১ করিন্হীয় 1:12 - Chakma Bible

¹² মুই এ কধাগান্ কবার্ চাঙত্তে, তমা ভিদিরে কেঅ কন্দে, “মুই পৌল দলর্”; কেঅ কন্দে, “মুই আপল্লো দলর্”; কেঅ কন্দে, “মুই পিতর দলর্”; আরঅ কেঅ কন্দে, “মুই খ্রীষ্ট দলর্।”

১ করিন্হীয় 1:12 Iomraidhean Croise

১ রাজাবলী 16:21

ইয়েনর্‌ পরেন্দি ইস্রায়েলীয়গুনে দ্বিদলত্‌ ভাগ্‌ ওই গেলাক্‌। তারার্‌ অদ্দেক্‌ মান্‌জ্যে চেলাক্‌ গীনতের পূঅ তিব্‌নিরে রাজা গুরিবাত্তে আর বাগি অদ্দেক্ মান্‌‌জে চেলাক্‌ অম্রিরে রাজা বানেবাত্তে।

মথি লেখ্যে গম্ হবর্ 23:8

কেঅ তমারে মুরুব্বী বিলি ডাগোক্ সিয়েন্ ন-চেয়ো, কিয়া তমার্ মুরুব্বী কধে বানা একজন আঘে, আর তুমি বেক্কুনে ভেই ভেই।

যোহন 1:42

আন্দ্রিয় শিমোনরে যীশু ইধু আনিলো। যীশু শিমোন ইন্দি রিনি চেইনে কলঅ, “তুই যোহন পুয়ো শিমোন, মাত্তর্ তরে কৈফা বিলি ডাগা অবঅ।” এ নাঙানর্ অত্ত পিতর, অত্তাৎ পাত্তর্।

প্রেরিত্‌ 18:24

এ ভিদিরে আপল্লো নাঙে এক্কো যিহূদী ইফিষত্ লুমিলো। আলেক্‌জান্দ্রিয়া শঅরত্ তার্ ঘর এলঅ। তে এক্কো গম্ কধা কোইয়্যে এলঅ আর পবিত্র বোইবো গমেডালে জানিদো।

প্রেরিত্‌ 19:1

আপল্লো যেক্কে করিন্থত্ এলঅ সেক্কে পৌলে এশিয়া রেজ্যর্ সংমধ্যেন্দি ইফিষত্ লুমিলো। সিধু তে কয়েক্কো শিচ্চ্যরে দেগা পেইনে তারারে পুযোর্ গুরিলো “তুমি যেক্কে প্রভু যীশু উগুরে বিশ্বেজ্ গোজ্জ্য সেক্কে কি পবিত্র আত্মাগান্ পেইয়ো?” তারা তারে কলাক্, “পবিত্র আত্মাগান্ যে আঘে সে কধাগান্ আমি ন-শুনিই?”

১ করিন্হীয় 1:11

মর্ ভেইয়ুন, তমা পৌইদ্যেনে ক্লোয়ীর ঘরর্ মানুচ্চুনো ইধু এ হবরান্ পেলুং, তমা ভিদিরে কোল্-কোজ্জ্যে আঘে।

১ করিন্হীয় 15:5

আর তে পিতররে আহ্ যেরেদি তার্ প্রচারগ্‌কুনোরে দেগা দিয়্যে।

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

১ করিন্হীয় 16:12

মুই এবেরা ভেই আপল্লো পৌইদ্যেনে কঙর্। মুই তারে বোউত্ কোজোলী গোজ্জ্যং যেন তে ভেইয়ুনো সমারে তমা ইধু যায়, মাত্তর্ ইক্কিনে তে কনঅ বাবদে যেবাত্তে ন-চেলঅ। যেরেদি জু পেলে তে যেবঅ।

১ করিন্হীয় 4:6

ভেইলগ্, তমা উপকারত্যে মুই মর্ নিজোর আর আপল্লোর্ উদাহরণ দিইনে এ বেক্‌ কধানি কলুং, যেন তুমি আমাত্তুন্ শিগি পার যে, পবিত্র বোইবোত্ যিয়েন লেগা আঘে সিয়েনর্ বারেদি যানা উচিত্ নয়। সালে তুমি একজনরে ফেলেইনে আর একজনরে নিইনে বাড়্ ন-গুরিবা।

১ করিন্হীয় 7:29

ভেইলগ্, যে কধাগান মুই তমারে কবাত্তে চাঙর্ সিয়েন এ-সময়ত্ ভারী কম্। সেনত্তে ইক্কেত্তুন্ ধুরি এমন্‌ গুরিনে চলানা দরকার যে, যিগুনোর্ মোগ্ আঘে তারার্ যেন মোগ্ নেই;

১ করিন্হীয় 9:5

অন্য বেক্‌ প্রচারগ্‌কুনে, প্রভুর ভেইয়ুনে আর পিতরে যেবাবোত্যে নিজোর্ নিজোর্ মোগ্‌কুনোরে লোইনে প্রচারত্ নিগিলে, সেবাবোত্যেগুরি খ্রীষ্ট বিশ্বেজি নিজো মোগ্‌কুনোরে লোইনে প্রচারত্ নিগিলিবার অধিকার কি আমার নেই?

২ করিন্হীয় 10:7

তুমি দঅ বারেদি চেঙেরাগান দেগর্। কেঅ যুনি নিজোরে খ্রীষ্টর্ বিলিনে বিশ্বেজ্ গরে তো ইয়েন্অ তার্ চিন্তে গরানা উচিত যে, তে যেবাবোত্যেগুরি খ্রীষ্টর্ সেবাবোত্যেগুরি আমিয়ো খ্রীষ্টর্ মানুচ্।

২ করিন্হীয় 9:6

মনত্ রাগেয়ো, যে কম্ বিজি সিদে তে কম্ ফসল কাবিবো আর যে বেশ্ বিজি সিদে তে বেশ্ ফসল কাবিবো।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

গালাতীয় 3:17

মঅ কধাগানর্ অত্তগান্ অলঅ, গোজেনে অব্রাহামর্ সময়োত্ এক্কান এগেম্‌বলা বেবস্থা থিদেবর্ গোজ্জ্যে। সিয়েনর্ চের্‌শ ত্রিশ বজর পরেদি রীতি-সুদোম্ দিয়্যে ওইয়্যে, মাত্তর্ সিয়েনিলোই আগর্ সেই বেবস্থাগান বাতিল ওই ন-গেলঅ; সেনত্যে সিয়েনর্ এগেমান থিগিই রলঅ।