১ যোহন 1:5 - Chakma Bible

⁵ আমি যে কধাগান যীশু খ্রীষ্টত্তুন্ শুনিনে তমারে জানের্ সিয়েন অলঅ গোজেন পহ্‌রান; সিয়েন ভিদিরে আন্ধার্ বিলিনে কিচ্চু নেই।

১ যোহন 1:5 Iomraidhean Croise

গীতসংহিতা 139:12

কিত্তে সে আন্ধারান্ দঅ তইদু আন্ধার্ নয়। রেত্তো-দিনো ধোক্ক্যেন পহ্‌র্; তইদু আন্ধার্ আর পহ্‌রান্ দ্বিয়েন এক্কুই।

গীতসংহিতা 27:1

লগেপ্রভুই মর্ পহ্‌র্ আর মর্ উদ্ধোর গুরিয়্যে, মুই কারে দোরেম্? লগেপ্রভু মরে রোক্ষ্যে গুরিবো বেক্ দযানিত্তুন, মুই কনমতে ন দোরেম্।

গীতসংহিতা 36:9

তইদু জিংকানির উইফুদ্ আঘে; তর্ পহ্‌‌রে আমি পহ্‌‌র দেগিই।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

যিশাইয় 2:5

ও যাকোবর বংশধরুন্, এজঅ; আঢঅ, আমি লগেপ্রভুর পহ্‌রে আঢাউদো গুরিই।

যিশাইয় 60:19

দিনো অক্তত্ বেলান পহ্‌র আর দরকার ন-অবঅ,‌‌‌‌‌‌‍‍ চানানর্ জোল্‌জোল্যে পহ্‌রান তর্ ন-লাগিবো,‌‌‌‌‌‌‍‍‌‌‌‌‌‌‍‍ কিত্তে লগেপ্রভুই অবঅ তর্ জিংকানিবরর্ পহ্‌‌‌‌‌‌‌‍র,‍ আর তর্ গোজেনে অবঅ তর্ সয়সাগোজ্যে।

দানিয়েল 2:22

তে গভীন্ আর লুগেয়্যে বেপারানি ফগদাং গরে; তে হবর্ পায় আন্ধার ভিদিরে কি আঘে; তা সমারে পহ্‌‌‌‌রানে বজত্তি গরে।

যোহন 1:19

যেক্কে যিহূদী নেতাগুনে যিরূশালেম শঅরত্তুন্ কয়েক্কো ধর্মগুরু আর লেবীয়রে যোহন ইধু পাধেল সেক্কে যোহনে তারা ইধু এ সাক্ষিগান্ দিলো। তারা পুযোর্ গুরিলাক্, “তুই কন্না?”

যোহন 1:4

তা ভিদিরে জিংকানি এলঅ আর সেই জিংকানিগান্ এলঅ মান্‌জ্যর পহর্।

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

যোহন 9:5

যেদক্ দিন মুই পিত্‌থিমীত্ আঘং মুই জগদর্ পহ্‌র।”

১ করিন্হীয় 11:23

মুই তমারে যে শিক্ষ্যেনি দুয়োং সিয়েনি মুই প্রভুত্তুন্ পেইয়োং। যে রেদোত্ প্রভু যীশুরে শত্রুগুনো আঢত্ ধুরি দিয়্যে ওইয়্যে,

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

১ যোহন 3:11

যে কধাগান তুমি পত্তমত্তুন্ ধুরি শুনি এজর্ সিয়েন এবাবোত্যে-আমার একজন আরেকজনরে কোচ্‌পানা উচিত।

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।