১ করিন্হীয় 6:3 - Chakma Bible

³ তুমি কি কোই ন-পারঅ আমি স্বর্গদূত্‌তুনোর্‌অ বিচের্ গুরিবোং? সিয়েন যুনি অয় সালে এ জগদর্ বেপারান্ দঅ সামান্য কধা!

১ করিন্হীয় 6:3 Iomraidhean Croise

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

দানিয়েল 7:22

যেদক্কন সং সেই বুড়োবো এইনে দাঙর্ গোজেনর মানুচ্চুনোর তপ্পে রায় ন-দিলো। ইয়েনর্ পরেত্তুন্ ধুরি গোজেনর মানুচ্চুনে রাজাগিরি গরা ধুরিলাক্।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

লূকে লেখ্যে গম্ হবর্ 8:14

কাদা ঝুবো ভিদিরে পোজ্যে বীজ্‌চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সিয়েনি শুনোন্, মাত্তর্ জিংকানির-পধত্ যাদে যাদে সংসারর্ চিদে-চজ্জালোই, ধন-সোম্বোত্তি আর সুগে থাগদে থাগদে সিয়েনি চাপা পড়ি যায়। সেক্কে তারা জিংকানিত্ কনঅ পাগানা ফল দেগা ন-যায়।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

১ করিন্হীয় 6:15

তুমি কি কোই ন-পারঅ যে, তমা কিয়্যেগান খ্রীষ্ট কিয়্যেগানর্ ভাগ্? সালে মুই কি খ্রীষ্ট কিয়্যেগান ভাগ্‌কান্দোই বেশ্যে কিয়্যেগান সমারে এগত্তর্ গুরিম? কনদিনঅ নয়।

১ করিন্হীয় 6:16

তুমি কি কোই ন-পারঅ, বেশ্যে সমারে যে এগত্তর্ অয় তে তা সমারে এক কিয়্যে অয়? কিয়া পবিত্র বোইবোত্ লেগা আঘে, “তারা দ্বিজনে এক কিয়্যে অবাক্।”

১ করিন্হীয় 6:19

তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

১ করিন্হীয় 6:4

যুনি তমার্ এবাবোত্যে কনঅ নালিশ থায় সালে যিগুনে মন্ডলীর্ মানুচ্ নয় তারারে কি তুমি বিচেরক্ অবাত্তে ঠিগ্ গুরি থাগঅ।

২ তীমথিয় 2:4

যুদ্ধ গুরিবাত্যে যেইনে কেঅ সংসারর্ চিদে-চজ্জা ন-গরন্, যেন সৈন্য ইজেবে যিবে তারে ভর্তি গোজ্জ্যে তারে তে হুজী গুরি পারে।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

২ পিতর 2:4

স্বর্গদূত্‌তুনে যেক্কে পাপ গোজ্জ্যন সেক্কে গোজেনে তারারে ইরি নঅ-দে বরং নরগর্ আন্ধার গাঢত্ ফেলে দিইনে বিচারত্যে থোই দিয়্যে।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।