১ করিন্হীয় 13:3 - Chakma Bible

³ মর্ যিয়েনি আঘে সিয়েনি যুনি মুই নাঢা মানুচ্চুনোরে হাবেবাত্যে দান গরং, কিয়্যেগান্অ পুড়িবাত্যে দি দোং, মাত্তর্ মঅ ভিদিরে যুনি কোচ্‌‌পানা ন-থায়, সালে মর্ কনঅ লাভ নেই।

১ করিন্হীয় 13:3 Iomraidhean Croise

যিশাইয় 57:12

তর্ সততাগান আর তঅ কামানি যে কি সিয়েনি মুই ফগদাং গুরিম; সিয়েনি দঅ তর্ কনঅ উপকারত্ ন-এবঅ।

যিরমিয় 7:8

চঅ, তুমি মিজে কধালোই বিশ্বেজ্ গোজ্য, মাত্তর্ সিয়েনত্ কনঅ লাভ নেই।

মথি লেখ্যে গম্ হবর্ 23:5

মানুচ্চুনোরে দেগেবাত্তে তারা বেক্ কামানি গরন্। পবিত্র বোইবোর্ পদ-লেগা তাবিজ্ তারা দাঙর্ গুরিনে বানান্ আর নিজোরে ধার্মিক দেগেবাত্তে কাবড় কোণাত্ লাম্বা জুদো লাগান্।

লূকে লেখ্যে গম্ হবর্ 18:22

এ কধাগান্ শুনিনে যীশু তারে কলঅ, “এজঅ এক্কান্ কাম তর্ বাগি আঘে । তর্ যিয়েনি আঘে বিজিনে নাঢা মানুচ্চুনোরে দে, সালে তুই স্বর্গত্ ধন্ পেবে। সে পরেদি এইনে মর্ শিচ্চ্য অগি।”

লূকে লেখ্যে গম্ হবর্ 18:28

সেক্কে পিতরে কলঅ, “আমি দঅ বেক্কানি ছাড়িনে তঅ শিচ্চ্য ওইয়্যেই।”

লূকে লেখ্যে গম্ হবর্ 19:8

সক্কেয় সিধু থিয়্যেইনে প্রভুরে কলঅ, “প্রভু, মুই মর্ ধন সোম্বোত্তির্ অদ্দেক্ নাঢাগুনোরে দি দুয়োঙর্ আর যুনি কাররে থোগেই থাং সালে সিগুনোর্ চেরগুন্ ফিরেই দোঙর্।”

যোহন 12:43

তারা গোজেনত্তুন্ বাঈনী পানাত্তুন্ মান্‌জ্যত্তুন্ বাঈনী পানাগান্ বেশ্ গম্ পেদাক্।

যোহন 13:37

পিতরে তারে কলঅ, “প্রভু, কিত্ত্যে ইক্কিনে আমি তঅ সমারে যেই ন-পারিবোং? তত্ত্যে মুই মঅ পরাণান্-অ দিম্।”

যোহন 15:13

কেঅ যুনি তা সমাজ্যেগুনোত্তে নিজো পরাণান্ দে সালে তাত্তুন্ বেশ্ কোচ্‌পানা আর কারর্ নেই।

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

গালাতীয় 5:26

আমি যেন মিজে মিজে দেমাগ্ ন-গুরিই আর একজন আরেক জনরে কাঙেলেত্যে আর ইংসে ন-গুরিই।

ফিলিপীয় 2:3

নিজোর্ লাভর্ আজায় বা দেমাগর্ বশত কিচ্চু ন-গোজ্জ্য, বরং নম্র গুরিনে অন্যরে নিজোত্তুন্ সর্মানর্ জাগা দুয়ো।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।