১ যোহন 2:4 - Chakma Bible

⁴ যে কয়, “মুই তারে চিন্নোং,” অদচ তা উগুমানি পালন ন-গরে তে মিজে মাদিয়্যে; তা ভিদিরে সত্যগান নেই।

১ যোহন 2:4 Iomraidhean Croise

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

তীত 1:10

এধোক্ক্যেন বোউত্ মানুচ্‌ আঘন্ যিগুনে উল্লো, যিগুনে বাজে কধা কন্ আর যিগুনে ছলনা গুরি বেড়ান্। যিগুনে চুনু মাঢা কাবানা উগুরে জোর্ দুয়োন, বিশেষ গুরি মুই তারা কধানি কঙর্।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।

১ যোহন 1:10

যুনি কোই আমি পাপ ন-গুরিই সালে আমি তারে মিজেমাদিয়্যে বানেই আর তা কধানি আমা মন ভিদিরে নেই।

১ যোহন 1:6

যুনি আমি কোই, গোজেন আর আমা ভিদিরে উদোন্-বজন্ আঘে অদচ আন্ধারত্ চলিই সালে আমি মিজে কধা কোর্, সত্যর্ পধেদি ন-চলির্।

১ যোহন 1:8

আমি যুনি কোই আমা ভিদিরে পাপ নেই সালে আমি নিজোরে ফাকি দিই। সেক্কে ইয়েনই বুঝো যায় যে, আমা মন ভিদিরে গোজেনর্ সত্যগান নেই।

১ যোহন 2:3

আমি যুনি তার বেক্‌ উগুমানি পালেই সালে আমি ঘেচ্চ্যেকগুরি বুঝি পারিবোং যে, আমি তারে চিন্ন্যেই।

১ যোহন 2:9

যে মানুচ্চো কয় তে পহ্‌রত্ আঘে অদচ তা ভেইবোরে ঘিনায় তে এজঅ আন্ধারত্ আঘে।

১ যোহন 3:6

যিগুনে পাপত্ পড়ি থান্ সিগুনে খ্রীষ্টরে ন-দেগন আর নয়ো-জানন্।

১ যোহন 4:20

যে কয় তে গোজেনরে কোচ্‌পায় অদচ তা ভেইবোরে ঘিনায় তে মিজেমাদিয়্যে; কিয়া চোগেদি দেক্ক্যে ভেইয়োরে যে কোচ্‌ ন-পায় তে অদেগা গোজেনরে কেধোক্ক্যেন গুরি কোচ্‌পেই পারে?

১ যোহন 4:7

কোচ্‌পেইয়্যে পুয়ো-ছা লগ্, আমি যেন একজন আরেকজনরে কোচ্‌পেই, কিয়া কোচ্‌পানাগান গোজেনত্তুন্ এজে। তারা মনভিদিরে কোচ্‌পানা আঘে, গোজেনত্তুন্ তারার্ জর্ম ওইয়্যে আর সিগুনে গোজেনরে চিনোন্।