১ যোহন 3:10 - Chakma Bible

¹⁰ যিগুনে ন্যায় কামত্ নিজোরে ন-রাগান আর ভেইয়োরে কোচ্‌ ন-পান্, সিগুনে গোজেনর্ নয়। ইয়েন্দোই ফগদাং পায়, কন্না গোজেনর্ পুয়ো আর কন্না বা শদানর্ পুয়ো।

১ যোহন 3:10 Iomraidhean Croise

২ শমূয়েল 13:22

অবশালোমে অম্নোনরে গম্‌-বজং কিচ্ছু ন-কলঅ। তা বোন্নো তামরর ইজ্জোদ্‌তান্‌ বর্‌বাদ্ গোজ্যে বিলিনে তে অম্নোনরে ঈচ্ গরা ধুরিলো।

মথি লেখ্যে গম্ হবর্ 13:38

এই জগদ্‌তান ভূই, আর স্বর্গ-রেজ্যর্ মানুচ্চুন গম্ বীজি। শদান মানুচ্চুনে অলাক্ সেই শ্যামাঘাস।

লূকে লেখ্যে গম্ হবর্ 6:35

মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

যোহন 1:12

মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

যোহন 11:52

বানা যিহূদী জাদত্যে নয়, মাত্তর্ গোজেনর্ যে পুয়ো-ছাগুনে চেরোকিত্যে ছিদি আঘন্ তারারে থুবেইনে এক গুরিবাত্যে তে মুরিবো।

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

যোহন 8:47

যে মানুচ্চো গোজেনর্, তে গোজেনর্ কধা শুনে। তুমি গোজেনর্ নয় বিলি গোজেন কধা ন-শুনো।”

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

রোমীয় 13:8

অন্য ইধু এক কোচ্‌পানার কজ্জ বাদে আর অন্য কনঅ কজ্জ যেন তমার্ ন-থায়। যিগুনে অন্যরে কোচ্‌পান সিগুনে মোশির রীদি-সুদোম মানি চলদন্।

ইফিষীয় 5:1

গোজেনর্ কোচ্‌‌‌‌‌‌পেইয়্যে পুয়ো ইজেবে তুমি গোজেন ধোক্ক্যেন গুরি চলঅ।

কলসীয় 3:14

আর ইয়েনি উগুরে কোচ্‌পানালোই নিজোরে সাজঅ। কোচ্‌‌পানাগানে সেই বেক্ গুণানিরে একলগে বানিনে পেলাং পেলাং গুরি দান গরে।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

১ যোহন 4:21

আমি তাত্তুন্ এই উগুমান পেইয়্যেইদে যে, গোজেনরে যিগুনে কোচ্‌পান তারা যেন ভেইয়োরেয়ো কোচ্‌পান।

১ যোহন 4:6

আমি গোজেনর্; যে গোজেনরে জানে তে আমা কধা শুনে, মাত্তর্ যে গোজেনর্ নয় তে আমা কধা ন-শুনে। ইয়েন্দোই আমি সত্যর্ আত্মাগানরে আর ছলনার্ আত্মাগানরে চিনি পারিই।

১ যোহন 4:8

যিগুনোর্ মনভিদিরে কোচ্‌পানা নেই সিগুনে গোজেনরে ন-জানন্, কিয়া গোজেনে নিজেই কোচ্‌পানা।

১ যোহন 5:19

আমি কোই পারিই আমি গোজেনর্ আর গোদা জগদ্‌তান শদানর্ খেমতার্ তলেদি পড়ি আঘে।

১ যোহন 5:2

যেক্কে আমি গোজেনরে কোচ্‌পেই আর তা উগুমানি পালেই সেক্কে কোই পারিই যে, গোজেনর্ পুয়ো-ছাগুনোরেয়ো আমি কোচ্‌পেই।

৩ যোহন 1:11

পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।