১ বংশধর 24:6 - Chakma Bible

⁶ রাজা আর তা উগুরে পোজিশনর কামগুরিয়্যেগুনো মুজুঙোত্‌ আর ধর্মগুরু সাদোক, অবিয়াথর পুয়ো অহীমেলক, ধর্মগুরু বংশর নেতাগুনোর আর লেবীয়গুনো মুজুঙোত্‌ নথনেল পুয়ো শমরিয় নাঙে এক্কো লেবীয় লিগিয়্যে চাম্বা অনুসারে সে নেতাগুনোর নাঙানি লিগিলো। গাদা পাল্লা গুরিনে ইলিয়াসর নানান্‌ বংশর ভিদিরেত্তুন্‌ একজন আর সে পরেন্দি ঈথামর নানান্‌ বংশর ভিদিরেত্তুন্‌ একজনত্তে চাম্বা চাহ্ অলঅ।

১ বংশধর 24:6 Iomraidhean Croise

১ রাজাবলী 4:3

শীশার দ্বিবে পূঅ ইলীহোরফ আর অহিয় অলদে রাজার লিগিয়েবো; অহীলুদোর পূঅ যিহোশাফট অলদে বিজগ লিগিয়্যে;

১ বংশধর 18:16

অহীটূবর পুয়ো সাদোক আর অবিয়াথর পুয়ো অবীমেলকে এলদে ধর্মগুরু আর শব্‌শ এলদে রাজার্‌ লিগিয়্যেবো।

১ বংশধর 23:24

ইগুনে অলাক্‌ বংশ অনুসারে লেবি-গুট্টির নানান্‌ বংশর নেতা। ইগুনো বংশ মানুচ্চুনো ভিদিরে যিগুনোর বয়স এলদে কুড়ি বা তাত্তুন্‌অ বেজ্ তারারে গুণিনে নাঙানি লেগা ওইয়্যে, আর তারা অলাক্‌ লগেপ্রভুর ঘরর্‌ সেবাগুরিয়্যে।

১ বংশধর 24:31

ইগুনেয়ো রাজা দায়ূদ, সাদোক, অহীমেলক আর ধর্মগুরু আর লেবীয়গুনোর বংশ-নেতাগুনোর মুজুঙোত্‌ ইগুনো ভেইয়ুনোরে, অত্তাৎ হারোণ বংশর মানুচ্চুনো ধোক্ক্যেন গুরিনে চাম্বা চেয়োন্‌। দাঙর্‌ ভেইবো ওক্‌ বা চিগোন্‌ ভেইবো ওক্‌ তারা বেক্কুনোত্তে এক্কুই চাম্বা চাহ্ ওইয়্যে।

১ বংশধর 24:7

সেক্কে পৌইল্যা লম্বরত্ চাম্বাত্ উদিলো যিহোয়ারীবোর নাঙে, দ্বিলম্বরত্‌ যিদয়িয়োর নাঙে,

২ বংশধর 34:13

ইগুনে বুদি বুয়োইয়্যে মানুচ্চুনো উগুরে কাম ভাড়ান্ এলঅ আর নানান্‌ কামত্‌ নেযেয়্যে কাম্য মানুচ্চুনোর্‌ বেক্কুনোরে চেইচিদিদাক্‌। লেবীয়গুনো ভিদিরে কেউ কেউ এলাক্কে লিগিয়্যে, মুরুব্বী আর চুগিদার।

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

নহিমিয় 8:1

সাত্‌ মাজর্ আগেন্দি বেক্‌ মানুচ্চুনে একলগে মিলিনে পানি-গেদোর্‌ মুজুঙেন্দি চক্কর্‌বোত্‌ এগত্তর্‌ অলাক্‌। তারা ধর্ম-মাস্টর্‌ ইষ্রারে ইস্রায়েলীয়গুনোত্তে লগেপ্রভুর দিয়্যে উগুম্‌, অত্তাৎ মোশির রীদি-সুদোম বোইবো আনিবাত্তে কলাক্।

মথি লেখ্যে গম্ হবর্ 13:52

সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

মথি লেখ্যে গম্ হবর্ 8:19

এক্কো ধর্ম-মাষ্টরে সেক্কে যীশু ইধু এইনে কলঅ, “প্রভু, তুই যিদু যেবে মুইয়ো তঅ সমারে সিদু যেম্।”