১ করিন্হীয় 4:4 - Chakma Bible

⁴ মর্ বিবেক্‌কান্ সাব্, মাত্তর্ সিয়েন্দোই ইয়েন প্রমাণ ন-অত্তে যে, মুই নিদ্দুজি। প্রভু মর্ বিচের্ গুরিবো।

১ করিন্হীয় 4:4 Iomraidhean Croise

ইয়োব 15:14

মানুচ্চুন কন্না, তে খাটি ওই পারে? মিলেগুনোর পেদত্তুন্‌ যে জোর্মেয়্যে তে কন্না, নিদ্দুযি ওই পারে?

ইয়োব 25:4

সালে গোজেন ইদু মানুচ্চুনে কি নিদ্দুযি ওই পারন্? মিলেগুনো পেদত্তুন্ যে জর্মেয়্যে তে কি সোলিড্ ওই পারে?

ইয়োব 27:6

মুই যে নিদ্দুযি সেই দাবিগান মুই গুরিম, কোই কোই থেম্। মুই যেদক্‌দিন বাঁজিম্ সেদকদিন সং মঅ বিবেগ্‌‌কানে মরে দুষি ন-গুরিবো।

ইয়োব 40:4

“মুই দঅ অযোগ্য, মুই কেধোক্ক্যেন গুরিনে তরে জোব্ দিম? মর্ মুগান্ মুই আঢ্‌তোই চিবি দুয়োং।

ইয়োব 9:20

যুনিয়ো মুই নিদ্দুযি তো মর্‌ মুয়োনে মরে দুযি গুরিবো; যুনিয়ো মুই গম্‌ তো মর্‌ মুয়োনে মরে বজং কবঅ।

গীতসংহিতা 130:3

ও লগেপ্রভু, তুই যুনি অন্যেয়র ইজেব রাগাচ্, সালে ও প্রভু, কন্না থিয়্যেই থেই পারিবো?

গীতসংহিতা 143:2

তর্ এ সেবাগুরিয়্যেবোর বিচের ন-গুরিচ্, কিত্তে তঅ চোগেদি কনঅ প্রাণী নিদ্দুযি নয়।

গীতসংহিতা 19:12

নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

গীতসংহিতা 26:12

মুই সং জাগাত্ থিয়্যেই আগং; মুই বেক্কুনো মুজুঙোত্ লগেপ্রভুর বাঈনী গুরিম।

গীতসংহিতা 50:6

আগাজ্‌ছানে তার্ ন্যায়বিচেরর্ কধা ফগদাং গরের্, কিত্যে গোজেনে নিজেই বিচেরক্।

গম্ উপদেজ্ 21:2

মান্‌জ্যর বেক্ পথ্‌তানি তা ইদু গম্ বিলিনে মনে অয়, মাত্তর্ লগেপ্রভু তা মনান্ মাবি চায়।

গম্ উপদেজ্ 29:26

বিচেরত্ ভালোক্‌জনে শাজন্ গুরিয়্যেবোরে নিজোর তপ্পে আনিবাত্তে চান্, মাত্তর্ লগেপ্রভুত্তুন্ মান্‌‌জ্যে দোল্ বিচের পান্।

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

রোমীয় 2:13

যিগুনে বানা রীদি-সুদোম কধা শুনোন্ সিগুনে গোজেনর্ চোগেদি নিদ্দুজি নয়, মাত্তর্ যিগুনে রীদি-সুদোম পালান্ গোজেনে তারারে নিদ্দুজি বিলি মানি লবঅ।

রোমীয় 4:2

কামত্যে যুনি অব্রাহামরে নিদ্দুজি বিলি মানি নেযা অয় সালে দঅ তার্ দেমাগ্ গুরিবার কিজু আঘে। মাত্তর্ গোজেন মুজুঙোত্ তার্ দেমাগ্ গুরিবার কিচ্চু নেই।

১ করিন্হীয় 4:3

মঅ বিচেরান তুমিই গরঅ বা অাদালতে গোরোক্, সিয়েন্দোই মর্ কিচ্চু ন-অয়; এমন্‌ কি, মুইয়ো মর্ নিজোর্ বিচের্ ন-গরং।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।