১ করিন্হীয় 8:10 - Chakma Bible

¹⁰ তর্ দঅ জ্ঞান আঘে, মাত্তর্ যিবের্ বিবেক নরম তে যুনি তরে দেবেদা মন্দিরোত্ বৈইনে হাদে দেগে সালে তেয়ো কি মূত্তি ইধু উৎসর্ব-গোজ্জ্যে হানা হেবাত্তে উচ্চোমি ন-পেবঅ?

১ করিন্হীয় 8:10 Iomraidhean Croise

আমোষ 2:8

তারা পত্তি পূজো ইধু বন্ধক নেযেয়্যে পোজাগ উগুরে ঘুম যান। তারার্ উবোসনা-ঘরত্ তারা জরিমানার টেঙালোই কিন্যে আংগুর-রস হান্।

গণাণা 25:2

এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

রোমীয় 14:14

প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।

রোমীয় 14:23

মাত্তর্ যুনি কনজনে সন্দেহ গুরিনে কনঅ কিজু খায় সালে তে দুষি, কিয়া তে তার্ বিশ্বেজ্ মজিম কাম্ ন-গরের্। বিশ্বেজ্ বিরুদ্ধে কনঅ কিজু গরানা পাপ।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

১ করিন্হীয় 8:7

মাত্তর্ এই জ্ঞানান্ বেক্কুনোর নেই। মূত্তি পূজোর্ অভ্যেস্ এল বিলি মূত্তি ইধু উৎসর্ব-গোজ্জ্যে হানা এজঅ সং কেঅ কেঅ সেই ইজেবে হেই থান্। সেক্কে তারার্ বিবেক নরম বিলি অসিজি অয়।

১ করিন্হীয় 8:9

মাত্তর্ উজিয়ার্! যিগুনোর বিশ্বেজ্ নরম, তমার্ এই স্বাধীনতাগান তারা ইধু যেন পাপর্ কারন ন-অয়।

বিচের গুরিয়্যেগুন 9:27

তারা নিজোর্‌ ক্ষেদত্‌ যেইনে আংগুর তুলিনে মাড়িলাক্‌ আর মেইত্‌বান গুরিলাক্‌। তারা তারার্‌ দেবেদার কিয়ঙত্‌ যেইনে খানা-দানা গুরি অবীমেলকরে অভিশাব্ দিলাক্‌।