১ যোহন 1:3 - Chakma Bible

³ যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।

১ যোহন 1:3 Iomraidhean Croise

ইয়োব 13:1

মুই ইয়েনি নিজো চোগেদি দেখ্যং আর নিজো কানে শুনিনে সিয়েনি বুচ্ছোং।

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

গীতসংহিতা 22:22

ভেইয়ুনো ইদু মুই তঅ পৌইদ্যেনে ফগদাং গুরিম আর আদাম্মেগুনো ইদু তরে নাঙ্ গিনিম।

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

গণাণা 10:32

তুমি যুনি আমা লগে এজঅ সালে লগেপ্রভু আমাত্তে যে ভালেদি গুরিবো বিলি এগেম্ গোজ্যে তার্‌ ভাগ আমি তমারেয়ো দিবোং।”

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 17:25

ন্যায়বলা বাবা, জগদর্ মানুচ্চুনে তরে ন-চিনোন্ মাত্তর্ মুই তরে চিনোং। আর তুই যে মরে দিপাধেয়োচ্ ইগুনে সিয়েন্ বুঝি পাজ্জ্যন্।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 19:35

যে নিজো চোগেদি ইয়েন্ দেগিলো তেয়ই সাক্ষি দিইনে কোইয়্যে, আর তা সাক্ষিগান্ সত্য। তে কোই পারে, তে যিয়েন্ কোইয়্যে সিয়েন্ সত্য, যেন তুমিয়ো বিশ্বেজ্ গুরি পারঅ।

প্রেরিত্‌ 13:32

আমি তমা ইধু এ গম্ হবরান্ দিত্তে যে, আমা পূরোণি মানুচ্চুনো ইধু গোজেনে যে এগেমান্ গোজ্জ্যে,

প্রেরিত্‌ 13:41

তুমি যিগুনে গোজেনরে নিইনে তামাজা গুরি থাগ, তুমি শুনো- তুমি আমক্ অ আর ভস্ত অ; কিয়া তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তুমি কনঅ বাবদে বিশ্বেজ্ ন-গুরিবা, কেঅ কলেয়ো ন-গুরিবা।”

প্রেরিত্‌ 2:42

সেই মানুচ্চুনে দিপাধেয়্যেগুনোর শিক্ষ্যেনি শুনিদাক্, তারা সমারে এক ওইনে প্রভুর হানা লদাক্ আর তবনা গুরিনে সময় কাদেদাক্।

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

প্রেরিত্‌ 4:20

আমি যিয়েন দেক্ক্যেই আর শুন্ন্যেই সিয়েন ন-কোইনে দঅ থেই ন-পারির্।”

রোমীয় 15:27

এ টেঙাগুন্ তারা হুজি ওইনে তুল্ল্যন। ইয়েন বাদেয়ো এই মন্ডলীগুন যিরূশালেম মানুচ্চুনো ইধু নাম্ ফুদেয়্যে, কিয়া যিহূদীগুনে যেক্কে তারার্ আত্মিক আশির্বাদর্ ভাগ্ অযিহূদীগুনোরে দুয়োন সেক্কে অযিহূদীগুনোর‌্‌‌অ উচিত্ সাংসারিগ পৌইদ্যেনে যিহূদীগুনোরে সাহায্য গরানা।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 1:9

গোজেনে বিশ্বেজবলা; তেয়ই তমারে ডাক্ক্যে যেন তা পুয়োবো আমা প্রভু যীশু খ্রীষ্ট আর তমা ইধু কধাবাত্তা-মিলেমিলি থায়।

১ করিন্হীয় 15:1

ভেইলগ্, যে গম্ হবরান্ মুই তমা ইধু ফগদাং গোজ্জ্যং, সেই গম্ হবরানর্ কধাগান তমারে ইদোত্ তুলি দোঙর্। তুমি সিয়েন মানি লোইয়ো আর সিয়েনত্ থির্‌অ আঘঅ।

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 2:1

সালে খ্রীষ্ট সমারে মিজেইনে যেক্কে উচ্চোমি পাহ্ যায়, খ্রীষ্টর্ কোচ্‌পানার কারনে যেক্কে সান্তনা পাহ্ যায়, পবিত্র আত্মা আর তমা ভিদিরে যেক্কে উদোলোলি আঘে, তমা মনত্ যেক্কে কোচ্‌পানা আর দোয়্যে-মেয়্যে আঘে,

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

১ তীমথিয় 6:2

যে চাগর্‌বো খ্রীষ্ট বিশ্বেজির্ গিরোজর্ অধীন তে যেন বিশ্বেজি ভেই বিলিনে সেই গিরোজ্‌সোরে ঈচ্ ন-গরে বরং আরঅ গমেডালে তার সেবা গরে, কিয়া তার্ সেবালোই যিবে উপকার পার্ তে দঅ বিশ্বেজি আর তার্ কোচ্‌পেইয়্যে। এ বেপারানি শিক্ষ্যে দে আর উপদেচ্‌ দে।

ইব্রীয় 2:12

পবিত্র বোইবোত্ তে গোজেনরে কোইয়্যেদে, “ভেইয়ুনো ইধু মুই তঅ পৌইদ্যেনে ফগদাং গুরিম আর সমাজ ভিদিরে তর্ গুণগান গুরিবোং।”

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

২ পিতর 1:16

আমা প্রভু যীশু খ্রীষ্টর খেমতা আর তার্ এযানা পৌইদ্যেনে তমারে জানেবাত্যে যেইনে আমি কনঅ বানেইয়্যে কিত্ত্যে ন-কোই; আমি তার মহিমাগান নিজো চোগেদি দেক্ক্যেই।

১ যোহন 1:1

পৌইল্যাত্তুন্ ধুরি যিবে এলঅ, যিবের্ মুয়ো কধা আমি শুন্ন্যেই, যিবেরে নিজো চোগেদি দেক্ক্যেই, যিবেরে গমেডালে রিনি চেইয়্যেই, যিবেরে নিজো আঢে ধোজ্জ্যেই, ইয়েনত্ সেই জিংকানির-কধাগান লেগঙর্।

১ যোহন 1:5

আমি যে কধাগান যীশু খ্রীষ্টত্তুন্ শুনিনে তমারে জানের্ সিয়েন অলঅ গোজেন পহ্‌রান; সিয়েন ভিদিরে আন্ধার্ বিলিনে কিচ্চু নেই।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।