১ করিন্হীয় 13:11 - Chakma Bible

¹¹ মুই যেক্কে চিগোন চিজি এলুং সেক্কে চিগোন চিজি ধোক্ক্যেন কধা কদুং, চিগোন চিজি ধোক্ক্যেন চিন্তে গত্তুং আর চিগোন চিজি ধোক্ক্যেন বিচের্‌‌অ গত্তুং। ইক্কিনে মর্ বয়চ্ ওইয়্যে, সেনত্তে চিগোন্ চিজির আচার-বেবহারানি বাদ্ দুয়োং।

১ করিন্হীয় 13:11 Iomraidhean Croise

উপদেশক 11:10

সেনত্তে তঅ মনানত্তুন্ হুজ্‌তেরিগানি দূর্ গুরি দে, আর তঅ কিয়্যেগানরে দুঘ্ পেবাত্তে ন-দিচ্, কিত্তে গাবুরো জিংকানিগান্ আর বলান্ জনমত্তে নয়।

মথি লেখ্যে গম্ হবর্ 16:7

ইয়েন্দোই শিচ্চ্যগুনে নিজো ভিদিরে কুয়ো-কি গরানা আরাম্ভ গুরিলাক্। “আমি রুটি ন-আনিই বিলিনে তে এ কধাগান্ কত্তে।”

১ করিন্হীয় 13:10

মাত্তর্ যিয়েন ফেলেং ফেলেং সিয়েন যেক্কে এবঅ সেক্কে সিয়েন ফেলেং ফেলেং নয় সিয়েন থুম্ ওই যেবঅ।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

গালাতীয় 4:1

মঅ কধানর্ অত্তগান ইয়েন-বাবর্ বেক্কানি উগুরে পুয়ো-ছাগুনোর অধিকার থেলেয়ো যেদক্ দিন সং তে ন-বুচ্চ্যে থায় সেদক্ দিন তার্ আর চাগরর্ কনঅ ফারক্ ন-থায়।

১ শমূয়েল 3:7

সেক্কেয়ো শমূয়েলে লগেপ্রভুরে ন-চিনিদো; লগেপ্রভু সেক্কেয়ো তাইদু কধা ন-কয়।