১ বংশধর 27:4 - Chakma Bible

⁴ দ্বিমাসত্তে সৈন্যদল ভারান্‌ এলঅ অহোহীয় দোদাইয়র উগুরে। তা অধীনোত্‌ দলনেতা এলঅ মিক্লোৎ। তা দলত্‌ চোব্বিশ আজার্ সৈন্য এলাক্‌।

১ বংশধর 27:4 Iomraidhean Croise

২ শমূয়েল 23:9

সে পরেন্দি মানুচ্চো অলদে ইলিয়াসর। তে এলদে অহোহীয়র বংশর দোদার পূঅ। যেক্কে পলেষ্টীয়গুনে যুদ্ধোত্তে এগত্তর্‌ ওইয়োন সেক্কে তারারে ঈচ্ গুরিবাত্তে যে তিন্নো বোলী মানুচ্‌ দায়ূদো লগে এলাক্ ইলিয়াসর অলদে তারাত্তুন্‌ এক্কো বোলী। ইস্রায়েলীয়গুনে পিজেন্দি উদি গেলাক্,

১ বংশধর 11:12

সে পরেন্দি মানুচ্চো অলদে ইলিয়াসর। ইবে অলঅ অহোহীয় বংশর দোদোর পুয়ো। নাঙ-গোজ্যে তিন্নো বীরো ভিদিরে ইবে অলঅ এক্কো।

১ বংশধর 27:3

তে অলদে পেরস বংশধর। তে পত্তম মাসত্তে বেক্‌ সেনাপতিগুনোর নেতা এলঅ। তা দলত্‌ চোব্বিশ আজার্ সৈন্য এলাক্‌।

১ বংশধর 27:5

তিন মাসত্তে সেনাপতি এলদে ধর্মগুরু যিহোয়াদার পুয়ো বনায়। তে এলদে তিন লম্বর্‌ দল নেতা। তা দলত্‌ চোব্বিশ্‌ আজার্ সৈন্য এলাক্‌।