১ করিন্হীয় 3:5 - Chakma Bible

⁵ আপল্লো কন্না? আর পৌলে বা কন্না? আমি দঅ বানা সেবাগুরিয়্যে যিগুনোর্ মাধ্যমে তুমি বিশ্বেজর্ পধত্ এচ্চ্য। প্রভু আমারে পত্তিজনরে যার্ যার্ কাম দিয়্যে।

১ করিন্হীয় 3:5 Iomraidhean Croise

মথি লেখ্যে গম্ হবর্ 25:15

সেই চাগরুনোর্ খেমতা অনুসারে তে এক্কোরে পাচ্ আজার্, এক্কোরে দ্বি আজার্ আর এক্কোরে এক আজার্ দীনার্ দিলো। সে পরেদি তে বিদেজত্ গেলঅ।

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।

প্রেরিত্‌ 18:24

এ ভিদিরে আপল্লো নাঙে এক্কো যিহূদী ইফিষত্ লুমিলো। আলেক্‌জান্দ্রিয়া শঅরত্ তার্ ঘর এলঅ। তে এক্কো গম্ কধা কোইয়্যে এলঅ আর পবিত্র বোইবো গমেডালে জানিদো।

প্রেরিত্‌ 19:1

আপল্লো যেক্কে করিন্থত্ এলঅ সেক্কে পৌলে এশিয়া রেজ্যর্ সংমধ্যেন্দি ইফিষত্ লুমিলো। সিধু তে কয়েক্কো শিচ্চ্যরে দেগা পেইনে তারারে পুযোর্ গুরিলো “তুমি যেক্কে প্রভু যীশু উগুরে বিশ্বেজ্ গোজ্জ্য সেক্কে কি পবিত্র আত্মাগান্ পেইয়ো?” তারা তারে কলাক্, “পবিত্র আত্মাগান্ যে আঘে সে কধাগান্ আমি ন-শুনিই?”

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ করিন্হীয় 16:12

মুই এবেরা ভেই আপল্লো পৌইদ্যেনে কঙর্। মুই তারে বোউত্ কোজোলী গোজ্জ্যং যেন তে ভেইয়ুনো সমারে তমা ইধু যায়, মাত্তর্ ইক্কিনে তে কনঅ বাবদে যেবাত্তে ন-চেলঅ। যেরেদি জু পেলে তে যেবঅ।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

১ করিন্হীয় 3:22

পৌল, আপল্লো, পিতর, এ জগদ্‌তান, জিংকানি, মরণ, বত্তমান আর ভবিচ্চদর্ বেক্কানি, বেক্কানি তমার;

১ করিন্হীয় 3:7

সেনত্তে যে বীজি লাগায় বা যে সিগুনোত্ পানি দে তে কিচ্চু নয়; মাত্তর্ গোজেনে, যিবে বাড়েই তুলে, তেয়ই বেক্কানি।

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

২ করিন্হীয় 5:18

ইয়েনি বেক্কানি গোজেনত্তুন্ অয়। তে খ্রীষ্টর্ মাধ্যমে তার্ নিজো সমারে আমারে এগত্তর্ গোজ্জ্যে, আর তা সমারে অন্যগুনোরে মিলেই দিবার্ কামান্ আমা উগুরে দিয়্যে।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

২ করিন্হীয় 6:4

তাত্তুন্ বরং বেক্কানি পৌইদ্যেনে গোজেনর্ সেবাগুরিয়্যে বিলিনে আমি নিজোরে প্রমাণ গুরিই। অত্যেচার্, দযা আর দুঘোত্ বোউত্ ধৈজ্জ্য ধুরিনে আমি এ প্রমাণান্ দির্।

ইফিষীয় 3:7

গোজেনে তার্ দাঙর্ খেমতা অনুসারে মরে যে দোয়্যে গোজ্জ্যে সেই দোয়্যের্ দান ইজেবে তে মরে গম্ হবর্ প্রচার গুরিবার কামান্ দিয়্যে।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 1:25

গোজেনে তা কধানি তমা ইধু পুরোপুরি প্রচার গুরিবার ভারান্ মঅ উগুরে দিয়্যে বিলিনে মুই মন্ডলীর এক্কো সেবাগুরিয়্যে ওইয়োং।

১ তীমথিয় 1:12

আমার প্রভু যীশু খ্রীষ্ট, যিবে মরে খেমতা দান গোজ্জ্যে, তারে মুই ভালেদি জানাং, কিয়া তে মরে বিশ্বেজি মনে গুরিনে তার্ সেবা কামত্ বেঈ লোইয়্যে।

১ পিতর 4:10

গোজেনর্ নানান্ বাবোত্যে দোয়্যে পেইনে যে মানুচ্চো বিশ্বেজ্ গুরিনে সিয়েন কামত্ লাগেয়্যে, সেবাবোত্যে মানুচ্ ইজেবে তুমি গোজেনত্তুন্ যেধোক্ক্যেন দান পেইয়ো সিয়েন একজন আরেকজনর্ সেবা গুরিবাত্যে বেবহার গরঅ।