১ বংশধর 21:8 - Chakma Bible

⁸ সেক্কে দায়ূদে গোজেনরে কলঅ, “মুই এ কামান্‌ গুরিনে জদবদে পাপ গোজ্যং। ইক্কিনে মুই তইদু কোজোলী গরঙর্‌, তুই তঅ চাগরবোর্‌ এ অন্যেয়ান্‌ ক্ষেমা গর্‌। মুই অমকদ বামভুলো কাম্‌ গোজ্যং।”

১ বংশধর 21:8 Iomraidhean Croise

পত্থম 34:7

এ ভিদিরে কধাগান্‌ শুনিনে যাকোব পুয়োগুনে মাদত্তুন্‌ ফিরি এলাক। তারা যেবাবোত্যে মনত্‌ দুঘ্ পেলাক্ সেবাবোত্যে অমকদ রাগঅ অলাক্, কিত্তে যাকোব ঝিবোর্ ইজ্জোত্‌তান বর্‌বাত্ গুরি দিইনে শিখিমে ইস্রায়েল উগুরে এক্কান্‌ অগমান কাম্‌ গোজ্যে, যিয়েন্‌ গোজ্যে সিয়েনর কনঅ উচিত্ ন এলঅ।

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

২ শমূয়েল 13:13

মর্‌ কি অবঅ? কেধোক্ক্যেনগুরি মুই এ কলঙ্কর মুয়োন্‌ মান্‌জ্যরে দেগেম? আর তরেয়ো ইস্রায়েলীয়গুনো ভিদিরে এক্কো বজং মানুচ্‌ বিলিনে বেক্কুনে জানিবাক্। কোজোলী গরঙর্‌, তুই বরং রাজার ইদু যেইনে কঅ; সালে তঅ আঢত্‌ মরে দিবাত্তে অমত্ ন-গুরিবো।”

২ শমূয়েল 24:10

মানুচ্চুনোরে গুণিবার পরেন্দি দায়ূদো বিবেগত্‌ ধুরিলো। তে লগেপ্রভুর ইদু তবনা গুরিনে কলঅ, “মুই এ কামান গুরিনে জদবদে পাপ গোজ্যং। ও লগেপ্রভু, কোজোলী গরঙর্‌, তুই তঅ চাগরবোর্‌ এ অন্যেয়ানি দূর্ গুরি দে। মুই জদবদে ভুল্‌ মান্‌জ্যর কাম্ গোজ্যং।”

১ বংশধর 21:7

এ উগুমান্‌ গোজেন চোগেন্দিয়ো গম্‌ ন-এলঅ; সেনত্তে তে ইস্রায়েল জাদ্‌তোরে সাজা দিলো।

২ বংশধর 10:9

তে তারারে কলঅ, “মানুচ্চুনে কদন্‌, ‘তঅ বাপ্পো যে গুয়োর্‌ জুঙোলান্‌ আমা উগুরে চাপি দিয়্যে সিয়েন্‌ পাদল্‌ গর্‌।’ ইয়েন পৌইদ্যেনে তমা সল্লাগান্‌ কি? আমি তারারে কি জোব্‌ দিবোং?”

গীতসংহিতা 25:11

মর্ অন্যেয়র বুধিবো অমকদ বেশ্, সেনত্তে ও লগেপ্রভু, তর্ নাঙান্ রোক্ষ্যে গুরিবাত্তেই মর্ সেই অন্যেয়ানি তুই খেমা গর্।

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।

১ শমূয়েল 13:13

শমূয়েলে কলঅ, “তুই বেদমা ধোক্ক্যেন কাম্‌ গোজ্যস্‌। তর্‌ গোজেন লগেপ্রভু যে উগুমান তরে দিয়্যে সিয়েন তুই পালন্‌ ন-গরচ্‌। যুনি তুই সিয়েনি গুরিদে সালে ইস্রায়েল উগুরে তর্‌ রাজাগিরি তে চির জিংকানিবর্‌ থিদেবর্ গুরি দিদো।

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”