১ বংশধর 21:1 - Chakma Bible

¹ শতান্‌নো এবেরা ইস্রায়েল বিরুদ্ধে লাগিলো। ইস্রায়েল জাদ মানুচ্চুনোরে গুণিবাত্তে তে দায়ূদো মনত্‌ আওজ্ জাগেল।

১ বংশধর 21:1 Iomraidhean Croise

১ বংশধর 20:8

গাতর্‌ এ মানুচ্চুনে অলাক্‌ রফা বংশর মানুচ্‌। দায়ূদ আর তা মানুচ্চুনোর আদত্‌ ইগুনে মারা পড়িলাক্‌।

১ বংশধর 27:24

সরূয়ার পুয়ো যোয়াবে মানুচ্‌ গণা আরাম্ভ গুরিলো, মাত্তর্‌ থুম্‌ গুরি ন-পারে। মানুচ্‌ গুণিবাত্তে ইস্রায়েল উগুরে লগেপ্রভুর রাগ্‌কান লামি এচ্ছে। সেনত্তে রাজা দায়ূদোর বিজগ বোইবোত্‌ মানুচ্চুনোর কুদুক্কুন্‌ লেগা ন-অয়।

১ বংশধর 7:40

আশের-গুট্টির এ মানুচ্চুনে এলাক্‌ নিজোর্‌ নিজোর্‌ বংশর নেতা। ইগুনে পত্তিজনে এলাক্‌ বেই লোইয়্যে বোলী যোদ্ধা আর আজল্‌ নেতা। আশের বংশ-নাঙানিত্ লেখ্যে মানুচ্চুনো ভিদিরে যুদ্ধোত্‌ যেবাত্তে যুক্কোল্‌ ওইয়্যে মানুচ্চুন্‌ অলাক্‌ ছাব্বিশ আজার্।

ইয়োব 2:1

আর একদিন্যে স্বর্গদূত্‌তুনে লগেপ্রভুর মুজুঙোত্‌ যেইনে লুমিলাক্‌, আর শদান্‌নোয়ো তা মুজুঙোত্‌ আঝিল্ অবাত্তে স্বর্গদূত্‌তুনোর্‌ সমারে এলঅ।

যাত্রা 30:12

“ইস্রায়েলীয়গুনোর্‌ মান্‌জ্যর সোংখ্যেগুন্‌ জানিবাত্তে যেক্কে মানেইয়ুনোরে গোণা অবঅ‌ সেই অক্তত্‌ পত্তি জনত্তুনোই লগেপ্রভুরে রূবো দিইনে তার্‌ জীংকানিগান-দাম্‌ দিয়্যে পুরিবো। সেক্কে মানেই গুণিবার্‌ কারনে যে দজাগান্‌ এবার্‌ কধা সিয়েন্‌ তারা উগুরে ন-এবঅ‌।

সখরিয় 3:1

পরেদি সেই স্বর্গদূত্‌‌‌‌তো মরে দেগেল দাঙর্ ধর্মগুরু যিহোশূয় লগেপ্রভুর দূত্‌‌‌‌তো মুজুঙোত্ থিয়্যেই আঘে আর তারে দুষ্ দিবাত্তে শদানে তা ডেনেদি থিয়্যেই আঘে।

মথি লেখ্যে গম্ হবর্ 4:3

সেক্কে শদানে এইনে তারে কলঅ, “তুই যুনি গোজেনর পুয়ো অচ্ সালে এই পাত্তরুনোরে রুটি অবাত্তে কঅ।”

লূকে লেখ্যে গম্ হবর্ 11:53

তে সেই জাগায়ান্ ফেলে যেবার অক্তত্ ধর্ম-মাষ্টরুন আর ফরীশীগুনে তা বিরুদ্ধে শত্রুমি গুরিবাত্তে লাক্ক্যন্। নানান্ পৌইদ্যেনে প্রশ্ন পুযোর্ গুরিনে তারে কধা ফালত্ ফেলেবাত্তে তারা বাজ্জেই থাহ্ ধুরিলাক্।

লূকে লেখ্যে গম্ হবর্ 22:31

“শিমোন, শিমোন, চাহ্, শদানে তমারে গম ধোক্ক্যেন্ গুরি চালোন্দোই ঝারি চেবাত্যে অনুমতি চেইয়্যে।

যোহন 13:2

সেক্কে হেবার্ অক্‌ত। ইয়েন আগেদি শদানে শিমোনর্ পুয়ো যিহূদা ইষ্কারিয়োত মনত্ যীশুরে শত্রুগুনো আঢত্ ধোরেই দিবার্ আওজ্‌চান্ জাগেই দিয়্যে।

প্রেরিত্‌ 5:3

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে?

ইব্রীয় 10:24

এজঅ, আমি একজন আরেকজন পৌইদ্যেনে চিন্তে গুরিই যেন আমি কোচ্‌পানা আর গম কাম গত্তে একজন আরেকজনরে উচ্চোমি দি পারিই।

যাকোব 1:13

মন ভিদিরে পাপর টানান্ বুঝি পারিলে কেঅ যেন ন-কয়, “গোজেনে মরে পাপ ইন্দি টানের্।” কনঅ ভান্ন্যেইয়ানে গোজেনরে পাপ ইন্দি টানি ন-পারে, আর গোজেনেয়ো কাররে পাপ ইন্দি ন-টানে।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।