১ করিন্হীয় 4:2 - Chakma Bible

² যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

১ করিন্হীয় 4:2 Iomraidhean Croise

২ রাজাবলী 12:15

সে চেইদিয়্যেগুনোর্‌ ইত্তুন্‌ ইজেব নেযেবার্‌ দরকার ন-অদঅ, কিত্তে তারা পুরোপুরি বিশ্বেজ্ গুরিনে কাম্‌ গুরিদাক্‌।

২ রাজাবলী 22:7

তারা আঢত্‌ যে টেঙাগুন্‌ দিয়্যে অবঅ সিগুনোর্‌ ইজেব তারারে দিয়্যে ন-পুরিবো, কিত্তে তারা বিশ্বেজ্ গুরি কাম্‌ গরন্‌।”

গম্ উপদেজ্ 13:17

পাজি হবর্ দিয়্যেবো দজাত্ পড়ে, মাত্তর্ গম্ হবর্ দিয়্যেবো ভালেদি আনে।

গণাণা 12:7

মাত্তর্‌ মর্‌ চাগর্‌ মোশি সমারে মুই সিয়েন্‌ ন-গরং। তে মঅ পরিবারর্‌ বেক্‌ কামানি বিশ্বেজ্ গুরিনে গরে।

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

মথি লেখ্যে গম্ হবর্ 25:23

সেক্কে তা গিরোজ্‌সো তারে কলঅ, গম্ কাম গোজ্যস্। তুই গম্ আর বিশ্বেজি চাগর্। তুই কম পৌইদ্যেনে বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মর্ হুজির্ ভাগীদার্ অগি।

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

১ করিন্হীয় 4:1

মান্‌জ্যে আমারে মনে গত্তোক্ যে, আমি খ্রীষ্টর্ সেবাগুরিয়্যে আর আমা উগুরে গোজেনর্ গুমুরো সত্যগান জানিবার ভারান্ দিয়্যে ওইয়্যে।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

১ করিন্হীয় 4:3

মঅ বিচেরান তুমিই গরঅ বা অাদালতে গোরোক্, সিয়েন্দোই মর্ কিচ্চু ন-অয়; এমন্‌ কি, মুইয়ো মর্ নিজোর্ বিচের্ ন-গরং।

১ করিন্হীয় 7:25

গাবুজ্যে মিলেগুনোত্ত্যে প্রভুত্তুন্ কনঅ উগুম মুই ন-পাং। মাত্তর্ গোজেনর্ দোয়্যে পেইনে মুই বিশ্বেজবলা ওইয়োং বিলিনে মঅ কধাগান জানাঙর্।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

কলসীয় 1:7

সেই গম হবরানর্ কধা তুমি আমার কোচ্‌পেইয়্যে সমাজ্জ্যে ইপাফ্রাত্তুন্ শুন্ন্য। তে তমা পক্ষত্তুন্ খ্রীষ্টর এক্কো বিশ্বেজি সেবাগুরিয়্যে।

কলসীয় 4:17

আর্খিপ্পরে এ কধাগান কঅ, “প্রভুর সেবা গুরিবাত্যে তরে যে কামান্ দিয়্যে ওইয়্যে সিয়েন থুম্ গরানা ইন্দি বিশেষ গুরি মনযোগ দুয়ো।”

কলসীয় 4:7

আমা কোচ্‌পেইয়্যে ভেই আর বিশ্বেজি সেবাগুরিয়্যে আহ্ প্রভুর কামত্ আমার সমাজ্যে তুখিকে মর্ বেক্‌ হবরানি তমারে দিবো।