১ করিন্হীয় 1:6 - Chakma Bible

⁶ কিয়া খ্রীষ্ট পৌইদ্যেনে আমা সাক্ষ্যগান্ তমা রিবেঙত্ ফুদি থেবঅ।

১ করিন্হীয় 1:6 Iomraidhean Croise

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

প্রেরিত্‌ 11:17

সালে প্রভু যীশু খ্রীষ্ট উগুরে বিশ্বেজ্ গরানার পরেদি গোজেনে আমারে যে দান দিয়্যে সেই একই দান যেক্কে তে তারারেয়ো দিলো সেক্কে মুই কন্না যে, গোজেনরে মানা গুরি পারং?”

প্রেরিত্‌ 11:21

গোজেনর্ খেমতা তারা উগুরে এলঅ বিলি বোউত্ মানুচ্ প্রভু উগুরে বিশ্বেজ্ গুরিনে তা ইধু ফিরিলাক্।

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 22:18

সেই অবস্থায় মুই দেগিলুং প্রভু মঅ সমারে কধা কর্। তে মরে কলঅ, যাদি গর্, ইক্কিনে যিরূশালেমান ছাড়িনে যাগোই, কিয়া মঅ পৌইদ্যেনে তর্ সাক্ষ্যগানি মান্‌জ্যে মানি ন-লবাক্।

প্রেরিত্‌ 23:11

তার্ কেল্যে রেদোত্ প্রভু পৌল কায়কুরে থিয়্যেইনে কলঅ, “সাহসী অ, যিরূশালেমত্ যেবাবোত্যে গুরি তুই মঅ পৌইদ্যেনে সাক্ষ্য দুয়োচ্ সেবাবোত্যেগুরি রোমত্অ তত্তুন্ সাক্ষ্য দিয়্যে পড়িবো।”

প্রেরিত্‌ 28:23

তারা পৌল সমারে এগত্তর্ অবাত্যে এক্কো দিন ঠিগ্ গুরিলাক্। পৌলে যিধু থেদঅ সিধু তারা বাদে আরঅ ভালোক্জনে এলাক্। সেক্কে পৌলে বেন্ন্যেত্তুন্ ধুরি সাজোন্যে অয় সং গোজেন রেজ্যর্ পৌইদ্যেনে তারারে জানেল আর বুঝেল। মোশির আইন-কানুন্ আর ভাববাদীগুনোর্ বোইয়ো ভিদিরেত্তুন্ যীশু পৌইদ্যেনে দেগেইনে তা পৌইদ্যেনে তারারে বিশ্বেজ্ গোরেবাত্তে চেষ্টা গুরিলো।

২ করিন্হীয় 12:12

বোউত্ ধৈজ্জ্য ধুরিনে তমা ইধু নানান্ বাবোত্যে মহৎ আর আমক্ অবার্ কাম গুরিনে মুই নিজোরে এক্কো প্রচারক বিলিনে প্রমাণ গোজ্জ্যং।

গালাতীয় 3:5

গোজেনে কিত্যে তমারে পবিত্র আত্মা দিয়্যে আর তমা ইধু এদক্ আমক্ অবার কাম্ গোজ্জ্যে সিয়েন ভাবি চঅ। তুমি রীতি-সুদোম্ পালর্ বিলিনে কি তে ইয়েনি বেক্কানি গোজ্জ্যে, নাহি গম্ হবর্ শুনিনে বিশ্বেজ্ গোজ্জ্য বিলিনে গোজ্জ্যে?

১ তীমথিয় 2:6

তে বেক্‌ মানুচ্চুনোর উদ্ধোরর্ দাম ইজেবে নিজোর জিংকানিগান দিয়্যে। গোজেনর্ ঠিগ গোজ্জ্যে সময়োত্ সে পৌইদ্যেনে সাক্ষ্য দিয়্যে ওইয়্যে,

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

ফগদাং পেইয়্যে 1:2

গোজেনর্ কধানি আর যীশু খ্রীষ্টর সাক্ষ্যগানি পৌইদ্যেনে যোহনে যিয়েনি দেক্ক্যে, সিয়েনি বেক্কানি পৌইদ্যেনে তে ইয়েনত্ সাক্ষ্য দিয়্যে।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

ফগদাং পেইয়্যে 12:17

সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 6:9

যেক্কে তে পাঁচ-লম্বর সীলমহ্‌রবো ভাঙিলো সেক্কে মুই এক্কো ডালিপূজো তলে এমন্‌ বেক্‌ মানুচ্চুনোর আত্মাগানি দেগিলুং যিগুনোরে গোজেনর্ কধানিত্যে আর সাক্ষ্য দিবাত্যে মারে ফেলা ওইয়্যে।