১ বংশধর 9:6 - Chakma Bible

⁶ যিহূদার পুয়ো শেরহর বংশর যুয়েল। যিহূদা-গুট্টির্‌ যে মানুচ্চুনে যিরূশালেমত্‌ বজত্তি গুরিলাক্‌ তারা জনেদি অলাক্‌ ছয়শঅ নব্বই জন।

১ বংশধর 9:6 Iomraidhean Croise

পত্থম 38:30

সে পরেদি তা ভেইবো আদত্‌ রাঙা সুদঅ বান্যে গুরি নিগিলি এলঅ। তার নাঙান দিয়্যে অলঅ সেরহ।

পত্থম 46:12

যিহূদার পুয়ো এর, ওনন, শেলা, পেরস আর সেরহ। এর আর ওননে কনান দেজত্‌ মুরি যেয়োন। পেরসর্‌ পুয়ো হিষ্রোণ আর হামূল।

১ বংশধর 2:4

যিহূদা পূদবো তামরর্‌ পেদত্‌ যিহূদার পুয়ো পেরস আর সেরহর জর্ম ওইয়্যে। যিহূদার বেক্কুনে পাচছুয়ো পুয়ো এলাক্‌।

১ বংশধর 2:6

সেরহ পুয়োগুনে অলাক্‌ শিম্রি, এথন, হেমন, কল্‌কোল আর দারা। ইগুনে বেক্কুনে পাচজন এলাক্।

১ বংশধর 9:5

যিহূদার পুয়ো শেলার বংশর অসায় আর তার্‌ পুয়োগুনে। অসায় অলদে তা বাবর্‌ দাঙর্‌ পুয়োবো।

১ বংশধর 9:7

বিন্যামীন-গুট্টিত্তুন: মশুল্লমর পুয়ো সল্লু। তার্‌ পূরোণিমানুচ্চুনোর্‌ ভিদিরে এলঅ হোদবিয় আর হস্‌নূয়।