১ বংশধর 7:22 - Chakma Bible

²² তারা বাপ্পো ইফ্রয়িমে ভালোক্‌ দিন সং তারাত্তে আবিলেচ্‌ খেইয়্যে। তা কুদুম্মোগুনে তারে বুজেবাত্তে এচ্ছ্যন্‌।

১ বংশধর 7:22 Iomraidhean Croise

পত্থম 37:34

যাকোবে তা কাবড়ানি পাদিনে কমরত্‌ বস্তা পিনিনে তা পুয়োবোত্তে ভালোক্‌ দিন সং আবিলেচ্ গুরিলো।

পত্থম 37:35

তার অন্য বেক্‌ পুয়ো-ঝি গুনে তারে বুঝেবার্‌ চেলাক্, মাত্তর্‌ কনঅ বুঝোনার কধা তে নঅ শুনিলো। তে কলঅ, “আবিলেচ্ গত্তে গত্তে মুই মরণ জাগাত্‌ মঅ পুয়োবো ইধু যেম।” এবাবোত্যেগুরি যাকোবে যোষেফত্যে কানিলো।

১ বংশধর 7:21

তহত পুয়ো সাবদ আর সাবদ পুয়ো শূথেলহ। ইফ্রয়িমর আরঅ দ্বিবে পুয়ো নাঙানি অলঅ এৎসর আর ইলিয়দ। দেজত্‌ জোর্মেয়্যে গাত মানুচ্চুনো আদত্‌ তারা মারা পোজ্যন্‌, কিত্তে তারা গাতীয়গুনো এ্যামানুন্‌ চুর্‌ গুরিবাত্তে গাতদ্‌ যেইয়োন্‌।

১ বংশধর 7:23

ইয়েন পরেন্দি তে মোক্কো সমারে থেলে তা মোক্কো পিদিলী অলঅ আর এক্কো পুয়ো জর্ম অলঅ। ইফ্রয়িমে তা নাঙান্‌ রাগেল বরীয়, কিত্তে তা পরিলম্বরত্ সেক্কে অমংগল লামি এলঅ।

ইয়োব 2:11

তৈমনীয় ইলীফস, শূহীয় বিল্‌দদ আর নামাথীয় সোফর নাঙে ইয়োবর তিন্নো সমাজ্যে যেক্কেনে ইয়োবর বেক্‌ দযার্‌ কধানি শুনিলাক্‌ সেক্কে তারা ঘরত্তুন্‌ যাহ্ ধুরিলাক্‌। তারা এগত্তর্‌ ওইনে সল্লা গুরিলাক্‌, তারা যেইনে তা সমারে আবিলেচ্‌ হেবাক্‌ আর তারে বুঝেবাক্‌।

যোহন 11:19

যিহূদীগুনোত্তুন্ ভালোক্‌জনে মার্থা আর মরিয়মরে তারা ভেইবো মোজ্যে কেইনে বুঝেবাত্তে এচ্চ্যন্।