১ যোহন 2:7 - Chakma Bible

⁷ কোচ্‌পেইয়্যে পুয়ো-ছাগুন, মুই তমা ইধু কনঅ নুয়ো উগুমোর্ কধা ন-লেগঙর্, বরং পত্তমত্তুন্ ধুরি যে উগুমান এলঅ সেই পুরোণি উগুমানর্ কধা লেগঙর্। তুমি যে কধাগান আগে শুন্ন্য সিয়েনই সেই পুরোণি উগুমান।

১ যোহন 2:7 Iomraidhean Croise

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

মথি লেখ্যে গম্ হবর্ 5:43

তুমি শুন্ন্যদে, কুয়ো ওইয়্যে, তঅ পাড়াল্ল্যেগুনোরে কোচ্‌পেবে আর শত্রুরে ঘিনেবে।

যোহন 13:34

এক্কান্ নুয়ো উগুম্ মুই তমারে দোঙর্-তুমি একজন আরেকজনরে কোচ্‌পেইয়ো। মুই যেধোক্ক্যেন্ তমারে কোচ্‌পেইয়োং সেধোক্ক্যেন্ তুমিয়ো একজন আরেকজনরে কোচ্‌পেইয়ো।

প্রেরিত্‌ 17:19

সেক্কে সেই মাষ্টরুনে পৌলরে আরেয়পাগের সভা মুজুঙোত্ আনিলাক্। সিধু তারা পৌলরে পুযোর্ গুরিলাক্, “যে নুয়ো শিক্ষ্যেগান্ তুই দুয়োর্ সিয়েন কি, সিয়েন্ কি আমি জানি পারিই?

দ্বি’লম্বর বিররণ 6:5

তুমি বেক্কুনে তমার্‌ বেক্‌ মনান্‌, বেক্‌ পরাণান আর বেক্‌ বলান্‌ দিইনে তমা গোজেন্‌ লগেপ্রভুরে কোচ্‌পেবা।

ইব্রীয় 6:9

কোচ্‌পেইয়্যে সমাজ্জ্যেগুন, যুনিয়ো আমি এই বেক্‌ কধানি কোর্ তো আমি বিশ্বেজ্ গুরিই যে, তমা অবস্থা সেবাবোত্যে নয়; পাপত্তুন্ উদ্ধোরর্ ফল তমা জিংকানিত্ দেগা যার্।

১ যোহন 2:24

পৌইল্যাত্তুন্ ধুরি তুমি যিয়েনি শুনি এজর্ সিয়েনি যেন তমা মনভিদিরে থায়। পৌইল্যাত্তুন্ ধুরি যিয়েনি তুমি শুনি এজর্ সিয়েনি যুনি তমা মনভিদিরে থায় সালে তুমি পুয়োবো আর বাবা সমারে থেবা।

১ যোহন 3:11

যে কধাগান তুমি পত্তমত্তুন্ ধুরি শুনি এজর্ সিয়েন এবাবোত্যে-আমার একজন আরেকজনরে কোচ্‌পানা উচিত।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

১ যোহন 3:21

পরাণর্ পুয়ো-ছা লগ্, আমা মনানে যুনি আমারে দুষি ন-গরে সালে গোজেন মুজুঙোত্ আমার সাহচ্‌ থেবঅ।

১ যোহন 3:23

তার্ উগুমান ইয়েন-আমি যেন তার্ পুয়ো যীশু খ্রীষ্ট উগুরে বিশ্বেজ্ গুরিই আর একজন আরেকজনরে কোচ্‌পেই। এই উগুমানই তে আমারে দিয়্যে।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

১ যোহন 4:11

কোচ্‌পেইয়্যে পুয়ো-ছা লগ্, গোজেনে যেক্কে এবাবোত্যেগুরি আমারে কোচ্‌পেইয়্যে সেক্কে আমার্‌অ একজন আরেকজনরে কোচ্‌পানা উচিত।

১ যোহন 4:21

আমি তাত্তুন্ এই উগুমান পেইয়্যেইদে যে, গোজেনরে যিগুনে কোচ্‌পান তারা যেন ভেইয়োরেয়ো কোচ্‌পান।

১ যোহন 4:7

কোচ্‌পেইয়্যে পুয়ো-ছা লগ্, আমি যেন একজন আরেকজনরে কোচ্‌পেই, কিয়া কোচ্‌পানাগান গোজেনত্তুন্ এজে। তারা মনভিদিরে কোচ্‌পানা আঘে, গোজেনত্তুন্ তারার্ জর্ম ওইয়্যে আর সিগুনে গোজেনরে চিনোন্।