১ বংশধর 5:2 - Chakma Bible

² আরঅ যুনিয়ো ভেইয়ো গুট্টিগুনো ভিদিরে যিহূদা-গুট্টিবো বেগত্তুন্‌ বোলী এলঅ আর তা গুট্টিত্তুন্‌ নেতা বেঈ নেযা ওইয়্যে তো দাঙর্‌ পুয়োবো অধিকারান্‌ যোষেফে পেইয়্যে।

১ বংশধর 5:2 Iomraidhean Croise

পত্থম 25:31

যাকোবে কলঅ, “মাত্তর দাঙর্‌ পুয়ো ইজেবে তর যে অধিকার সিয়েন এচ্চ্যে তুই মইদু বিজি দে।”

পত্থম 35:23

লেয়ার পেদত্‌ যাকোবর পত্তম পুয়ো রূবেণর জর্ম ওইয়্যে। সে পরেদি জর্ম ওইয়্যে শিমিয়োন, লেবি, যিহূদা, ইষাখর আর সবূলূন।

পত্থম 48:5

মুই তইধু এবার্‌ আগেদি তর্‌ দ্বিবে পুয়ো মিসরত্‌ জর্ম ওইয়োন তারারে মঅ পুয়ো ইজেবে ধরা অবঅ। রূবেণ আর শিমিয়োন যেধোক্ক্যেন মর্‌ সেধোক্ক্যেন ইফ্রয়িম আর মনঃশিয়ো মর্‌।

পত্থম 49:26

তঅ বাবপোর পেইয়্যে আশিদ্‌বাদ তা চৌদ্দোগুট্টিগুনে পেইয়্যে বর্ পেইয়্যেগান ছিদি যেইয়্যে; সিয়েন্‌ পুরোণি দিনো মুড়ো-মুড়ি সং যেইনে লুম্মেগোই। সেই বর্ পেইয়্যেগান যোষেফ মাদা উগুরে পোড়োক্; যে তা ভেইয়ুনোর বেক্কুনোত্তুন্‌ দাঙর্‌ তা মাদাবো উগুরে পোড়োক্‌।

২ শমূয়েল 8:15

দায়ূদে গোদা ইস্রায়েল দেজ উগুরে রাজাগিরি গরা ধুরিলো। তার মানুচ্চুনোরে তে গমেডালে বিচের্‌ আর শাজন্ গুরিদো।

১ বংশধর 28:4

তো ইস্রায়েল গোজেন লগেপ্রভু জনমভুরি ইস্রায়েল উগুরে রাজা অবাত্তে মঅ গদা গিরিবো ভিদিরেত্তুন্‌ মরে বেঈ নেযেয়োচ্। তে নেতা ইজেবে যিহূদারে বেঈ লোইয়্যে, সে পরেন্দি যিহূদা-গুট্টিত্তুন্‌ মঅ বাবঅ বংশবোরে বেঈ নেযেয়্যে আর ইস্রায়েল উগুরে রাজা অবাত্তে তে হুজি ওইনে মঅ ভেইয়ূনো ভিদিরেত্তুন্‌ মরে বেঈ লোইয়্যে।

গীতসংহিতা 108:8

গিলিয়দগান মর্, মনঃশিগানঅ মর্; ইফ্রয়িমান যেন মঅ মাধাবোর লুয়োর টোক্কেবো, আর যিহূদাগান মর্ রাজ লুদিক্কো।

গীতসংহিতা 60:7

গিলিয়দ আর মনঃশি মর্; ইফ্রয়িম যেন মঅ মাধাবোর লুয়োর্ টোক্ক্যে, আর যিহূদা মর্ রাজ্ লুদিক্।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

গণাণা 2:3

যিহূদা-চাগালার মানুচ্চুনে মিলন-তাম্বুলর্ পূগেন্দি তাম্বুলান টাঙেবাক্। যিহূদা-গুট্টির নেতা অলঅ অম্মীনাদবর পূঅ নহশোন আর তার মানুচ্চুন অলাক চুয়োত্তুর্‌ আজার্ ছয়শত।

গণাণা 7:12

পত্তম দিনোত্‌ যে নেতাবো তার্‌ বক্‌শিজ্‌ছান আনিলো তে অলঅ যিহূদা-গুট্টির নেতা অম্মীনাদবর্‌ পূঅ নহশোন।

মথি লেখ্যে গম্ হবর্ 2:6

যিহূদা দেজর্ বৈৎলেহম, যিহূদা ভিদিরে তুই কনমতে চিগোন্ নয়, কিয়া তঅ ভিদেরেত্তুনই এমন এক্কো শাজন্‌‌গুরিয়্যে এবঅ যিবে মঅ ইস্রায়েল জাদরে পরিচালনা গুরিবো।”

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

দ্বি’লম্বর বিররণ 21:17

যে মোক্কোরে তে কোচ্‌ ন-পায় তা পূঅবোরে তা সোম্বোত্তিত্তুন অন্য যে কনঅ পূঅত্তুন দ্বিগুণ ভাগ দিইনে সেই পূঅবো যে পত্তম পূঅ সিয়েন তাত্তুন স্বীগের্ গরা পুরিবো। সেই পূঅবোই তা বাবর্‌ মরদ পুঅ-বলর্‌ পত্তম ফল। পত্তম পূঅবোর অধিকারান তাত্তুনোই পাওনা।

দ্বি’লম্বর বিররণ 33:17

তার মহিমাগান পত্তমে জর্মেয়্যে বলদ গোরু ধোক্ক্যেন, তা মাদাত্‌ আঘেদে ঝার্‌বো বলদ গোরুর শিং। সিগুন্‌দোই তে গুদেব দুনিয়ের বেক জাদরে, এন্‌ কি, ইয়েনর শেজ্‌ দুযিগানর্ জাদ্‌তুনোরেয়ো। এবাবোত্যে অবঅ ইফ্রয়িমর লাখ্ লাখ্ আর মনঃশির আজার আজার মানুচ্‌।”

ইব্রীয় 7:14

ইয়েন সাব্ কধা যে, আমা প্রভু যিহূদার বংশত্তুন্ এচ্চ্যে। এই বংশত্তুন্ কনঅ মানুচ্‌ যে ধর্মগুরু অবঅ সে কধাগান মোশি কনদিন্‌অ ন-কয়।

যিহোশূয় 14:6

যিহূদা-গুট্টির্‌ মানুচ্চুনে গিল্‌গলত্‌ যিহোশূয়র ইদু গেলাক্‌ আর কনিসীয় যিফুন্নির পূঅ কালেবে তারে কলঅ‌, লগেপ্রভু কাদেশ-বর্ণেয়ত গোজেনর্‌ মানুচ্‌ মোশি ইদু মর্‌ আর তঅ পৌইদ্যেনে যিয়েনি কোইয়্যে সিয়েনি তর্‌ জানা আঘে।

ফগদাং পেইয়্যে 5:5

যেরেদি নেতাগুনোত্তুন্ একজনে মরে কলঅ, “ন-কানিচ্। যিহূদা গুট্টির সিংহ, যিবে দায়ূদো গুট্টি, তে জিত্যে। তেয়ই সেই সাত্‌টো সীলমহ্‌র ভাঙিনে বোইবো মেলি পারে।”

বিচের গুরিয়্যেগুন 1:2

জোবত্‌ লগেপ্রভু কলদে, “পত্তমে যেবাক্‌ যিহূদা-গুট্টির্‌ মানুচ্চুনে; মুই তারার্‌ আঢত্‌ দেজ্‌চান তুলি দুয়োং।”

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 16:10

এধোক্ক্যেনগুরি যিশয়ে তার সাতজন পূঅরে শমূয়েলর মুজুঙেন্দি যেবাত্তে কলঅ, মাত্তর্‌ শমূয়েল যিশয়রে কলদে, “লগেপ্রভু ইগুনোরে কাররে বেঈ ন-নেযায়।”

১ শমূয়েল 16:12

সেনত্তেই যিশয় মানুচ্‌ পাদেইনে পূঅবোরে আনিলো। তার কিয়্যের রঙান্‌ এলঅ রাঙা বাবোত্যে, চোখ দ্বিবে দোল আর চেঙারা দোল্‌। সেক্কে লগেপ্রভু কলদে, “ইবেয়ই সেই মানুচ্‌, তুই যেইনে তারে অভিষেগ গর্‌।”