১ বংশধর 27:1 - Chakma Bible

¹ ইগুনে অলাক্‌ ইস্রায়েলীয় বংশর নেতা, আজার্ আর শত উগুরে সৈন্যর্‌ সেনাপতি আর তারা অধীনোত্‌ কাম্‌গুরিয়্যেগুনো নাঙানি। ইগুনে নানান্‌ সৈন্যদল বেক্কানি বিষয়ে রাজারে বল্‌ দিদাক্‌। বারবো দলর্‌ এক্কোত্‌ চোব্বিশ আজার্ সৈন্য এলাক্‌। পুরো বজর্‌বো ধুরিনে এক্কো দলে এক মাস গুরিনে কাম্‌ গুরিদাক্‌।

১ বংশধর 27:1 Iomraidhean Croise

২ শমূয়েল 23:8

দায়ূদোর বোলী মানুচ্চুনোর নাঙানি ইয়েনি: তখমোনীয় যোশেব-বশেবৎ নাঙ্‌-গোজ্যে তিন্নো বীরোর্‌ মোধ্যে চেলা এলঅ; এক্কান যুদ্ধোত্‌ তে আস্‌তোশঅ মান্‌জ্যরে মারে ফেলেয়্যে বিলিনে তারে ইস্‌নীয় আদীনো কুয়ো অদঅ।

১ রাজাবলী 4:27

শাজন্‌গুরিয়্যেগুনোর পত্তিজনে তার পালার মাসত্‌ রাজা শলোমন আর তা টেবিলোত্‌ যিগুনে হেদাক্‌ তারার্‌ বেক্কুনোত্তে হানার যোগান দিদাক্‌। তারা হেয়াল রাগেদাক্‌ যেনে কন কিজুর অভাব ন-অয়।

১ রাজাবলী 4:7

বেক্‌ ইস্রায়েল উগুরে শলোমনে বারজন শাজন্‌‌গুরিয়্যে নেযেল। তারা রাজা আর রাজাগিরিত্তে হানা-দানার যুক্কোল্ দিদাদ্। তারাত্তুন বজরে এক মাস গুরিনে হানার্‌ যুক্কোল দিয়্যে পুরিদো।

১ রাজাবলী 5:14

পত্তি মাসে পালা গুরিনে তারা ভিদিরেত্তুন্‌ তে দশ আজার মান্‌জ্যরে লেবাননত্‌ পাধেদ। তারা একমাস লেবাননত্‌ থেদাক্‌ আর দ্বিমাস নিজো ঘরত্‌ থেদাক্‌। তারার এ কামানি দেগাশুনো গুরিবার ভারান্‌ এলদে অদোনীরাম উগুরে।

১ বংশধর 11:10

লগেপ্রভুর শমক্‌ মজিম দায়ূদে যেনে বেক্ দেজছান উগুরে তা অধিকারান্‌ থিদেবর্ গুরি পারে সেনত্তে তা বোলী মানুচ্চুনো ভিদিরে যিগুনে আজল্‌ এলাক্‌ তারা বেক্‌ ইস্রায়েলীয়গুনো সমারে মিজেইনে তা পক্ষ লোইনে তা রাজগিরি খেমতাগান্‌ বাড়িলো। সে বোলী মানুচ্চুনো কধানি ইয়েনি: যাশবিয়াম নাঙে হক্‌মোনীয়গুনোর্‌ একজন এলদে “ত্রিশ” নাঙে বীর যোদ্ধাগুনে দলর্‌ আজল্‌। তে সেল্‌ মারিনে এক্কু সমারে তিনশত্‌ মান্‌জ্যরে মারে ফেলেয়্যে।

১ বংশধর 13:1

দায়ূদে তার পত্তি নেতারে, অত্তাৎ আজার্ সৈন্যর্‌ সেনাপতি আর শত উগুরে সৈন্যর সেনাপতিগুনো সমারে সল্লা গুরিলো।

১ বংশধর 26:32

যিরিয় বংশর দ্বিআজার্ সাতশঅ জন মানুচ্‌ খেমতাবলা এলাক্‌। তারা অলাক্‌ নিজো নিজো গিরির্ নেতা। রাজা দায়ূদে গোজেন আর রাজার বেক্‌ কামানি গুরিবাত্তে রূবেণীয়, গাদীয় আর মনঃশি-গুট্টির্‌ অদ্দেক্‌ মান্‌জ্য উগুরে এ হিব্রোণীয়গুনোরে নেযা অলঅ।

১ বংশধর 27:2

পৌইল্যে মাসত্তে পত্তম্‌ সৈন্যদল ভারান্‌ এলদে সব্দীয়েল পুয়ো যাশবিয়াম উগুরে।

১ বংশধর 28:1

দায়ূদে ইস্রায়েলর বেক্‌ কামগুরিয়্যেগুনোরে যিরূশালেমত্‌ এইনে এগত্তর্‌ অবাত্তে উগুম্‌ দিলো। ইয়োত্‌ বেক্‌ বীর যোদ্ধাগুনে এচ্ছ্যন্‌। তারা এলাক্কে নানান্‌ গুট্টির্‌ নেতা, রাজার্‌ বারবো গুট্টির্‌ সৈন্যদলর্‌ আজল্‌ সেনাপতিগুন, আজার্ আর শত উগুরে সৈন্যর সেনাপতিগুন, রাজা আর রাজার পুয়োগুনোর গদা সোম্বোত্তির্‌ চেইচিদিয়্যেগুন, রাজঘরর্‌ মুরুব্বীগুন আর বীর যোদ্ধাগুন।

১ বংশধর 29:6

সেক্কে বংশর্ নেতাগুনে, ইস্রায়েলীয়গুনোর নানান্‌ গুট্টির্‌ নেতাগুনে, আজার সৈন্য আর শত উগুরে সৈন্যর্‌ সেনাপতিগুনে আর রাজার কামানির চেইচিদিয়্যেগুনে হুজি ওইনে দান গুরিলাক্‌।

২ বংশধর 1:2

শলোমনে বেক্‌ ইস্রায়েলীয়গুনোরে, অত্তাৎ আজার সৈন্যর আর শত উগুরে সৈন্যর সেনাপতিগুনোরে, বিচেরগ্‌কুনোরে আর ইস্রায়েলর বেক্‌ বংশগুনোর নেতাগুনোরে এগত্তর্‌ অবাত্তে উগুম দিলো।

যাত্রা 18:25

তে বেক্‌ ইস্রায়েলীয়গুনো ভিদিরেত্তুন্‌ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।

যিহোশূয় 23:1

ইস্রায়েলীয়গুনোর চেরোকিত্তে শত্রুগুনোর আঢত্তুন্‌ লগেপ্রভু তারারে জিরেন্ দেনার্‌ পরেন্দি ভালোক্‌ দিন বিদি গেলঅ‌। এ ভিদিরে যিহোশুয়র বয়স বোউত্‌ ওই যেইয়্যে, তে বুড়ো ওই যেইয়্যে।

১ শমূয়েল 8:12

তে নিজোত্তে কেওরে আজার সৈন্য উগুরে, কেওরে পঞ্চাশজন সৈন্য উগুরে সেনাপতি ইজেবে নেযেল। অন্যগুনোরে তে তার ভূইয়ো চাজঅ কামত্‌ আর ক্ষেত্‌-ক্ষেত্তি কাবিবার কামত্‌ আর যুদ্ধোর অাত্যেরানি আর রথর্ জিনস্‌চানি বানেবার কামত্‌ লাগেব।