১ করিন্হীয় 10:11 - Chakma Bible

¹¹ অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

১ করিন্হীয় 10:11 Iomraidhean Croise

পত্থম 19:35

এধোক্ক্যেনগুরি তারা সে রেদোত্‌অ তারা বাপ্পোরে আংগুর-রস হাবেইনে মাত্তল্‌ গুরিলাক্‌ আর চিগোন ঝিবো বাবঅ লগে ঘুম্‌ গেলঅ। ঝিবো কক্কে তা লগে ঘুমোত্‌ পড়ল আর কক্কে বা উদি গেলঅ তে সিয়েন্‌ টার্‌অ ন-পেলঅ।

গীতসংহিতা 102:18

আগাম্ বংশধরুনোত্তে এ কধানি লেগা থেবঅ, যেনে এজঅ যিগুনে ন-জর্মান্ তারায়ো লগেপ্রভুর বাঈনী গুরি পারন্।

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

মথি লেখ্যে গম্ হবর্ 13:39

যে শত্রুবো বীজি ফেলেয়্যে তে অলঅ শদান্, আর শোজ্য কাবিবার অক্তবো অলঅ এ যুগোর্ থুম্ সময়। যিগুনে শোজ্য কাবিবাক্ তারা অলাক্ স্বর্গদূত।

মথি লেখ্যে গম্ হবর্ 13:40

শ্যামাঘাস তুবেইনে যেধোক্ক্যেন্ আগুনোত্ পুড়ি দিয়্যে অয়, যুগোর্ থুম্ অক্তত্অ ঠিগ্ সেধোক্ক্যেন্ অবঅ। মান্‌জ্যপুয়োবো তা স্বর্গদূত্‌তুনোরে পাধেই দিবো।

রোমীয় 13:11

এদক্কন্ যিয়েনি কলুং, ইধুগোর্ সময় বুঝিনে সেবাবোত্যেগুরি চলঅ। ঘুমোত্তুন্ জাগিবার্ অক্ত ওইয়্যে, কিয়া যেক্কে আমি বিশ্বেজ্ গোজ্জ্যেই সেক্কেত্তুন্ বরং ইক্কিনে উদ্ধোর্ পেবার সময় লুম্মেগি।

রোমীয় 13:12

রেত্ প্রায় থুম্, বেইন্ন্যে পহ্‌র ওই এজের্; সেনত্তে এজঅ, আমি আন্ধার কামানি বাদ্ দিইনে পহ্‌রর্ অাত্যেরানি তুলি লোই।

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

রোমীয় 4:23

“নিদ্দুজি বিলি ধরা ওইয়্যে,” এ কধাগান্ বানা অব্রাহামরে তাক্‌ গুরিনে লেগা ন-অয়,

১ করিন্হীয় 10:6

আমি যেনে দেগিনে শিগি পারিই সেনত্তে ইয়েনি বেক্কানি ঘোট্ট্যে, যেন তারা যেবাবোত্যে ভান্ন্যেয় পৌইদ্যেনে লুভ্ গোজ্জ্যন আমি সেবাবোত্যে ন-গুরিই।

১ করিন্হীয় 7:29

ভেইলগ্, যে কধাগান মুই তমারে কবাত্তে চাঙর্ সিয়েন এ-সময়ত্ ভারী কম্। সেনত্তে ইক্কেত্তুন্ ধুরি এমন্‌ গুরিনে চলানা দরকার যে, যিগুনোর্ মোগ্ আঘে তারার্ যেন মোগ্ নেই;

১ করিন্হীয় 9:10

আসলে তে দঅ আমাত্যে এ কধাগান কোইয়্যে, নয় কি? অয়, এ কধাগান আমাত্যে লেগা ওইয়্যে, কিয়া যে চাষ গরে আর যে শোজ্জ্য মাড়ে, শোজ্জ্য ভাগ্ পেবার আজালোই তারাত্তুন্ সিয়েন গরানা উচিত।

গালাতীয় 4:24

মুই আগারে-ইঙিদে ইয়েনি কঙর্। এ দ্বি'বে মিলে দ্বি'য়েন সুদোমরে বুঝোয়। এক্কান সুদোম সিনাই মূড়োবোত্তুন্ এচ্চ্যে আর সিয়েন তার্ অধীনোত্ মান্‌জ্যরে চাগর্ অবার পধেদি নেযার্। ইবে অলঅ সেই চাগরাণিবো হাগার।

ফিলিপীয় 4:5

তমার নরম খাচ্চ্যদ্‌তানি যেন বেক্কুনে দেগন্। প্রভু যাদিমাদি এজের্।

ইব্রীয় 10:25

কনঅ কনঅ মান্‌জ্যর যেধোক্ক্যেন অভ্যেস্ আঘে তারা ধোক্ক্যেন আমি যেন তেম্মাঙত্ এক সমারে এগত্তর্ অনা বাদ্ ন-দিই, বরং খ্রীষ্টর্ এবার দিন্নো যেদক্ কায়কুরে এবঅ সেদক্ যেন আমি একজন আরেক জনরে আরঅ উচ্চোমি দেনাত্ থেই।

ইব্রীয় 10:37

কিয়া গোজেনর্ কধা মজিম, “যিবে এবার্ কধা আঘে তে খুব কয়েক দিনো ভিদিরে এবঅ, দেরি ন-গুরিবো।

১ যোহন 2:18

পুয়ো-ছা লগ্, ইবেয়ই শেজ্ সময়। তুমি দঅ শুন্ন্য যে, খ্রীষ্ট-শত্রুবো এজের্, মাত্তর্ তার আরঅ ভালোক্কুন্ শত্রু এ ভিদিরে এই যেইয়োন। সেনত্যে আমি বুঝি পারির্, ইবেয়ই শেষ্ সময়।