১ যোহন 2:16 - Chakma Bible

¹⁶ কিয়া জগদ ভিদিরে যিয়েনি আঘে-কিয়্যের্ কামনা, চোগোর্ লুভ আর সংসার পৌইদ্যেনে দেমাগ্-ইয়েনর্ কনগান বাবা ইত্তুন্ ন-এজে, জগদত্তুন্ এজে।

১ যোহন 2:16 Iomraidhean Croise

পত্থম 3:6

মিলেবো যেক্কে বুঝি পারিলো, গাজ্‌চো গুলোগুন্‌ খাদে সুয়োত্ অবাক্ আর সিগুন চাদেয়ো দোল্‌ আহ্ সিয়েনবাদে জ্ঞান পেবাত্যে আওজ্ গরেদে মনঅ আঘে, সেক্কে তে কয়েক্কো গুলো পাড়িনে হেলঅ। সে গুলোগুন তে তা নেক্কোরেয়ো দিলো আর তা নেক্কোয়ো সিগুন হেলঅ।

ইয়োব 31:1

কামনা চোগেদি কনঅ গাবুজ্যে মিলে ইন্দি ন চেম্ বিলিনে মঅ চোগ্‌কুনো লগে মুই এক্কো চুক্তি গোজ্যং।

গীতসংহিতা 73:6

সেনত্তে বার্‌বো অয়দে তারার তদাবোর্ নেগেলেচ্চো, আর অত্যেচারানি অয়দে তারার কিয়্যের কাবড়ানি।

গীতসংহিতা 78:18

তারার আওজ্ মজিম হানা দাবি গুরিনে মনে মনে তারা গোজেনরে জগা চেলাক্।

গীতসংহিতা 78:30

যে হানাগান তারা হেবাত্যে চেইয়োন সিয়েন হানা শেজ্ ন-অদে, এন্ কি, সিয়েন তারার মুয়োত্ থাগদে

গম্ উপদেজ্ 27:20

গোর জাগা আর নরগর্ যেধোক্ক্যেন কনদিন্অ ঈল্ ন-অয়, সেধোক্ক্যেন্ মান্‌‌জ্য চোগোর্‌‌অ ঈল্ ন-অয়।

গম্ উপদেজ্ 6:25

তা দোলান্ চেইনে তুই লুভ্ ন-গুরিচ্, তা চোগো পাদাত্ তুই নিজোরে বন্দি অবাত্তে ন-দিচ্;

গণাণা 11:34

সেনত্তে সেই জাগায়ানর্‌ নাঙ্‌ দিয়া অলঅ কিব্রোৎ-হত্তাবা (যিয়েনর্ ভেদ্‌তান্ “লুভী মানুচ্চুনোর্‌ ছবাশাল্‌”), কিত্যে মানুচ্চুনে সিয়েনত্‌ লুভীগুনোরে গারেয়োন।

গণাণা 11:4

ইস্রায়েলীয়গুনো লগে অন্য জাদর্‌ যে মানুচ্চুনে এলাক্‌ তারা আরেক বাবোত্যে হানার্‌ লুভে পাগল্‌ ওই উদিলাক। তারার্‌ মজুঙো-মুজুঙি ইস্রায়েলীয়গুনে আরঅ‌ কানাকুদি গুরিনে কুয়ো ধুরিলাক, “হায়, যুনি আমি য়েরা হেই পেদং!

মথি লেখ্যে গম্ হবর্ 4:8

পরেদি শদানে আরঅ তারে খুব অজল্ এক্কো মুড়োত্ নেযেল আর জগদর্ বেক্ রেজ্যগানি আর সিয়েনর্ সয়-সাগোজ্যে দেগেইনে কলঅ,

মথি লেখ্যে গম্ হবর্ 5:28

মাত্তর্ মুই তমারে কঙর্, যে কনজনে কনঅ মিলে ইন্দি অন্য চোগেদি রিনি চায় তে সেক্কে মনে মনে তা সমারে সিনেলী গুরিলো।”

লূকে লেখ্যে গম্ হবর্ 4:5

পরেদি শদানে তারে এক্কান্ অজল্ জাগাত্ নেযেল আর ঝিমিদোত্ জগদর্ বেক্ রেজ্যগানি দেগেইনে কলঅ, “ইয়েনি বেক্কানির্ অধিকার আর সিয়েনির সয়-সাগোজ্যেগানি মুই তরে দিম্, কিত্যে ইয়েনি বেক্কানি মরে দিয়্যে ওইয়্যে। মর্ যিবেরে আওজ্ মুই তারেই সিয়েনি দি পারং।

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

১ করিন্হীয় 10:6

আমি যেনে দেগিনে শিগি পারিই সেনত্তে ইয়েনি বেক্কানি ঘোট্ট্যে, যেন তারা যেবাবোত্যে ভান্ন্যেয় পৌইদ্যেনে লুভ্ গোজ্জ্যন আমি সেবাবোত্যে ন-গুরিই।

গালাতীয় 5:17

পাপ-খাচ্চ্যত্‌তানে যিয়েন চায় সিয়েন পবিত্র আত্মার্ বিরুদ্ধে আর পবিত্র আত্মাগানে যিয়েন চায় সিয়েন পাপ-খাচ্চ্যদর্ বিরুদ্ধে। পাপ-খাচ্চ্যত্‌তানে আর পবিত্র আত্মাগানে একজন আরেকজন বিরুদ্ধে কোইনে তুমি যিয়েন গুরিবাত্যে চঅ সিয়েন ন-গোজ্জ্য।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

যাকোব 3:15

এবাবোত্যে জ্ঞান স্বর্গত্তুন্ লামি ন-এজে, বরং পিত্‌থিমীর্, ভান্ন্যেই আওজর্ আর ভান্ন্যেই আত্মাগুনো সমারে তার্ উদোন্ বজন্;

যাকোব 4:16

সিয়েনর্ বদলে দেগা যাত্তে, তুমি ভারী দেমাগী আর বার্‌বোলোই ভরা। এবাবোত্যে বেক্‌ দেমাগ্‌কানি ভান্ন্যেই।

যিহোশূয় 7:21

মুই লুদেয়্যে মাল ভিদিরে শিনিয়র দেজর দোল্‌ এক্কান কাবড়্‌, প্রায় আড়ি কেজি রূবো আর ছয়শ গ্রাম ওজনর্ এক্কান সনার কট্টা দেগিনে লুভ্‌ সামেলেই ন-পারিনে সিয়েন নেযেয়োং। সিয়েনি মঅ‌ তাম্বুলান ভিদিরে মাদিত্‌ তলে লুগেয়্যে আঘে আর বেক্কানির তলেদি আগেদে রূবোনি।”

১ পিতর 1:14

গোজেনর্ বাধ্য পুয়ো-ছা ইজেবে তুমি তমার পুরোণি ভান্ন্যেই আওজ্ মজিম জিংকানি ন-কাদেয়ো; সেক্কে দঅ তুমি গোজেনরে ন-চিনিদা।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।