১ করিন্হীয় 5:1 - Chakma Bible

¹ শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

১ করিন্হীয় 5:1 Iomraidhean Croise

পত্থম 35:22

ইস্রায়েলে যেক্কে সে চাগালাত্ বজত্তি গরের্ সেক্কে রূবেণে তা বাপ আর এক্কো মোক্‌ বিল্‌হার সমারে ভান্ন্যেই কাম্‌ গুরিলো। কধাগান্‌ ইস্রায়েল কানত্‌ গেলঅ। যাকোবর বারজন পুয়ো এলাক।

পত্থম 37:2

ইয়েন্‌ অলঅ যাকোব পরিবার হিত্যে। যোষেফে তা ভেইয়ুনো লগে ছাগল আর ভেড়া ছাগল ঝাক্ চোরেদ। তার্‌ এ ভেইয়ুন এলাক তার্‌ সাদাঙা মা বিল্‌হা আর সিল্পার পুয়ো। তা বয়জ্‌ছান যেক্কে সতর বজর্‌ সেক্কে তে তার্‌ এ ভেইয়ুনো বজং বেবহার কধানি তা বাবরে জানেল।

পত্থম 49:4

মাত্তর্‌ তুই যেন গঙার পানি ধোক্ক্যেন, সেনত্তে তর্‌ সে অজল্ জাগায়ান্ আর ন-থেবঅ। মঅ মোক্কো ইধু যেইনে তুই মঅ বিচ্ছোনানত্ ফি বাজেই দুয়োচ্।

২ শমূয়েল 16:22

মানুচ্চুনে সেক্কে ছাল উগুরে অবশালোমত্তে এক্কান তাম্বুল টাঙেই দিলাক্ আর বেক্‌ ইস্রায়েলীয়গুনোর চোগো মুজুঙোত্‌ তা বাব দ্বিতীয় ঘর মোক্কুনো লগে কিয়্যেন্দি মিজেবাত্তে সিয়েনত্‌ সোমেল।

২ শমূয়েল 20:3

দায়ূদে যিরূশালেমত্‌ তার নিজো ঘরত্‌ ফিরি এজানার পরেন্দি যে দশজন দ্বিতীয় ঘর মোগোরে তে রাজঘরান চেবাত্তে ফেলে যেইয়্যে তারারে তে এক্কান ঘরত্‌ রাগেল আর ঘরান চুগি দিবার্‌ বেবস্থা গুরিলো। তে তারারে হানা-দানা, উরোন-পিরোন্ দিলো মাত্তর্‌ আর্ তারা সমারে ন-থেলঅ। সিদু তারা রানিমিলে ইজেবে মরণ সং আক্‌‌সোয়ে অবস্থায় রলাক্‌।

১ বংশধর 5:1

ইস্রায়েলর্ দাঙর্‌ পুয়ো রূবেণ তা বাবর্ বিচ্ছোনান্‌ ফিবলা গোজ্যে বিলিনে দাঙর্‌ পুয়োবো অধিকারান্‌ আড়েইয়্যে। সে অধিকারান্‌ ইস্রায়েলর অন্য পুয়ো যোষেফর পুয়োগুনোরে দিয়্যে ওইয়্যে। সেনত্তে বংশগুনো নাঙানিত্‌ তা পোজিশনান্‌ দাঙর্‌ পুয়ো ইজেবে লেগা ন-অয়।

যিরমিয় 2:33

“ও যিহূদা, তুই কোচ্‌‍‍পানা ইন্দি কত্তমান কাবিল্! বেগত্তুন্ ভান্ন্যেই মিলেয়ো তঅ পথ্‌‌‌‌তান দেগিনে শিগি পারে।

যিহিষ্কেল 16:47

তুই যে তারার্ চালচলন আর জঘন্য অভ্যেস ধোক্ক্যেন চোল্যস্ বানা সিয়েন নয় বরং তর্ বেক আচার-বেবহারে তুই কানক্কণ্ ভিদিরে তারাত্তুন্‌অ বেশ্ আরঅ জঘন্য ওইয়োচ্।

যিহিষ্কেল 22:10

তঅ ভিদিরে এমন এমন মানুচ্ আগন যিগুনে সাদাঙা মা লগে বেভিচের্ গরন, মিলের্ মাসিগো সময়োত্ অসিজি অবস্থাত্ জোর্ গুরিনে তা সমারে কিয়্যেলোই মিজেন্,

লেবীয় 18:8

সাদাঙা মা-সমারে কিয়্যেদি মিজেনা ন-চলিবো। সিয়েন্‌ গুরিলে বাপ্পোরে অগমান গরা অবঅ।

লেবীয় 20:11

যে তার্‌ সাদাঙা মা সমারে কিয়্যেদি মিজেয়্‌ তে তার্‌ বাপ্পোরে অসর্মান গরে। সিয়েন্‌ গুরিলে তারে আর তার্‌ সাদাঙা মাবোরে মারে ফেলা পুরিবো। তারা নিজোর্‌ মরণানত্তে নিজেই দায়ী।

আমোষ 2:7

ধূল্যে ঝারেদে ধোক্ক্যেন গুরি তারা নাঢাগুনোরে ঝারন্ আর পদত্তুন্ অভাবীগুনোরে ঠিলিনে সোরেই দোন্। বাবে আর পুয়োই এক্কো মিলে সমারে বেভিচের্ গরন আর এবাবোত্যেগুরি মঅ সুদ্ধো-সাংগ নাঙান্ অসর্মান গরন্।

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

প্রেরিত্‌ 15:29

সেই দরকারী বেপারানি অলঅ-তুমি মূর্ত্তি ইধু উৎসর্ব গোজ্যে হানা ন-হেবা, লো ন-হেবা, তদা চিবিনে মাজ্যে য়েমান য়েরা ন-হেবা আর কনঅ বাবোত্যে সিনেলী ন-গুরিবা। ইয়েনি গরানাত্তুন্ দূরোত্ থেলে তুমি গম্ গুরিবা। বিদায়।”

১ করিন্হীয় 1:11

মর্ ভেইয়ুন, তমা পৌইদ্যেনে ক্লোয়ীর ঘরর্ মানুচ্চুনো ইধু এ হবরান্ পেলুং, তমা ভিদিরে কোল্-কোজ্জ্যে আঘে।

১ করিন্হীয় 5:11

আসলে মুই যিয়েন লেক্ক্যং সিয়েনর অত্তগান ইয়েন-যুনি কেঅ নিজোরে বিশ্বেজি ভেই কয় অদচ তে বজং খাচ্চ্যদর্ মানুচ্‌ বা লুভী অয়, মূত্তি পূজো গরে, অন্যরে নিন্দে গরে, মাত্তল্ বা দেঙ্‌বাঁজি অয়, মাত্তর্ তা সমারে মিলেমিলি ন-গোজ্জ্য। এমন কি, তা সমারে হানা-দানায়ো ন-গোজ্জ্য।

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

১ করিন্হীয় 6:18

বেক্ বেভিচারানিত্তুন্ ধেই যঅ। মানুচ্‌ অন্য যেদক্কানি পাপ্ গরন্ সিয়েনি তার্ কিয়্যের্ বারেদি গরন্, মাত্তর্ যে বেভিচের্ গরে তে নিজোর্ কিয়্যের্ বিরুদ্ধে পাপ গরে।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

২ করিন্হীয় 12:21

মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

২ করিন্হীয় 2:5

কেঅ যুনি মরে দুঘ্ দি থায় সালে কধাগান্ কড়া গুরি ন-কোইনে বানা ইয়েনই কোম্ যে, তে বানা মরে দুঘ্ নঅ দে, মাত্তর্ কিজু পরিমাণে তমারে বেক্কুনোরে দুঘ্ দিয়্যে।

২ করিন্হীয় 7:12

মুই সেই চিধিয়ান লেক্ক্যং সত্য, মাত্তর্ যে অন্যেয় গোজ্জ্যে বা যিবে উগুরে অন্যেয় গরা ওইয়্যে তাত্যে ন-লেগং, বরং লেক্ক্যংগে যেন গোজেন মুজুঙোত্ তমা ইধু ফগদাং অয় যে, তুমি ঘেচ্চ্যেকগুরি আমারে কোচ্‌পঅ।

গালাতীয় 5:19

পাপ-খাচ্চ্যদর্ কামানি গমেডালেই দেগা যায়। সিয়েনি অলঅ-সিনেলী, অসিজি, অ-খাচ্চ্যত্,

ইফিষীয় 5:3

কনঅ বাবোত্যে সিনেলী, অসিজি আর লুভোর্ কধা যেন তমা ইধু শুনো ন-যায়, কিয়া এ বেক্‌ কধানি গোজেন মানুচ্চুনোর ন-মানায়।

দ্বি’লম্বর বিররণ 22:30

সাদাঙা মারে কনজনে মোক্‌ ইজেবে লোয়্‌ ন-পারিবো; সেক্কে তে তা বাব মোক্কো সমারে সিনেলী গুরিনে বাপ্পোরে অসর্মান গুরিবো।

দ্বি’লম্বর বিররণ 27:20

সে মানুচ্চো অভিশাব খেইয়্যে, যে তার সাদাঙা মাবো লগে সিনেলী গরে, কিত্যে সেক্কে তা বাপ্পোরে তে অসর্মান গরে। সেক্কে বেক্কুনে কবাক, আমেন।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

১ থিষলনীকীয় 4:7

কিয়া গোজেনে ফি-বলা ওইনে চলিবাত্যে আমারে ন-ডাগে, পবিত্র গুরি চলিবাত্যে ডাক্ক্যে।

ফগদাং পেইয়্যে 2:21

বেগেয়্যে গরানাত্তুন্ মনান্ ফিরেবাত্যে মুই তারে সময় দুয়োং মাত্তর্ তে মনান্ ফিরেবাত্যে রাজী ন-অয়।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

১ শমূয়েল 2:24

নাদে, নাদে, মর্‌ পূঅগুন, লগেপ্রভুর মানুচ্চুনোর যেদক্কানি কধা কুয়ো কি গত্‌‌তে শূন্যং সিয়েনি গম্‌ নয়।