১ যোহন 2:5 - Chakma Bible

^5-6 মাত্তর্ যে তা কধানি পালায় তা ভিদিরে গোজেনর্ কোচ্‌পানাগান ঘেচ্চ্যেকগুরি আঘে। কেঅ যুনি কয় তে তা ভিদিরে আঘে সালে তে যেধোক্ক্যেন গুরি চলিদো সেধোক্ক্যেন গুরি তার্‌অ চলানা উচিত্। ইয়েন্দোই আমি কোই পারিই যে, আমি তা সমারে আঘিই।

১ যোহন 2:5 Iomraidhean Croise

গীতসংহিতা 105:45

যেনে তারা তার সুদোমানি পালান্ আর তার রীদি-সুুদোমানি মানন্। লগেপ্রভুরে নাঙ্ গিনে ওক্।

গীতসংহিতা 106:3

বর্ পেইয়্যে তারা, যিগুনে দোল্ বিচের গরন্ আরে নিত্য ন্যায় কাম গরন্।

গীতসংহিতা 119:146

মুই তরে ডাগঙর্, মরে উদ্ধোর গর্; মুই তর্ বেক কধানি পালেম্।

গীতসংহিতা 119:2

বর্ পেইয়্যে সেই মানুচ্চুন, যিগুনে তা কধামজিম্ চলন্ আর মনযোগ দিইনে তার আওজ্ মজিম চলন্।

গীতসংহিতা 119:4

তুই সুদোমানি ঠিগ্ গুরি দুয়োচ্ যেন সিয়েনি আমি গমেডালে পালেই।

গম্ উপদেজ্ 28:7

যে পুয়োবো সুদোমানি মানে তে বুদ্ধিবলা, মাত্তর্ যে পুয়োবো পেদুক্কুনোর সমাজ্যে তে তা বাব্‌‌পোর অসর্মান আনে।

গম্ উপদেজ্ 8:32

“মঅ পুয়োগুন, ইক্কিনে মঅ কধাগান শুনো; যিগুনে মঅ পধেদি চলন্ তারা সুগি।

উপদেশক 8:5

যে তার্ উগুমানি পালায় তার্ কনঅ ক্ষতি ন-অবঅ। জ্ঞানী মান্‌জ্যর্ মনানিয়ে যগাজ্যে সময় আর কামর্ সুদোমানি হবর্ পায়।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

যোহন 14:21

যে মর্ বেক্‌ উগুমানি কোই পারে আর পালন্ গরে তেয়ই মরে কোচ্‌পায়। যে মরে কোচ্‌পায় মঅ বাপ্পো তারে কোচ্ পেবঅ। মুইয়ো তারে কোচ্‌পেম্ আর তা ইধু নিজোরে ফগদাং গুরিম্।

যোহন 14:23

যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।

যোহন 15:5

মুয়ই আংগুর্ গাজ্, আর তুমি সিবের্ ডেলা-পাদা। যুনি কেঅ মঅ সমারে থায় আর মুই তা সমারে থাং সালে তা জিংকানিত্ সয়-সাগোজ্যে গুলোগুলি ধরে, কিয়া মরে বাদে তুমি কিচ্চু গুরি ন-পারঅ।

যোহন 6:56

যে মর্ য়েরাগান্ আর লো-গান্ খায় তে মঅ ভিদিরে থায় আর মুইয়ো তা ভিদিরে থাং।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

যাকোব 2:22

তুই দঅ দেগত্তে যে, তার্ বিশ্বেজ্‌চান আর কামান সেক্কে এক সমারে কাম গোজ্জ্যে আর তার কামানে তার্ বিশ্বেজ্‌চানরে পূরোগান্ দান গোজ্জ্যে।

১ যোহন 3:24

তা উগুমান যে পালন গরে তে তা সমারে থায় আর তেয়ো তা সমারে থায়। যে পবিত্র আত্মাগান তে আমারে দিয়্যে সেই পবিত্র আত্মাগান্দোই আমি বুঝি পারিই যে, তে আমা মন ভিদিরে থায়।

১ যোহন 4:17

এবাবোত্যে গুরি কোচ্‌পানাগানে আমা মনভিদিরে পেলেং পেলেং অয়, যেন বিচের দিনোত্ আমি সাহস পেই, কিয়া এই জগদত্ আমা জিংকানিগান তা জিংকানিগান ধোক্ক্যেন।

১ যোহন 4:18

এই কোচ্‌পানাগান ভিদিরে দর্ নেই, মাত্তর্ যদবদে কোচ্‌পানাগানে দর্ জিনিস্‌চানরে ধাবেই দে, কিয়া দরান সমারে সাজার চিন্তেগান্অ থায়। যে দরায় তে কোচ্‌পানাগান পেলেং পেলেং ন-পায়।

১ যোহন 5:2

যেক্কে আমি গোজেনরে কোচ্‌পেই আর তা উগুমানি পালেই সেক্কে কোই পারিই যে, গোজেনর্ পুয়ো-ছাগুনোরেয়ো আমি কোচ্‌পেই।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

২ যোহন 1:6

কোচ্‌পানাগান অলঅ গোজেনর্ উগুম মজিম্ চলানা। তুমি পৌইল্যাত্তুন্ ধুরি যে উগুমানর্ কধা শুনি এচ্চ্য সেবাবোত্যেগুরি তুমি কোচ্‌পানার্ পধেদি চলঅ।

ফগদাং পেইয়্যে 12:17

সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

ফগদাং পেইয়্যে 14:12

যিগুনে গোজেনর্ উগুম পালান্ আর যীশু উগুরে বিশ্বেজি থান্ গোজেনর্ সেই মানুচ্চুনোর এই অবস্থাত্ ধৈজ্জ্যর্ দরকার।