১ করিন্হীয় 1:10 - Chakma Bible

¹⁰ ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

১ করিন্হীয় 1:10 Iomraidhean Croise

গীতসংহিতা 133:1

মঅ জাদ্ ভেইয়ুন যেক্কেনে এগা মনে একসমারে বজত্তি গরন্ সেক্কেনে সিয়েন কত্তমান্ গম্ আর কত্তমান দোল্ লাগে!

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

মথি লেখ্যে গম্ হবর্ 9:16

কনজনে পুরোন্ সিলুমোত্ নুয়ো কাবড়্ জড়া ন-দুয়োন, কিয়া যেরেদি পুরোণ কাবড়ানত্তুন্ নুয়ো তালিগান্ ছিনি এজে আর সেক্কে সেই ফাদাগান্ আরঅ দাঙর্ অয়।

মার্ক 2:21

“কেঅ পুরোন্ সিলুমোত্ নূয়ো কাবড় তালি ন-দুয়োন। যুনি দুয়োন্ সালে সেই পুরোন্ কাবড়ত্তুন্ নূয়ো তালিগান্ ফাদি এজে।

মার্ক 3:24

কনঅ রেজ্য নিজো ভিদিরে দলে দলে যুদ্ধো বাঁজিনে ভাগ্ ওই গেলে সেই রেজ্যগান্ ঠিগি ন-পারে।

যোহন 10:19

যীশুর্ এ কধাগানত্যে যিহূদীগুনো ভিদিরে আরঅ কধার্ অমিল্ দেগা দিলো।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

যোহন 7:43

এবাবোত্যে গুরি যীশুরে লোইনে মানুচ্চুনো ভিদিরে এক্কান্ কধার্ অমিল্ দেগা দিলো।

যোহন 9:16

সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

রোমীয় 1:13

ভেইলগ্, এ কধাগান্ হবর্ পেইয়ো, মুই ভালোক্ বার্ তমা ইধু যেবাত্তে চেইনেয়ো এজঅ সং মানা গরদন্। অন্য জাগাত্ অযিহূদীগুনো ইধু প্রচার গুরিনে যেবাবোত্যে ফল পেয়োং, ঠিগ্ সেবাবোত্যেগুরি তমাত্তুন্অ কিজু ফল দেগিবার আজায় মুই তমা ইধু যেবাত্তে চেইয়োং।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

রোমীয় 12:16

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।

রোমীয় 15:30

ভেইলগ্, আমা প্রভু যীশু খ্রীষ্টর্ মাধ্যমে আর পবিত্র আত্মার্ দিয়্যে কোচ্‌পানার্ মাধ্যমে মুই তমারে বিশেষ্ গুরিনে কোজোলী গরঙর্, তুমি গোজেন ইধু মত্তে মঅ সমারে তবনার্ যুদ্ধো চালেই থাগঅ।

রোমীয় 16:17

ভেইলগ্, তুমি যে শিক্ষ্যে পেইয়ো সিয়েনির বিরুদ্ধে শিক্ষ্যে দিইনে যিগুনে দলাদলি আর মানা গরন্, সিগুনো উগুরে খিয়েল্ রাগেবাত্তে মুই তমারে বিশেষ্ গুরিনে কোজোলি গরঙর্। তুমি তারাত্তুন্ দূরোত্ থেইয়ো,

১ করিন্হীয় 1:11

মর্ ভেইয়ুন, তমা পৌইদ্যেনে ক্লোয়ীর ঘরর্ মানুচ্চুনো ইধু এ হবরান্ পেলুং, তমা ভিদিরে কোল্-কোজ্জ্যে আঘে।

১ করিন্হীয় 11:18

পত্তমে মুই শুনঙর্, তুমি যেক্কে মন্ডলী ইজেবে একসমারে এগত্তর্ অ সেক্কে তমা ভিদিরে দলাদুলি থায়, আর মুই সিয়েন কিজু বিশ্বেজ্অ গরং।

১ করিন্হীয় 12:25

যেন কিয়্যেগান ভাগ্ ওই ন-যায় বরং ভাগ্‌কানি যেন এক্কান আর এক্কানত্যে সং গুরিনে চিন্তে গরে। যুনি এক্কান ভাগর্ দুঘ্ অয় সালে তা সমারে বেক্ ভাগ্‌কানিয়ে দুঘ্ পায়।

১ করিন্হীয় 3:3

কিয়া তুমি এজঅ পাপ-খাচ্চ্যদ অধীনোত্ আঘ। তমা ভিদিরে যেক্কে ইংসে আর কোল্-কোজ্যে গুরি আঘ সেক্কে কি তুমি পাপ-স্বভাবর্ অধীনোত্ নয়? আর তমা চালচলন কি এক্কুবারে সাধারন মান্‌‍‌‍‌‍‌‍জ্য ধোক্ক্যেন নয়? ‌‍

১ করিন্হীয় 4:16

সেনত্তে মুই বিশেষ গুরিনে তমারে কোজোলি গরঙর্, মুই যিয়েন গরং তুমিয়ো সিয়েন গরঅ;

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

২ করিন্হীয় 13:9

যেক্কে আমি মেরা মেরা ওই আর তুমি বোলী অ সেক্কে আমি হুজী ওই। আর আমি তবনা গুরিই যেন তুমি বেক্কানি ঠিগ্ ওইনে খাটি অ।

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

গালাতীয় 4:12

ভেইলগ্, মুই তমারে কোজোলি গরঙর্, তুমি মঅ ধোক্ক্যেন অ, কিয়া মুইয়ো তমা ধোক্ক্যেন ওইয়োং। তুমি মঅ উগুরে কনঅ অন্যেয় ন-গরঅ।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

ফিলিপীয় 3:16

যিয়েন ওক্‌, আমি যেবাবোত্যে অবস্থানত্ লুম্মেয়ি সেই মজিম চলানা উচিত।

১ থিষলনীকীয় 5:13

তারা যিয়েনি গত্তন্ সিয়েনিত্যে কোচ্‌পানার মনভাব্‌‌পোই তারারে তুমি বিশেষ গুরিনে শ্রদ্ধা গরঅ। তুমি নিজো ভিদিরে শান্তিয়ে থেইয়ো।

২ থিষলনীকীয় 2:1

ভেইলগ্, আমা প্রভু যীশু খ্রীষ্ট এবঅ আর আমারে একসমারে এগত্তর্ গুরিনে তার্ নিজো ইধু নেযেব। এ পৌইদ্যেনে আমি তমারে এ কোজোলীগান গুরির্-

১ তীমথিয় 5:21

গোজেন আর খ্রীষ্ট যীশু আর বেঈ লোইয়্যে স্বর্গদূত্‌‍‍‍ত‌‍‍ুনো মুজুঙোত্ মুই তরে এ উগুমান দুয়োঙর্-কারঅ পক্ষ ন-লোইনে ইয়েনি বেক্কানি গুরিবে আর একচোক্ক্যে ওইনে কনঅ কাম ন-গুরিচ্।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

যিহোশূয় 22:15

তারা গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মান্‌জ্য ইদু যেইনে কলাক্‌,

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।