১ বংশধর 24:1 - Chakma Bible

¹ হারোণ বংশর মানুচ্চুনোরে নানান্‌ দলে ভাগ গরা ওইয়্যে। হারোণ পুয়োগুন অলাক্‌ নাদব, অবীহূ, ইলিয়াসর আর ঈথামর।

১ বংশধর 24:1 Iomraidhean Croise

১ বংশধর 23:6

লেবির পুয়ো গের্শোন, কহাৎ আর মরারি গুট্টি অনুসারে দায়ূদ লেবীয়গুনোরে তিন্নো দলে ভাগ গুরিলো।

১ বংশধর 28:13

ধর্মগুরু আর লেবীয়গুনোর নানান্‌ দল কামানি, লগেপ্রভু ঘরর্‌ বেক্‌ সেবা-কামানি আর সে কামত্‌ বেবহার বেক্‌ পযাপিরানি পৌইদ্যেনে তে তারে উগুম্‌ দিলো।

১ বংশধর 6:3

অম্রাম পুয়োগুন অলাক্‌ হারোণ, মোশি আর মরিয়ম। হারোণ পুয়োগুন অলাক্‌ নাদব, অবীহূ, ইলিয়াসর আর ঈথামর।

১ বংশধর 6:34

শমূয়েল ইল্‌কানা পুয়ো, ইল্‌কানা যিরোহম পুয়ো, যিরোহম ইলীয়েল পুয়ো, ইলীয়েল তোহর পুয়ো,

২ বংশধর 23:8

ধর্মগুরু যিহোয়াদা যে উগুমান্‌ দিলো লেবীয়গুনে আর যিহূদার শত্‌ শত্‌-সেনাপতিগুনে বেক্কুনে সিয়েনই গুরিলাক্‌। সেনাপতিগুনে পত্তিজনে নিজোর্‌ নিজোর্‌ মানুচ্চুনোর, অত্তাৎ জিরেবার দিন্নোত্‌ যিগুনে কাম পালা বুদুলিবাত্তে এচ্ছ্যন্‌ আর যিগুনে কামত্তুন্‌ ফিরোদন্‌ তারারে আনিলাক্। ইগুনোর্‌ কনঅ দলরে ধর্মগুরু যিহোয়াদা ছুটি ন-দে।

২ বংশধর 31:2

পূজ্যে-উৎসর্ব আর উদোলোলি-উৎসর্বর পরব্‌পান গুরিবাত্তে, সেবা-কামত্তে আর গোজেনর ঘরত্‌ পাত্তুরু তুরু আর নাঙ্ গিনেদে-গীদ গুরিবাত্তে হিষ্কিয় ধর্মগুরু আর লেবীয়গুনোর্‌ পত্তিজনর্‌ কাম্‌ মজিম তারারে নানান্‌ বাবোত্যে দলরে নেযেল।

২ বংশধর 5:11

সে পরেন্দি বেক্‌ ধর্মগুরুগুনে সুদ্ধো-সাংগ জাগানত্তুন্‌ বারেন্দি এলাক্‌। সে ধর্মগুরুগুনে যে কনঅ দলত্‌ অদঅ সাৎ, বেক্কুনে নিজোরে সিজি গুরিলাক্‌।

২ বংশধর 8:14

তা বাপ্পো দায়ূদোর উগুম্‌ মজিম তে ধর্মগুরুগুনোর কামানি গুরিবাত্তে তারারে নানান্‌ দলত্‌ ভাগ গুরিনে কামত্‌ নেযেল আর পত্তিদিনোর্‌ কাম্‌ মজিম নাঙ্ গিনেদে-গান গুরিবার আর ধর্মগুরুগুনোরে বল্‌ দিবাত্তে তে লেবীয়গুনোরে নেযেল। পত্তি গেদোট্টে তে রক্ষীগুনোর্‌ দল্‌ মজিম কামত্‌ লাগেল, কিত্যে এধোক্ক্যেন গুরিনে গোজেনর মানুচ্‌ দায়ূদে উগুম্‌ দি যেইয়্যে।

ইষ্রা 6:18

মোশির বোইবোত্ যেবাবোত্যে লেগা এলঅ সেই মজিম্ যিরূশালেমত্ গোজেনর সেবা-কামত্যে ধর্মগুরুগুনোরে আর লেবীয়গুনোরে নানান্ দলত্ নেযা অলঅ।

ইষ্রা 7:5

বুক্কি অবীশূয়র পুয়ো, অবীশূয় পীনহসর পুয়ো, পীনহস ইলিয়াসরর পুয়ো আর ইলিয়াসরে এলদে আজল্ ধর্মগুরু হারোণর পুয়ো।

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

গণাণা 26:60

হারোণর পূঅগুনোর নাঙানি অলঅ নাদব, অবীহূ, ইলিয়াসর আর ঈথামর।

গণাণা 3:2

হারোণর পূঅগুন অলাক নাদব, অবীহূ, ইলীয়াসর আর ঈথামর। ইগুনো ভিদিরে নাদবে এলঅ দাঙর্‌বো। ধর্মগুরু ইজেবে খেমতা দিইনে ইগুনোরে সেবা-কামত্‌ লাগেই দিয়া ওইয়্যে।

গণাণা 3:4

মাত্তর্‌ নাদব আর অবীহূ সিনাই ধূল্যেচর-চাগালাত্‌‌ লগেপ্রভুর্‌ নাঙে সুদোমর্‌ বারেন্দি আগুন্দোই পোইরেক জ্বালেবার সময় লগেপ্রভুর মুজুঙোত্ মুরি যেইয়োন। তাঁরার কনঅ পূঅ ন-এলাক বিলিনে ইলীয়াসর আর ইথামরর্‌ বাপ্পো বাঁজি থাগদে ধর্মগুরু ইজেবে সেবার্‌ কাম্‌ গোজ্যে।