১ যোহন 3:12 - Chakma Bible

¹² সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।

১ যোহন 3:12 Iomraidhean Croise

পত্থম 4:25

পরেদি আদমে আরঅ তা মোক্কো ইধু গেলঅ সেক্কে তা মোক্কোর্ এক্কো পুয়ো অলঅ। তা মোক্কো সিবে নাঙান্‌ রাগেল শেথ। হবা কলঅ, “কয়িন হেবলরে মারে ফেলেইয়্যে বিলি গোজেনে হেবল জাগানত্‌ মরে আরঅ এক্কো পুয়ো দিলো।”

২ শমূয়েল 13:22

অবশালোমে অম্নোনরে গম্‌-বজং কিচ্ছু ন-কলঅ। তা বোন্নো তামরর ইজ্জোদ্‌তান্‌ বর্‌বাদ্ গোজ্যে বিলিনে তে অম্নোনরে ঈচ্ গরা ধুরিলো।

গীতসংহিতা 37:12

গোজেন ভক্তগুনো বিরুদ্ধে পাজিগুনে সল্লা গুরিবাক্ আর তারার বিরুদ্ধে দাত্ কামেরেবাক্।

গীতসংহিতা 38:20

মুই তারারে যে মংগল গরং সিয়েনর বদলে তারা মরে অমংগল গরন্; মুই যেক্কেনে গমানরে তগাং সেক্কেনে তারা মঅ বিরুদ্ধে থিয়েন্।

গম্ উপদেজ্ 27:4

রাগ্ জিনিস্‌‌চান চিৎনপুজ্যে আর দাঙর্ বান পানি ধোক্ক্যেন্, মাত্তর্ ইংসে-নিন্দে মুজুঙোত্ কনজনে থিয়্যেই থেই ন-পারে।

গম্ উপদেজ্ 29:10

যিগুনে লো ঝরান্ তারা নিদ্দুযি মান্‌‌জ্যরে ঈচ্ গরন আর গম মান্‌‌জ্যরে মারে ফেলেবার চেট্ট্যা গরন।

গম্ উপদেজ্ 29:27

গোজেন ভক্ত মানুচ্চুনে অন্যেয় গুরিয়্যেবোরে ঈচ্ গরন্, আর যে মানুচ্চো সোজা পধেদি যায় পাজিগুনে তারে ঈচ্ গরন্।

মথি লেখ্যে গম্ হবর্ 13:38

এই জগদ্‌তান ভূই, আর স্বর্গ-রেজ্যর্ মানুচ্চুন গম্ বীজি। শদান মানুচ্চুনে অলাক্ সেই শ্যামাঘাস।

মথি লেখ্যে গম্ হবর্ 23:35

সেনত্তে নিদ্দুজি হেবল খুনোত্তুন্ ধুরি আরাম্ভ গুরিনে তুমি যে বরখিয়র্ পুয়ো সখরিয়রে পবিত্র জাগা আর পূজোবো সংমোধ্যে খুন্ গোজ্য, সেই সখরিয়র খুন্ সং পিত্‌থিমীত্ যিদুক্কুন্ নিদ্দুজি মানুচ্ খুন্ ওইয়োন্ তুমি সেই বেক্ লো-গানির্ দায়ী অবা।

মথি লেখ্যে গম্ হবর্ 27:23

পীলাতে কলঅ, “কিত্তে, তে কি দুষ্ গোজ্যে?” সেক্কে তারা আরঅ বেশ্ গুরি রঅ ছাড়িনে কুয়ো ধুরিলাক্, “তারে ক্রুশোত্ দিয়্যে ওক্।”

মথি লেখ্যে গম্ হবর্ 5:37

তমা কধাত্ অয় যেন অয় আর নয় যেন নয় অয়; ইয়েনর বেশ্ যিয়েন, সিয়েন শদান ইত্তুন্ এজে।

লূকে লেখ্যে গম্ হবর্ 11:51

অয়, মুই তমারে কঙর্, হেবল খুনোত্তুন্ ধুরি আরাম্ভ গুরি যে সখরিয়রে পূজো আর পবিত্র জাগান ভিদিরে মারে ফেলা ওইয়্যে সেই সখরিয়র খুন্ সং বেক্ লো-গানি ঝরানার্ দায়ী অবাক্ এ কালর্ মানুচ্চুনে।

যোহন 10:32

যীশু তারারে কলঅ, “বাব উগুম্ মজিম্ বোউত্ গম্ গম্ কাম মুই তমারে দেগেয়োং। সিয়েনিত্তুন্ কন্ কামানত্তে তুমি মরে পাত্তর্ মারিবাত্তে চঅ?”

যোহন 8:40

গোজেনত্তুন্ যে সত্যগান্ মুই হবর্ পেইয়োং সিয়েনই তমারে কঙর্, আর তো তুমি মরে মারে ফেলেবাত্তে চর্; মাত্তর্ অব্রাহামে এবাবোত্যে ন-গরে।

যোহন 8:41

তমা বাব্‌পো যিয়েন্ গরে তুমিয়ো সিয়েন্ গরর্।” তারা যীশুরে কলাক্, “আমি দঅ জার্গো নয়। আমার বানা এক্কো বাব্ আঘে, সে বাব্‌পো অলঅ গোজেন।”

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

১ থিষলনীকীয় 2:14

ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

ইব্রীয় 11:4

বিশ্বেজত্যে কয়িনোত্তুন্ হেবলর্ উৎসর্বগান গোজেন চোগেদি আরঅ গম এলঅ। তার্ বিশ্বেজত্যে গোজেনে তা উৎসর্বগান মানি লোইনে তা পৌইদ্যেনে এ সাক্ষ্যগান দিয়্যেদে, তে নিদ্দুজি। যুনিয়ো হেবলে মুরি যেয়্যে তো তার্ বিশ্বেজ্‌চান্দোই তে এজঅ কধা কর্।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

১ পিতর 4:4

মাত্তর্ ইক্কিনে সেই মানুচ্চুনে দেগিনে আমক্ অন্ যে, তুমি তারার্ সেই জঘন্য কজবরলত্ আর ন-মিযোর্, আর সেনত্যে তারা তমা বিরুদ্ধে নিন্দের্ কধা কন্।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।