তমারে জানাঙর্।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।