১ করিন্হীয় 7:2 - Chakma Bible

² মাত্তর্ চেরোকিত্তে বোউত্ বেভিচের্ অর্, সেনত্তে পত্তি মরদর্ নিজোর্ মোক্ থোক্ আর পত্তি মিলের্ নিজোর্ নেক্ থোক্।

১ করিন্হীয় 7:2 Iomraidhean Croise

গম্ উপদেজ্ 18:22

যে মানুচ্চো মোগ্ পায় তে বর্ পায় আর লগেপ্রভুত্তুন্ দোয়্যে পায়।

গম্ উপদেজ্ 19:14

ঘর-সংসার আর ধন বাবত্তুন্ পাহ্ যায়, মাত্তর্ বুদ্ধিবলা মোগ্ পাহ্ যায় লগেপ্রভু ইত্তুন্।

মালাখি 2:14

তুমি কত্তে, “কিত্তে ন-গরঅ?” ইয়েনর্ কারনান্ অলঅ, লগেপ্রভু তমার্ পত্তি মান্‌জ্যরে আর তার্ গাবুজ্যে কালর্ মোগ্ লনার্ সাক্ষী ওইয়্যে; মাত্তর্ যুনিয়ো সেই মিলেবো তা সমাজ্যে, তার্ মেলালোই চুক্তি গোজ্যে মোগ্, তো তে তা লগে বেঈমানী গোজ্যে।‌‌‌

মথি লেখ্যে গম্ হবর্ 5:32

মাত্তর্ মুই তমারে কঙর্, যুনি কনজনে বেভিচের দুষ্ বাদে অন্য কনঅ কারনে মোগোরে ছাড়ি দে তে তারে বেভিচারিনি বানায়। আর যিবেরে ছাড়ি দিয়্যে ওইয়্যে সে মিলেবোরে যে লয় তেয়ো বেভিচের্ গরে।

১ করিন্হীয় 6:18

বেক্ বেভিচারানিত্তুন্ ধেই যঅ। মানুচ্‌ অন্য যেদক্কানি পাপ্ গরন্ সিয়েনি তার্ কিয়্যের্ বারেদি গরন্, মাত্তর্ যে বেভিচের্ গরে তে নিজোর্ কিয়্যের্ বিরুদ্ধে পাপ গরে।

১ করিন্হীয় 7:1

তুমি মরে যেদক্কানি পৌইদ্যেনে লেক্ক্য এবার্ সিয়েনির্ জোব্ দোঙর্। যুনি কেঅ মোক্ ন-লয় সালে তে গম্ কাম্ গরে;

১ করিন্হীয় 7:3

কিয়্যেগানদি মোক্কোর্ যিয়েন পাওনা, তা নেক্কো তারে সিয়েন দোক্; সেবাবোত্যেগুরি মোক্কোয়ো নেক্কোরে দোক্।

১ করিন্হীয় 7:9

মাত্তর্ যুনি তারা নিজোরে দোঙেই ন-পারন্ সালে নেক্ লোদোক্, কিয়া কিয়্যেগানর্ কামনায় জ্বলিনে-পুড়িনে মরানাত্তুন্ বরং নেক্ লনা বোউত্ গম্।

ইফিষীয় 5:28

নেগ্‌কো যেধোক্ক্যেন নিজোর্ কিয়্যেগানরে কোচ্‌পায় ঠিগ্ সেধোক্ক্যেন গুরি নিজো মোগ্‌কোরেয়ো তার্ কোচ্‌পানা উচিত্। যে নিজোর্ মোগরে কোচ্‌পায় তে নিজোরে কোচ্‌পায়।

ইফিষীয় 5:33

মাত্তর্ যাক সেই বেক কধানি। তুমি পত্তিজনে নিজো মোগরে নিজো ধোক্ক্যেন কোচ্‌পেইয়ো; আর মোগর্-অ উচিত যেন তে নিজো নেগরে সর্মান গরে।

১ থিষলনীকীয় 4:4

আর যিগুনে গোজেনরে ন-জানন্ সেই অযিহূদীগুনো ধোক্ক্যেন কিয়্যের্ কামনার্ লগে ন-চলিনে তুমি পত্তিজনে নিজোর্ কিয়্যেগানরে পবিত্র গুরি সর্মানর সমারে দোঙেই রাগেবাত্যে শিগো।

১ তীমথিয় 4:3

ইগুনে মান্‌জ্যরে মোক্ ন-লবার উগুম দুুয়োন আর কনঅ কনঅ হানা খাদে মানা গরন্। মাত্তর্ বিশ্বেজিগুনে, যিগুনে গোজেনর্ সত্যগানরে জান্ন্যন্, তারা যেন ভালেদি জানেইনে খান সেনত্যে দঅ গোজেনে এই বেক্ হানাগানি সৃট্টি গোজ্যে।

বিচের গুরিয়্যেগুন 21:22

যেক্কে তারার বাপ্পুনে বা ভেইয়ুনে আমা ইদু বিচের্‌ দিবাত্তে এবাক্‌ সেক্কে আমি তারারে কবং, ‘তুমি এ মিলেগুনোরে দান গুরিনে আমা পক্ষেন্দি তারা উগুরে দোয়্যে দেগঅ। যুদ্ধোত্‌ আমি তারাত্তে সিদুক্কুন্‌ মিলে ন-পেই। ইয়েন পৌইদ্যেনে তমার্‌ কনঅ্‌ দুষ নেই, কিত্যে তুমি নিজে দঅ তমার্‌ মিলেগুনোরে তারারে ন-দুয়ো।’”