১ করিন্হীয় 9:8 - Chakma Bible

⁸ মুই কি বানা সাধারন বুদ্ধিলোই এ কধাগান্ কঙর্? মোশির্ রীতি-সুদোম্অ কি সেই একই কধা ন-কয়?

১ করিন্হীয় 9:8 Iomraidhean Croise

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 3:5

মাত্তর্ আমা অন্যেয় কামানিত্তুন্ আরঅ গমেদালে বুঝো যায় যে, গোজেনে আমিযে ন্যায় কাম্ গরে। সালে আমি কি কবং যে, তে যেক্কে আমারে সাজা দে সেক্কে অন্যেয় গরে? খালিক্ কধাগান মুই মানুচ্ ইজেবে কঙর্, আজলে তে কনদিন্অ অন্যেয় ন-গরে।

রোমীয় 6:19

মান্‌জ্যর্ দুর্বলতার্ কারনে মুই কধানি মান্‌জ্যে যেবাবোত্যেগুরি বুঝিবাক্ সেবাবোত্যেগুরি কঙর্। আগে তুমি যেবাবোত্যে আরঅ বেশ্ গুরিনে অন্যেয় কাম্ গুরিবাত্তে নিজো কিয়্যেগানরে অপবিত্র আহ্ অন্যেয়র্ চাগর্ বানেয়ো, ঠিগ্ সেবাবোত্যেগুরি ইক্কিনে পবিত্রতালোই ভর্ পুনোং অবাত্তে তমা কিয়্যেগানরে ন্যায় কামর্ চাগর্ বানঅ।

১ করিন্হীয় 14:34

সেবাবোত্যেগুরি মিলেগুনে মন্ডলীত্ অলর্ গুরি থাদোক্, কিয়া কধা কবার্ অনুমতি তারারে দিয়্যে ন-অয়। মোশির আইন-কানুন্ যেধোক্ক্যেন কয় সেধোক্ক্যেন তারা বরং বাধ্য ওইনে থাদোক্।

১ করিন্হীয় 7:40

মাত্তর্ মর্ মতে তে যেবাবোত্যে আঘে যুনি সেবাবোত্যে থায় সালে তে আরঅ সুগি অয়। মর্ মনে অয়, মুই গোজেনর্ আত্মার্ মাধ্যমে এ কধাগান্ কঙর্।

গালাতীয় 1:11

ভেইলগ্, মুই তমারে জানাঙর্, মুই যে গম হবরান্ প্রচার গোজ্জ্যং সিয়েন কনঅ মান্‌জ্যর বানেইয়্যে কধা নয়।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।