১ করিন্হীয় 4:9 - Chakma Bible

⁹ মারে ফেলা অবঅ বিলি যিগুনোরে মিছিলো শেজদি রাগা অয়, মর্ মনে অয় গোজেনে আমারে, অত্তাৎ প্রচারগ্‌কুনোরে ঠিগ্ সেধোক্ক্যেন বেক্কুনো শেজত্ থোইয়্যে। আমি গোদা পিত্‌থিমীয়ান ইধু, অত্তাৎ স্বর্গদূত আর মানুচ্চুনো ইধু যেন ঠাট্টা হেইয়্যে মানুচ্ ওইয়্যেই।

১ করিন্হীয় 4:9 Iomraidhean Croise

গীতসংহিতা 44:22

মাত্তর্ তো তত্তেই আমিঝে আমাত্তুন কেও কাররে মারে ফেলা অর্। ডালি দিয়্যে ভেড়া ধোক্ক্যেন মান্‌‌জ্যে আমারে মনে গরন্।

গীতসংহিতা 71:7

মরে চেইনে ভালোক্‌জনে আহ্ গুরি চেই থান্, মাত্তর্ তুই মর্ গভিন আশ্রয়।

যিরমিয় 20:18

কষ্ট আর দুঘ্ দেগিবাত্তে আর লাজে মঅ জিংকানিগান কাদেবাত্তে কিত্তে মুই পেদ ভিদিরেত্তুন্ নিগিলি এলুং?

প্রেরিত্‌ 19:29

আর দেগদে ন-দেগদে গোদা শঅরান্ যাগুলুগে ভুরি গেলঅ। গাইয় আর আরিষ্টার্খ নাঙে ম্যাসিডোনিয়ার যে দ্বিজন মানুচ্‌ সেক্কে পৌল সমারে যাদন্ মানুচ্চুনে তারারে ধুরিলাক্ আর বেক্কুনে একসমারে তেম্মাঙত্ গেলাক্।

প্রেরিত্‌ 19:31

সেই রেজ্যর্ কয়েক্কো রাজার্ চাগর্ পৌলর দাংগু এলাক্। তারায়ো পৌলরে হবর্ পাধেইনে ভারী গুরি কোজোলি গুরিলাক্ যেন তে দজা মুজুঙোত্ গুরিনে সেই তেম্মাঙত্ ন-যায়।

রোমীয় 8:36

পবিত্র বোইবোত্ লেগা আঘে, তত্যে নিত্য আমাত্তুন্ কাররে নলে কাররে মারে ফেলা অর্; জবাই গোজ্জ্যে ভেড়া ধোক্ক্যেন্ মান্‌জ্যে আমারে মনে গরন্।

১ করিন্হীয় 15:19

খ্রীষ্ট উগুরে আমার্ যে আজা সিয়েন যুনি বানা এ জিংকানিত্যে অয় সালে বেক্‌ মানুচ্চুনোত্তুন্ আমার বেশ্ পড়াকবাল্যে।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 6:9

মান্‌জ্যে আমারে চিনিবাত্যে ন-চান্, মাত্তর্ বেক্কুনে আমারে চিনোন্। আমি মরেদে ধোক্ক্যেন্ ওর্, তো বাঁজি আঘিই। আমারে মার্‌‌ধোর্ গরা অর্, তো মারে ফেলা ন-অর্।

১ থিষলনীকীয় 3:3

যেনে এ বেক্‌ দুগ্‌খানির্ মাধ্যমে তুমি কেঅ পিজেদি ন-যঅ। তুমি নিজেই কোই পারঅ যে, দুগ্-কষ্ট আমাত্যে ঠিগ্ গরা আঘে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 10:33

কনঅ কনঅ সময় বেক্কুনো মুজুঙোত্ অগমান্ আর অত্যেচার সোজ্জ্য গুরিনে তুমি থেঝেরা গরা খেইয়্যে ওইনে দুঘ্ পেইয়ো; যিগুনো উগুরে সেবাবোত্যে বেবহার গরা ওইয়্যে তারা সমারে দুঘ্ পেইয়ো;

ইব্রীয় 11:36

আরঅ অন্যগুনে ঠাট্টা-তামাজা আর ভারী মারপিঠ্, এন্‌ কি, আঢ্‌কড়া আর জেল্ খাদানা সং সোজ্জ্য গোজ্জ্যন্।