১ যোহন 2:1 - Chakma Bible

¹ মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 2:1 Iomraidhean Croise

গীতসংহিতা 4:4

তুমি রাগ্ গুরিনে পাপ ন-গোজ্জ্য। বিচ্ছোনত্ পুরিনে তমা মনানিরে চঅ আর জুরো গুরি থেয়ো।

যিহিষ্কেল 3:21

মাত্তর্ পাপ ন-গুরিবাত্তে যুনি তুই সেই গম্ মানুচ্চুনোরে উজিয়ার গরচ্ আর তে পাপ ন-গরে সালে উজিয়ার অবার্ কধা শুনিবার ফলে তে হামাক্কায় বাঁজিবো আর তুইয়ো নিজোরে রোক্ষ্যে গুরিবে।”

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 13:33

“পুয়োলগ্, আর বানা কিজু সময় মুই তমা সমারে আঘং। তুমি মরে তোগেবা, মাত্তর্ মুই যিহূদী নেতাগুনোরে যেবাবোত্যে কোইয়োং, ‘মুই যিধু যাঙর্ তুমি সিধু এই ন-পারিবা,’ সেবাবোত্যে তমারেয়ো ইক্কিনে সিয়েন্ কঙর্।

যোহন 14:16

মুই বাবা ইধু মাগিম্, আর তে তমা ইধু চিরকাল্ থেবাত্যে আর এক্কো বল্ দিয়্যেরে পাধেই দিবো।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 21:5

তে শিচ্চ্যগুনোরে কলঅ, “মঅ সমাজ্যেগুন্, কনঅ কিজু ন-পঅ?” তারা কলাক্, “নাঢে, ন-পেই।”

যোহন 5:14

ইয়েন পরেদি যীশু সে মানুচ্চোরে উবোসনা-ঘরত্ দেগিনে কলঅ, “চাহ্, তুই গম্ ওইয়োচ্। পাপ জিংকানি আর ন-কাদেচ্, যেন তর্ আর ক্ষতি ন-অয়।”

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

যোহন 8:11

মিলেবো জোব্ দিলো, “না বাবু, কনজনে ন-গরন্।” সেক্কে যীশু কলঅ, “মুইয়ো ন-গরং। থিক্ আঘে যাহ্; পাপঅ জিংকানি আর ন-কাদেচ্।”

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

রোমীয় 6:15

মাত্তর্ রীদি-সুদোমর্ অধীনোত্ ন-থেইনে দোয়্যের্ অধীনোত্ ওইয়্যেই বিলি কি আমি পাপ গুরিবোং? খামাক্কায় নয়।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

ইফিষীয় 4:26

যুনি রাগ গরঅ সালে সেই রাগত্যে পাপ ন-গোজ্জ্য; বেলান্ ডুবিবার আগেদি তমা রাগ্‌‌‌কানি বাদ্ দুয়ো,

১ তীমথিয় 2:5

গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

১ তীমথিয় 3:14

মুই আজা গরং যাদিমাদি তমা ইধু যেই পারিম। মাত্তর্ যুনি কনঅ কারনে মর্ যাদে দেরী অয় সেনত্যে মুই তইধু ইয়েনি লেগঙর্, যেন তুই কোই পারচ্ গোজেন পরিবার মানুচ্চুনোর চালচলন্ কেধোক্ক্যেন অনা উচিত। এই পরিবার্‌বো অলঅ জেদা গোজেনর্ মন্ডলী, যিবে ভিত্তি আর থুনি ধোক্ক্যেন গোজেনর্ সত্যগানরে ধুরি রাগায়।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।

যাকোব 3:9

এ জিলান্‌দোই আমি আমার প্রভুর্, অত্তাৎ বাবা গোজেনর্ বাঈনী গুরিই, আরঅ এ জিলান্দোই তা ধোক্ক্যেন গুরি বানেয়্যে মানুচ্চুনোরে অভিশাব্ দিই।

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 3:18

পুয়ো-ছা লগ্, আমি যেন বানা মুয়োর্ কোচ্‌পানা ন-দেগেইনে কামানিলোই ঘেচ্চ্যেকগুরি কোচ্‌পানা দেগেই।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।

১ যোহন 3:7

পুয়ো-ছাগুন, কেঅ যেন তমারে ভান্ন্যেই পধেদি ন-নেযান। খ্রীষ্ট অন্যেয় ন-গরে, আর যে কেঅ নিজোরে ন্যায় কামত্ রাগান তেয়ো অন্যেয় ন-গরে।

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

১ যোহন 5:17

বেক্‌ অন্যেয়ানি পাপ, মাত্তর্ বেক্‌ পাপ্পানি মরণ ধোক্ক্যেন নয়।

১ যোহন 5:21

পুয়ো-ছা লগ্, মূত্তি সমারে তমার কনঅ মিলেমিলি ন-থোক্।

৩ যোহন 1:4

মর্ পুয়ো-ছাগুনে যে গোজেনর্ সত্যর্ পধেদি চলদন্, এ কধাগান শুনোনাত্তুন্ বেশ্ গুরি হুজি অনা আর নেই।