১ বংশধর 21:13 - Chakma Bible

¹³ দায়ূদ গাদরে কলঅ, “মুই অমকদ দযাত্ পোজ্যং। মুই যেনে মান্‌জ্য আদত্‌ ন-পড়ং, তাত্তুন্‌ বরং লগেপ্রভুর আদত্‌ পড়ং, কিত্তে তার্‌ দোয়্যে-মেয়্যে থুম্‌ ন-ওইয়্যে।”

১ বংশধর 21:13 Iomraidhean Croise

২ রাজাবলী 6:15

তার্‌কেল্যে বেন্যেপোত্যে গোজেনর্‌ মানুচ্চোর্‌ চাগর্‌বো উদিনে যেক্কে বারেন্দি গেলঅ সেক্কে তে দেগিলোদে ঘোড়া আর রথ্‌তানি লোইনে একদল সৈন্য শঅরান্‌ ঘিরি ফেল্যন্‌। সে চাগর্‌বো সেক্কে কলঅ, “ও, হদা! ও মর্‌ গিরোজ্‌, আমি কি গুরিবোং?”

২ রাজাবলী 7:4

যুনি কোই আমি শঅরত্‌ যেবং সালে সিদুয়ো ভাদরাত্‌ আর আমি মুরিবোং। যুনি ইয়োত্‌ থেই তুয়ো মুরিবোং। বরং আমি যেই, আমি অরামীয়গুনোর তাম্বুলোত্‌ যেইনে তারা আঢত্‌ নিজোরে তুলি দিই। যুনি তারা আমারে বাজান্ সালে আমি বাঁজিলোং, আর নয়দ মুরিবোং।”

২ বংশধর 28:9

ওদেদ নাঙে লগেপ্রভুর এক্কো ভাববাদী শমরিয়াত্‌ এলঅ। সৈন্যদলুনে যেক্কে শমরিয়াত্‌ ফিরি এত্তন্‌ সেক্কে তে তারা লগে দেগা গুরিনে কলঅ, “তমা পূরোণি মানুচ্চুনোর গোজেন লগেপ্রভু যিহূদা উগুরে অমকদ বেজার্‌ ওইয়্যে বিলিনে তে তারারে তমা আঢত্ তুলি দিয়্যে। মাত্তর্‌ রাগর্‌ সুরে তুমি তারারে যেধোক্ক্যেন গুরিনে মারে ফেল্য সে কধাগান স্বর্গয়ান সং লুম্মেগি।

ইষ্টের 4:11

“রাজার বেক্‌ কামগুরিয়্যেগুনে আর রাজার অধীনোত্‌ বেক্‌ চাগালার্ মানুচ্চুনে হবর্‌ পান্‌, কনঅ মরদ বা মিলে রাজার ডাগনি ন-পেইনে যুনি ভিদিরে দরবারত্‌ তাইদু যান্‌ সালে তাত্তেই বানা এক্কান্‌ আইন আঘে-সিয়েন অলদে তার্‌ মরণ। মাত্তর্‌ যে মানুচ্চো উগুরে রাজা সোনার রাজলুদিক্ বাবেই দিবো বানা তা পরাণান্‌ বাঁজিবো। মাত্তর্‌ গত ত্রিশ দিনো ভিদিরে রাজার ইদু যেবাত্তে মরে ডাগা ন-অয়।”

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

গীতসংহিতা 103:8

লগেপ্রভু দোয়্যে-মেয়্যেন্দি ভরা; তে সহজে বেজার্ ন-অয়, তার অমকদ কোচ্‌পানার থুম্ নেই।

গীতসংহিতা 106:7

মিসরত্ থেবার সময় আমা পুরোণি মানুচ্চুনে তর্ আমক্ অবার কামানি দেগিনে কিচ্ছু ন-বুঝোন্; তারা তর্ শেজ্ ন-ওইয়্যে অমকদ কোচ্‌পানার কধায়ো মনত্ ন-রাগান্; তারা সাগর পারত্, লোহিত সাগর পারত্ উল্লোমি গোজ্যন্।

গীতসংহিতা 119:156

ও লগেপ্রভু, তর্ দোয়্যে-মেয়্যেগান বোউত্ বেশ্; তর্ সুদোম মজিম্ মরে নূয়ো খেমতা দে।

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 5:7

মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

গীতসংহিতা 69:13

মাত্তর্ ও গোজেন, যে সময়োত্ তর দোয়্যে পাহ্ যায় মুই সেই অক্তত্ তইদু তবনা গরঙর্; ও গোজেন, তর্ অমকদ কোচ্‌পানালোই তর্ উদ্ধোর গুরিবার বিশ্বেজ্‌চান্ দেগেইনে মরে জোব্ দে।

গীতসংহিতা 69:16

ও লগেপ্রভু, তর্ ভালেদির অমকদ কোচ্‌পানায় মরে তুই জোব্ দে; তর্ থুম্ ন-ওইয়্যে দোয়্যে-মেয়্যেলোই তুই মন্দি ফির্।

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

গম্ উপদেজ্ 12:10

গোজন ভক্ত মানুচ্ তা এ্যামানুনোরে যত্তন্ গরে, মাত্তর্ পাজিগুনোর মেয়্যেগানিয়ো চিৎনপুজ্যেলোই ভরা।

যিশাইয় 46:7

তারা তারে কানাত্ তুলিনে বুয়োই নেযান্; তা জাগানত্ তারা তারে থিদেবর্ গরন আর তে সিয়েনত্ থায়। সে জাগানত্তুন্ তে আর লুড়ি ন-পারে। কনজনে তা কায়কুরে কানিলেয়ো তে জোব্ দি ন-পারে, তা দুখ্ কষ্টত্তুন্ তারে রোক্ষ্যে গুরি ন-পারে।

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

আবিলেচ্ 3:32

যুনি বা তে দুঘ্ দে, তো তার্ অমকদ কোচ্‌‌‌পানা মজিম্ তে মেয়্যে গুরিবো,

যোনা 3:9

কন্না হবর্ পাই অয়ত বা গোজেনে মন ফিরেইনে তার্ জদবদে রাগত্তুন্ ফিরিবো যেনে আমি ভস্ত ওই ন-যেই।”

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

ইব্রীয় 10:31

জেদা গোজেন আঢত্ পড়ানা কি দর্‌‌গরেপারা।