১ যোহন 2:18 - Chakma Bible

¹⁸ পুয়ো-ছা লগ্, ইবেয়ই শেজ্ সময়। তুমি দঅ শুন্ন্য যে, খ্রীষ্ট-শত্রুবো এজের্, মাত্তর্ তার আরঅ ভালোক্কুন্ শত্রু এ ভিদিরে এই যেইয়োন। সেনত্যে আমি বুঝি পারির্, ইবেয়ই শেষ্ সময়।

১ যোহন 2:18 Iomraidhean Croise

মথি লেখ্যে গম্ হবর্ 24:11

বোউত্ ফক্কর্ ভাববাদী এইনে ভালোক্ জনরে ঠোগেবাক্।

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মথি লেখ্যে গম্ হবর্ 24:5

কিয়া ভালোক্‌জনে মঅ নাঙে এইনে কধা কবাক্, মুয়ই মশীহ, আর বোউত্ মান্‌জ্যরে ঠোগেবাক্।

মার্ক 13:6

ভালোক্‌জনে মঅ নাঙে এইনে কধা কবাক্, মুয়ই সিবে আর বোউত্ মান্‌জ্যরে ঠোগেবাক্।

যোহন 21:5

তে শিচ্চ্যগুনোরে কলঅ, “মঅ সমাজ্যেগুন্, কনঅ কিজু ন-পঅ?” তারা কলাক্, “নাঢে, ন-পেই।”

রোমীয় 13:11

এদক্কন্ যিয়েনি কলুং, ইধুগোর্ সময় বুঝিনে সেবাবোত্যেগুরি চলঅ। ঘুমোত্তুন্ জাগিবার্ অক্ত ওইয়্যে, কিয়া যেক্কে আমি বিশ্বেজ্ গোজ্জ্যেই সেক্কেত্তুন্ বরং ইক্কিনে উদ্ধোর্ পেবার সময় লুম্মেগি।

রোমীয় 13:12

রেত্ প্রায় থুম্, বেইন্ন্যে পহ্‌র ওই এজের্; সেনত্তে এজঅ, আমি আন্ধার কামানি বাদ্ দিইনে পহ্‌রর্ অাত্যেরানি তুলি লোই।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

২ পিতর 3:3

পত্তমে এ কধাগান মনত্ রাগেয়ো, যিগুনোর্ গম কাম পৌইদ্যেনে ঠাট্টা-তামাজা গরানার্ খাচ্চ্যদ্ তারা শেজ্ কালত্ এইনে ঠাট্টা-তামাজা গুরিবাক্। তারা নিজোর্ কামনা-বাচনালোই চলিবাক্,

১ যোহন 2:22

যে কয়, যীশু মশীহ নয়, তে মিজেমাদিয়্যে বাদে আর কি? বাব আর পুয়োবোরে যে অস্বীগের্ গরে তেয়ই দঅ খ্রীষ্টর শত্রু।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

১ যোহন 4:3

মাত্তর্ যে আত্মাগানে এই যীশুরে অস্বীগের্ গরে সেই আত্মাগান গোজেনত্তুন্ ন-এজে। ইবে সেই খ্রীষ্ট-শত্রুর্ আত্মা। সেই আত্মাগান যে এজের্ সিয়েন দঅ তুমি শুন্ন্য, আজলে সেই আত্মাগান এজঅ জগদত্ আঘে।

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।

যিহূদা 1:18

তারা তমারে এ কধাগান কধাক্, “ঠাট্টা-তামাঝা গরানা যিগুনোর্ খাচ্চ্যত্ তারা শেজ্ সময়োত্ এবাক আর তারার ভোক্তি নেইয়্যে কামনা-বাসনা মজিম চলিবাক্।”