১ করিন্হীয় 3:16 - Chakma Bible

¹⁶ তুমি কি কোই ন-পারঅ যে, তুমি গোজেনর্ থেবার্ ঘর আর গোজেন আত্মা তমা মনত্ বজত্তি গরে?

১ করিন্হীয় 3:16 Iomraidhean Croise

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

যোহন 14:17

সেই বল্ দিয়্যেবো সত্যর্ আত্মা। জগদ মানুচ্চুনে তারে মানি লোই ন-পারন্, কিয়া তারা তারে ন-দেগন্ আর তারে হবর্‌অ ন-পান্। মাত্তর্ তুমি তারে হবর্ পঅ, কিয়া তে তমা সমারে সমারে থায় আর তে তমা মনত্ বজত্তি গুরিবো।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

রোমীয় 6:3

এ কধাগান কি কোই ন-পার, আমি যিগুনে খ্রীষ্ট যীশুর্ মাধ্যমে বাপ্তিস্ম লোইয়্যেই, আমি তার্ মরণর্ ভাগ্ লোইনেই সিয়েন্ গোজ্জ্যেই?

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

১ করিন্হীয় 3:17

যুনি কেঅ গোজেনর্ থেবার্ ঘর বর্‌বাদ গরে সালে গোজেনেয়ো তারে বর্‌বাদ গুরিবো, কিয়া তার্ থেবার্ ঘরান পবিত্র, আর তুমিই সেই ঘরান্।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

১ করিন্হীয় 5:6

দেমাগ্ গরানা তমাত্যে গম্ নয়। তুমি কি কোই ন-পার যে, এক্কেনাগুরি সদা এক্কান গোদা মোইদ্যের্ তালরে ফুলেই তুলে? তমা ভিদিরেত্তুন্ সেই পুরোণি সদাগানরে ফেলেই দুয়ো,

১ করিন্হীয় 6:16

তুমি কি কোই ন-পারঅ, বেশ্যে সমারে যে এগত্তর্ অয় তে তা সমারে এক কিয়্যে অয়? কিয়া পবিত্র বোইবোত্ লেগা আঘে, “তারা দ্বিজনে এক কিয়্যে অবাক্।”

১ করিন্হীয় 6:19

তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

১ করিন্হীয় 9:13

তুমি কি কোই ন-পারঅ, যিগুনে উবোসনা-ঘরর্ কাম গরন্ সিগুনে উবোসনা-ঘরত্তুন্ হানা পান্, আর যিগুনে পূজোর্ কাম গরন্ সিগুনে পূজোবোত্ যিয়েনি উৎসর্ব গরা অয় সিয়েনির ভাগ্ পান?

১ করিন্হীয় 9:24

তুমি কি হবর্ ন-পঅ ধাবা দোন্দে খারাত্ বেক্কুনে ধাবা দুয়োন্, মাত্তর্ বানা একজনে বক্‌শিজ্ পায়? তুমি এমন্‌ গুরি ধাবা দুয়ো যেন বক্‌শিজ্ পেই পারঅ।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

২ তীমথিয় 1:14

গোজেনে তরে যিয়েনি রোক্ষ্যে গুরিবাত্যে দিয়্যে সিয়েনি পবিত্র আত্মালোই রোক্ষ্যে গর্, যিবে আমা মনত্ থায়।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।