১ যোহন 2:21 - Chakma Bible

²¹ সত্যগানরে কোই ন-পারঅ বিলি মুই যে তমা ইধু লিগিলুং সিয়েন নয়, মাত্তর্ তুমি সত্যগানরে কোই পারঅ আর ইয়েন-অ কোই পারঅ যে, সত্যত্তুন্ মিজে কধানি ন-এজে; আর সেনত্যে মুই তমা ইধু লিগিলুং।

১ যোহন 2:21 Iomraidhean Croise

গম্ উপদেজ্ 1:5

-জ্ঞানীগুনে এ উপদেজ্‌ছানি শুনোদোক্ আর শিক্ষ্যে পাদোক্, আর বুদ্ধিবলাগুনে শুনিনে পধেদি যাদে কাবিল্ ওদোক্-

যোহন 18:37

পীলাতে যীশুরে কলঅ, “সালে তুই কি রাজা?” যীশু কলঅ, “তুই ঠিগই কোইয়োচ্ যে, মুই রাজা। সত্যর্ পক্ষে সাক্ষি দিবাত্যে মুই জোর্মেয়োং আর সেনত্তে মুই জগদত্ এচ্চ্যং। যে কেঅ সত্যর্ তে মঅ কধা শুনে।”

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;

২ পিতর 1:12

ইয়েনত্যে মুই আমিযে এ বেপারানি তমারে ইদোত্ গুরি দুয়োঙর্। খালিক্ তুমি দঅ ইয়েনি কোই পারঅ আর যে সত্যগান তমা রিবেঙত্ আঘে সিয়েন্দোই থির্-অ আঘঅ।

১ যোহন 3:19

ইয়েন্দোই আমি কোই পারিবোং, আমি সত্যর্। সিয়েনবাদে কনঅ পৌইদ্যেনে যুনি আমা মনানে আমারে দুষি গরে সেক্কে গোজেন মুজুঙোত্ আমা মনানিরে বুঝেই পারিবোং। গোজেনে আমা মনানিত্তুন্ দাঙর্ আর তে বেক্কানি কোই পারে।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।