১ করিন্হীয় 8:7 - Chakma Bible

⁷ মাত্তর্ এই জ্ঞানান্ বেক্কুনোর নেই। মূত্তি পূজোর্ অভ্যেস্ এল বিলি মূত্তি ইধু উৎসর্ব-গোজ্জ্যে হানা এজঅ সং কেঅ কেঅ সেই ইজেবে হেই থান্। সেক্কে তারার্ বিবেক নরম বিলি অসিজি অয়।

১ করিন্হীয় 8:7 Iomraidhean Croise

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

রোমীয় 14:14

প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।

রোমীয় 15:14

মঅ ভেইয়ুন, মুই তমা পৌইদ্যেনে এ কধাগান্ বিশ্বেজ্ গরঙর্ যে, তমা মনানি ভালেদির্-আয়োজে ভরা, তমার্ নানান্ বাবোত্যে জ্ঞান্ আঘে, আর তুমি একজন আরেকজনরে উপদেচ্‌ দি পারঅ।

১ করিন্হীয় 10:25

বাজারত্ যে কনঅ য়েরা বেজা অয় সিয়েনি হেয়ো; বিবেগ্‌কানরে শান্ত থবাত্যে কনঅ কিজু পুযোর্ ন-গোজ্জ্য,

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।