১ বংশধর 28:1 - Chakma Bible

¹ দায়ূদে ইস্রায়েলর বেক্‌ কামগুরিয়্যেগুনোরে যিরূশালেমত্‌ এইনে এগত্তর্‌ অবাত্তে উগুম্‌ দিলো। ইয়োত্‌ বেক্‌ বীর যোদ্ধাগুনে এচ্ছ্যন্‌। তারা এলাক্কে নানান্‌ গুট্টির্‌ নেতা, রাজার্‌ বারবো গুট্টির্‌ সৈন্যদলর্‌ আজল্‌ সেনাপতিগুন, আজার্ আর শত উগুরে সৈন্যর সেনাপতিগুন, রাজা আর রাজার পুয়োগুনোর গদা সোম্বোত্তির্‌ চেইচিদিয়্যেগুন, রাজঘরর্‌ মুরুব্বীগুন আর বীর যোদ্ধাগুন।

১ বংশধর 28:1 Iomraidhean Croise

১ বংশধর 22:17

দায়ূদে সে পরেন্দি তা পুয়ো শলোমনরে বল্ দিবাত্তে ইস্রায়েলর বেক নেতাগুনোরে উগুম দিইনে কোইয়্যেদে,

১ বংশধর 23:2

দায়ূদে ইস্রায়েল বেক্‌ নেতাগুনোরে, ধর্মগুরুগুনোরে আর লেবীয়গুনোরে এগত্তর্‌ গুরিলো।

১ বংশধর 29:1

রাজা দায়ূদে সে পরেন্দি বেক্‌ মানুচ্চুনোরে কলঅ, “মর্‌ পুয়োবো শলোমনরে গোজেনে বেঈ নেযেয়্যে; তার্‌ বয়জঅ বেজ্ ন-অয় আর অভিজ্ঞতায়ো কম্‌। এ কামান্‌ খুব দাঙর্, কিত্তে এ দাঙর্‌ ঘরান্‌ গোজেন লগেপ্রভুত্তে, কনঅ মান্‌জ্যত্তে নয়।

১ বংশধর 29:6

সেক্কে বংশর্ নেতাগুনে, ইস্রায়েলীয়গুনোর নানান্‌ গুট্টির্‌ নেতাগুনে, আজার সৈন্য আর শত উগুরে সৈন্যর্‌ সেনাপতিগুনে আর রাজার কামানির চেইচিদিয়্যেগুনে হুজি ওইনে দান গুরিলাক্‌।

২ বংশধর 1:2

শলোমনে বেক্‌ ইস্রায়েলীয়গুনোরে, অত্তাৎ আজার সৈন্যর আর শত উগুরে সৈন্যর সেনাপতিগুনোরে, বিচেরগ্‌কুনোরে আর ইস্রায়েলর বেক্‌ বংশগুনোর নেতাগুনোরে এগত্তর্‌ অবাত্তে উগুম দিলো।

যিহোশূয় 23:2

একদিন্যে তে বেক্‌ ইস্রায়েলীয়গুনোরে, অত্তাৎ তারার্‌ বুড়ো নেতাগুনোরে, মুরুব্বীগুনোরে, বিচেরগুরিয়েগুনোরে আর কাম্‌গুরিয়েগুনোরে ডাগিনে কলঅ‌, চঅ, মর্‌ বয়স বোউত্‌ ওইয়্যে, মুই বুড়ো ওইয়োং।

যিহোশূয় 24:1

ইয়েনর্ পরেদি যিহোশূয় ইস্রায়েলীয়গুনোর বেক্‌ গুট্টিগুনোরে শিখিমোত্‌ এক্কান্‌ জাগাত্‌ এগত্তর্‌ গুরিলো। তে ইস্রায়েলীয়গুনোর বুড়ো নেতাগুনোরে, মুরুব্বীগুনোরে, বিচেরগুরিয়েগুনোরে আর কাম্‌গুরিয়েগুনোরে ডাগিলো। সেক্কে তারা গোজেনর্‌ মুজুঙোত্‌ আঝিল্ অলাক্‌।