১ বংশধর 24:5 - Chakma Bible

⁵ ইলিয়াসর আর ঈথামর, এ দ্বিবে বংশর নেতাগুনে তবনা-ঘরর্‌ আর গোজেনর কামগুরিয়্যে এলাক্‌ বিলিনে কার পক্ষেন্দি ন-টানিনে চাম্বা চেইনে ধর্মগুরুগুনোর কামানি ভাগ গরা অলঅ।

১ বংশধর 24:5 Iomraidhean Croise

১ বংশধর 24:31

ইগুনেয়ো রাজা দায়ূদ, সাদোক, অহীমেলক আর ধর্মগুরু আর লেবীয়গুনোর বংশ-নেতাগুনোর মুজুঙোত্‌ ইগুনো ভেইয়ুনোরে, অত্তাৎ হারোণ বংশর মানুচ্চুনো ধোক্ক্যেন গুরিনে চাম্বা চেয়োন্‌। দাঙর্‌ ভেইবো ওক্‌ বা চিগোন্‌ ভেইবো ওক্‌ তারা বেক্কুনোত্তে এক্কুই চাম্বা চাহ্ ওইয়্যে।

১ বংশধর 24:4

ইয়োত্‌ ঈথামর বংশর মানুচ্চুনোত্তুন্‌ ইলিয়াসর বংশর মানুচ্চুনো ভিদিরে ভালোক্কুন্‌ নেতা পাহ্ গেলঅ। সেনত্তে ইলিয়াস বংশর ষুলোজন নেতাত্তে তারা ষুলো দলে আর ইথামর বংশর আস্‌তোজন নেতাত্তে তারারে আস্‌তো দলে ভাগ্‌ গরা অলঅ।

১ বংশধর 25:8

পুয়ো-বুড়ো, মাস্তর-ছাত্র বেক্কুনোর্‌ কামর্‌ পালাগান চাম্বা চেইনে ঠিগ্‌ গরা অলঅ।

১ বংশধর 26:13

বংশ মজিম পুয়ো-বুড়ো বেক্কুনোত্তে চাম্বা চাহ্ ওইয়্যে যেনে ঠিগ্‌ গরা যায় কন্‌ দল্লো কন্‌ গেদোত্‌ চুগি দিবো।

২ বংশধর 35:8

রাজার কাম্‌গুরিয়্যেগুনেয়ো নিজোর্‌ আওজে মানুচ্চুনোরে, ধর্মগুরুগুনোরে আর লেবীয়গুনোরে দান গুরিলাক্‌। হিল্কিয়, সখরিয় আর যিহীয়েল নাঙে গোজেন ঘরর্‌ নেতাগুনে উদ্ধোর্‌-পরবর্‌ উৎসর্বত্তে দ্বিআজার্‌ ছয়শ ছাগল আর ভেড়া আর তিনশঅ বলদ গোরু ধর্মগুরুগুনোরে দিলাক্‌।

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

যিশাইয় 43:28

সেনত্তে মুই তমা উবোসনা-ঘরর্ ধর্মগুরুগুনোরে অগমান গুরিম আর যাকোবরে ভস্তর্ অভিশাবর্ তলে গুরিম আর ইস্রায়েলরে ঠাট্টা-তামাজার্ মানুচ্ বানেম্।”

যোনা 1:7

পরেদি নাবিক্‌‌‌কুনে একজন আর একজনরে কলাক্, “কন্না এই দযাগানত্তে দায়ী সিয়েন চেবাত্তে এজঅ, আমি চাম্বা চেই।”

মথি লেখ্যে গম্ হবর্ 26:3

সেই সময়োত্ দাঙর্ ধর্মগুরু কাইয়াফার ঘরত্ আজল্ ধর্মগুরুগুনে আর যিহূদীগুনোর্ বুড়ো নেতাগুনে এগত্তর্ অলাক্ আর যীশুরে গোপনে ধুরি আনিনে মারে ফেলেবার্ কুজুরোমি গুরিলাক্।

মথি লেখ্যে গম্ হবর্ 27:1

বেন্যেমাদান্ আজল্ ধর্মগুরুগুনে আর বুড়ো নেতাগুনে বেক্কুনে যীশুরে মারে ফেলেবার্ কধাগান্ ঠিগ্ গুরিলাক্।

প্রেরিত্‌ 1:26

তারা ভাগ্য পোরোক্ষ্যে গরানার্ পরেদি মত্তথিয় নাঙান্ উদিলো। ইয়েনত্যে মত্তথিয় সেই এগারজন দিপাধেয়্যেগুনো সামরে মিজেল।

প্রেরিত্‌ 4:1

পিতর আর যোহনে যেক্কে মানুচ্চুনো সমারে কধা কদন্ সেক্কে ধর্মগুরুগুনে, উবোসনা-ঘরর্ আজল্ কামগুরিয়্যেবো আর সদ্দূকীগুনে তারা ইধু এলাক্।

প্রেরিত্‌ 4:6

সিয়েনত্ দাঙর্ ধর্মগুরু হাননে এলঅ। সিগুন বাদে কাইয়াফা, যোহন, আলেক্‌সান্দর আর দাঙর্ ধর্মগুরুগুনোর্ পরিবারর্ অন্য মানুচ্চুনেয়ো এলাক্।

প্রেরিত্‌ 5:24

এ কধাগান শুনিনে উবোসনা-ঘরর্ আজল্ চাগর্‌বো আর আজল্ ধর্মগুরুগুনে বুদ্ধি-আরা ওইনে ভাবদন্ ইয়েনর ফল্ কি অবঅ।

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।