১ যোহন 2:13 - Chakma Bible

¹³ বাবলগ্, সেই পৌইল্যাত্তুন্ ধুরি যিবে আঘে তুমি তারে হবর্ পেইয়ো বিলিনে তমা ইধু লেগঙর্। গাবুজ্জ্যেলগ্, শদান উগুরে তুমি জিত্য বিলিনে তমা ইধু লেগঙর্।

১ যোহন 2:13 Iomraidhean Croise

গীতসংহিতা 148:12

ও গাবুজ্যে-গাবুরীগুন আর বুড়োবুড়ি আহ্ ঝি-পুয়োগুন, গোজেনরে নাঙ্ গিনো।

গীতসংহিতা 90:2

যেক্কেনে মুড়ো-মুড়ির সিরিষ্টি ন-অয়, দুনিয়ে আর পিত্‌থিমীর সিরিষ্টি ন-অয়, সিয়েনির আগেত্তুন্ ধুরি উমর সং তুয়ই গোজেন।

গীতসংহিতা 91:14

লগেপ্রভু কোইয়্যেদে, “কোচ্‌পানালোই যে মরে আজাবোধে ধোজ্যে, তারে মুই রোক্ষ্যে গুরিম; মুই তারে দজাত্ ন-ফেলেম, কিত্তে তে মরে ঘেচ্ছেক্‌গুরি চিন্যে।

গম্ উপদেজ্ 20:29

গাবুজ্যেগুনোর বলান্ অলঅ তারার দোল্, আর বুড়োগুনোর বাড়্‌বো গরানাগান অলঅ পাগানা চুলান্।

যোয়েল 2:28

সে পরেদি মুই বেক্ মানুচ্চুনো উগুরে মঅ আত্মাগান ঢালি দিম। সেক্কে তঅ পুয়োগুনে আর ঝিগুনে ভাববাদী ইজেবে গোজেন কধা কবাক্, তমা বুড়ো মানুচ্চুনে স্ববন দেগিবাক্ আর তমা গাবুজ্যেগুনে দর্শন পেবাক্।

সখরিয় 9:17

তারার্ চেঙারাগান কত্তমান গম্ অবঅ, কত্তমান দোল্ অবঅ! শোজ্য হেইনে গাবুজ্যেগুনে আর নুয়ো আংগুর-রস হেইনে গাবুজ্যে মিলেগুনে তাজা ওই উদিবাক্।

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 13:38

এই জগদ্‌তান ভূই, আর স্বর্গ-রেজ্যর্ মানুচ্চুন গম্ বীজি। শদান মানুচ্চুনে অলাক্ সেই শ্যামাঘাস।

মথি লেখ্যে গম্ হবর্ 5:37

তমা কধাত্ অয় যেন অয় আর নয় যেন নয় অয়; ইয়েনর বেশ্ যিয়েন, সিয়েন শদান ইত্তুন্ এজে।

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 14:7

তুমি যুনি মরে হবর্ পেদা সালে মঅ বাবারেয়ো হবর্ পেদা। ইক্কিনে তুমি তারে হবর্ পেইয়ো আর তারে দেক্কোয়ো।”

যোহন 14:9

যীশু তারে কলঅ, ফিলিপ, এদক্ দিন মুই তমা সমারে সমারে আঘং, তো কি তুই মরে ন-চিনোচ্? যে মরে দেক্ক্যে তে বাবারেয়ো দেক্ক্যে। তুই কেধোক্ক্যেন্ গুরি কত্তে, বাবারে দেগা?

যোহন 16:3

তারা ইয়েনি বেক্কানি গুরিবাক্ কিয়া তারা বাবারেয়ো ন-চিনোন্, মরেয়ো ন-চিনোন্।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 8:19

ফরীশীগুনে তারে কলাক্, “তঅ বাবা কুধু?” যীশু জোব্ দিলো, “তুমি মরেয়ো ন-চিনো আর মঅ বাবারেয়ো ন-চিনো। যুনি মরে চিনিদা সালে মঅ বাবারেয়ো হবর্ পেদা।”

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

১ তীমথিয় 5:1

যিগুনে বুড়ো, তারারে দুষ্ দেগেবাত্যে গবাচবা ন-গোজ্য; বাব ধোক্ক্যেন মনে গুরিনে তারারে বুঝো। গাবুজ্জ্যেগুনোরে ভেইয়ো ধোক্ক্যেন মনে গুরিনে বুঝো।

তীত 2:6

সেবাবোত্যে গুরি গাবুর্ মরদ্‌তুনোরে উপদেচ্‌ দুয়ো যেন তারা নিজোরে দোঙেই রাগান।

১ যোহন 1:1

পৌইল্যাত্তুন্ ধুরি যিবে এলঅ, যিবের্ মুয়ো কধা আমি শুন্ন্যেই, যিবেরে নিজো চোগেদি দেক্ক্যেই, যিবেরে গমেডালে রিনি চেইয়্যেই, যিবেরে নিজো আঢে ধোজ্জ্যেই, ইয়েনত্ সেই জিংকানির-কধাগান লেগঙর্।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 2:12

পুয়ো-ঝিগুন্, খ্রীষ্টত্যে তমা পাপ্পানি ক্ষেমা গরা ওইয়্যে বিলিনে মুই তমা ইধু লেগঙর্।

১ যোহন 2:14

পুয়ো-ঝিগুন্, মুই তমা ইধু লিগিলুং, কিয়া তুমি বাবা গোজেনরে জানঅ। বাবলগ্, মুই তমা ইধু লিগিলুং, কিয়া সেই পৌইল্যাত্তুন্ ধুরি যিবে আঘে তুমি তারে হবর্ পেইয়ো। গাবুজ্জ্যেলগ্, মুই তমা ইধু লিগিলুং, কিয়া তুমি বোলী আর গোজেন কধা তমা মন ভিদিরে আঘে, আর তুমি শদান উগুরে জিত্য।

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।