১ যোহন 2:29 - Chakma Bible

²⁹ তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 2:29 Iomraidhean Croise

যিরমিয় 13:23

কূশ দেজর্ মান্‌‌‍‍‍জ্যে কি তা কিয়্যে রঙান্ বা হোক্ক্যে বাঘে কি তা কিয়্যের্ ফুদো ফুদো দাগ্‌‌‍‍‍‍‍‍কানি বুদুলি ফেলেই পারে? তুইয়ো সেধোক্ক্যেন গম্ কাম গুরি ন-পারচ্, কিত্তে তুই ভান্ন্যেই কাম্ গরানা অভ্যেস্ গুরি ফেলেয়োচ্।‍

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

যোহন 1:13

এ মানুচ্চুনোর্ জর্ম লোত্তুন্ ন-অয়, কিয়্যের্ কামনা বা মরদ বাসনাত্তুন্অ ন-অয়, মাত্তর্ গোজেনত্তুনই ওইয়্যে।

যোহন 7:18

যে নিজোত্তুন্ কধা কয় তে তার্ নিজোর্ নাঙ্ ফুদেবার্ চেষ্টা গরে, মাত্তর্ যে দিপাধেয়্যে, কেঅ যুনি তার নাঙ্ ফুদেবার্ চেষ্টা গরে সালে তে সত্যবাদী আর তা মনত্ কনঅ ছলনা নেই।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

প্রেরিত্‌ 22:14

সেক্কে অননিয় কলঅ, আমা পূরোণি মানুচ্চুনোর গোজেনে তরে বেঈ লোইয়্যে যেন তুই তার্ আওজ্‌চানি জানি পারচ্, আর সেই ন্যায়বলা মানুচ্চোরে, অত্তাৎ যীশু খ্রীষ্টরে দেগচ্ আর তা মুয়ো কধানি শুনোচ্।

প্রেরিত্‌ 3:14

তুমি সেই পবিত্র আর ন্যায়বলা মানুচ্চোরে অস্বীগের্ গুরিনে এক্কো খুনীরে তমা ইধু ইরি দিবাত্তে কোইয়ো।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইব্রীয় 7:2

আর অব্রাহামে বেক্‌ জিনিজোর্ দশ্ ভাগর এক ভাগ্ তারে দিয়্যে। মল্কীষেদকর্ অত্ত অলঅ ন্যায়র্ রাজা। মল্কীষেদকে আরঅ শালেমর্-অ রাজা এলঅ, আর সিয়েনর অত্তগান অলঅ শান্তির রাজা।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

১ পিতর 1:23

যে বীজ্ ভস্ত ওই যায় এমন কনঅ বীজত্তুন্ তমার নুয়ো জর্ম ন-অয়, বরং যে বীজ্ কনদিন্অ ভস্ত ন-অয় সিয়োত্তুন্ তমার জর্ম ওইয়্যে। সেই বীজ্ অলঅ গোজেনর্ জেদা আর উমর কধা।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

২ পিতর 1:4

তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।

১ যোহন 3:7

পুয়ো-ছাগুন, কেঅ যেন তমারে ভান্ন্যেই পধেদি ন-নেযান। খ্রীষ্ট অন্যেয় ন-গরে, আর যে কেঅ নিজোরে ন্যায় কামত্ রাগান তেয়ো অন্যেয় ন-গরে।

১ যোহন 4:7

কোচ্‌পেইয়্যে পুয়ো-ছা লগ্, আমি যেন একজন আরেকজনরে কোচ্‌পেই, কিয়া কোচ্‌পানাগান গোজেনত্তুন্ এজে। তারা মনভিদিরে কোচ্‌পানা আঘে, গোজেনত্তুন্ তারার্ জর্ম ওইয়্যে আর সিগুনে গোজেনরে চিনোন্।

১ যোহন 5:1

যিগুনে বিশ্বেজ্ গরন যীশুই সেই মশীহ, গোজেনত্তুন্ তারার্ জর্ম ওইয়্যে। যিগুনে বাবরে কোচ্‌পান সিগুনে তার্ পুয়ো-ছাগুনোরেয়ো কোচ্‌পান।

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।

১ যোহন 5:4

গোজেনর্ পত্তি পুয়ো-ছাগুনে জগদ উগুরে জিদিই থান্। জগদ উগুরে যিয়েন জিত্যে সিয়েন অলঅ আমার বিশ্বেজ্।

৩ যোহন 1:11

পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।