১ করিন্হীয় 2:5 - Chakma Bible

⁵ যাতে তমা বিশ্বেজ্‌চান মান্‌জ্য জ্ঞান উগুরে নির্ভর্ ন-গুরিনে গোজেন খেমতা উগুরে নির্ভর গরে।

১ করিন্হীয় 2:5 Iomraidhean Croise

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

১ করিন্হীয় 1:17

খ্রীষ্ট মরে বাপ্তিস্ম দিবাত্যে দি ন-পাধায় বরং গম্ হবর্ প্রচার গুরিবাত্যে দিপাধেয়্যে। সেই গম্ হবরান তে মরে জ্ঞানীগুনোর্ ভাষায় প্রচার গুরিবাত্যে দি ন-পাধায়, যেন খ্রীষ্টর্ ক্রুশোত্ মরণাগান্ খেমতা নেইয়্যে ওই ন-পড়ে।

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

২ করিন্হীয় 6:7

সত্যগান্ ফগদাঙত্যে আর গোজেনর্ খেমতালোই আমি প্রমাণ দিত্তে যে, আমি গোজেনর্ সেবাগুরিয়্যে। আরঅ দ্বি আঢে ন্যায়র্ অাত্যের্ তুলি লোইনে আমি প্রমাণ গুরিত্তে, আমি গোজেনর্ সেবাগুরিয়্যে।