১ যোহন 2:14 - Chakma Bible

¹⁴ পুয়ো-ঝিগুন্, মুই তমা ইধু লিগিলুং, কিয়া তুমি বাবা গোজেনরে জানঅ। বাবলগ্, মুই তমা ইধু লিগিলুং, কিয়া সেই পৌইল্যাত্তুন্ ধুরি যিবে আঘে তুমি তারে হবর্ পেইয়ো। গাবুজ্জ্যেলগ্, মুই তমা ইধু লিগিলুং, কিয়া তুমি বোলী আর গোজেন কধা তমা মন ভিদিরে আঘে, আর তুমি শদান উগুরে জিত্য।

১ যোহন 2:14 Iomraidhean Croise

গীতসংহিতা 119:11

তঅ কধানি মঅ মনানত্ মুই রাগেয়োং, যেনে তর্ উল্লোমি গুরিনে পাপ ন-গরং।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

যোহন 5:38

সিয়েন বাদে তা কধানি তমা মনত্ ন-থায়, কিয়া তে যিবেরে দিপাধেয়্যে তা উগুরে তুমি বিশ্বেজ্ ন-গরঅ।

যোহন 8:31

যে যিহূদীগুনে তারে বিশ্বেজ্ গোজ্যন্ যীশু তারারে কলঅ, “মঅ কধামজিম্ যুনি তুমি চলঅ সালে ঘেচ্চ্যেক্‌গুরি তুমি মর্ শিচ্চ্য।

যোহন 8:37

মুই হবর্ পাং তুমি অব্রাহাম বংশর মানুচ্, মাত্তর্ তো তুমি মরে মারে ফেলেবাত্তে চর্, কিয়া মঅ কধানি তমা মনত্ কনঅ জাগা ন-পায়।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

কলসীয় 1:11

ইয়েন সম্ভব, কিয়া গোজেনে তার্ দাঙর্ খেমতা মজিম বেক্ খেমতাগান্দোই তমারে খেমতাবলা গোজ্জ্যে যেনে তুমি নিত্য হুজিয়ে ধৈজ্জ্য ধুরিনে বেক্কানি সোজ্জ্য গরঅ আর বাবা গোজেনরে ভালেদি জানঅ। পহ্‌র রেজ্যত্ গোজেন মানুচ্চুনে যে অধিকারান পেবাক্ সিয়েনর্ ভাগী অবাত্যে তে তমারে যগাজ্জ্যে গুরি তুল্ল্যে,

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

২ তীমথিয় 2:1

মঅ পুয়োবো, খ্রীষ্ট যীশুর্ দোয়্যেই তুই বোলী অ।

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।

১ যোহন 1:1

পৌইল্যাত্তুন্ ধুরি যিবে এলঅ, যিবের্ মুয়ো কধা আমি শুন্ন্যেই, যিবেরে নিজো চোগেদি দেক্ক্যেই, যিবেরে গমেডালে রিনি চেইয়্যেই, যিবেরে নিজো আঢে ধোজ্জ্যেই, ইয়েনত্ সেই জিংকানির-কধাগান লেগঙর্।

১ যোহন 1:10

যুনি কোই আমি পাপ ন-গুরিই সালে আমি তারে মিজেমাদিয়্যে বানেই আর তা কধানি আমা মন ভিদিরে নেই।

১ যোহন 2:13

বাবলগ্, সেই পৌইল্যাত্তুন্ ধুরি যিবে আঘে তুমি তারে হবর্ পেইয়ো বিলিনে তমা ইধু লেগঙর্। গাবুজ্জ্যেলগ্, শদান উগুরে তুমি জিত্য বিলিনে তমা ইধু লেগঙর্।

২ যোহন 1:2

যে সত্যগান আমা মনভিদিরে আঘে আর উমরত্যে আমা সমারে থেবঅ সেই সত্যগানত্যে আমি তমারে কোচ্‌পেই।

৩ যোহন 1:3

মুই ভারী হুজী অলুং যেক্কে কয়েক্কো বিশ্বেজি ভেই এইনে তঅ পৌইদ্যেনে এ সাক্ষিগান দিলাক্, গোজেন সত্যগান উগুরে তুই বিশ্বেজি আঘচ্ আর তা সমারে চলর্।

ফগদাং পেইয়্যে 2:3

তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।