১ বংশধর 20:5 - Chakma Bible

⁵ পলেষ্টীয়গুনো লগে আর এক্কো যুদ্ধোত্‌ যায়ীর পুয়ো ইল্‌হানন গাতীয় গলিয়াতর ভেই লহমিরে মারে ফেল্যন্‌। তা শেল্‌লো অলদে বেন বুনিয়েগুনোর্‌ বিয়োঙ ধোক্ক্যেন।

১ বংশধর 20:5 Iomraidhean Croise

২ শমূয়েল 21:19

গোবত্ পলেষ্টীয়গুনোর লগে আর এক্কো যুদ্ধোত্‌ বৈৎলেহমীয় যারে-ওরগীমোর পূঅ ইল্‌হাননে গাতীয় গলিয়াতরে মারে ফেলেল। এ গলিয়াতর সেল্লো এলদে তাতীগুনোর বিয়োঙ ধোক্ক্যেন্‌।

১ বংশধর 11:23

আরঅ এক্কো সাড়ে সাত ফুট অজল্ মিসরীয়রে তে মারে ফেলেয়্যে। সে মিসরীয়বো আদত্‌ এলদে তাত্‌ বুনিয়্যে বিয়োঙ ধোক্ক্যেন এক্কো সেল, মাত্তর্‌ তো তে মুগোর্ আদত্‌ গুরিনে তাইন্দি উজেই যেইয়্যে। সে মিসরীয়গুনো আদত্তুন্‌ সেল্‌লো কাড়ি লোইনে তে সে সেল্‌লোলোই তারে মারে ফেলেয়্যে।

১ বংশধর 20:6

গাতদ্‌ আর একবার যুদ্ধো ওইয়্যে। সে যুদ্ধোত্‌ এক্কো লাম্বা মানুচ্‌ এলঅ যিবের্‌ দ্বিআদত্‌ আর দ্বিটেঙত্‌ ছোবো গুরিনে বেক্কুনে চব্বিশছুয়ো আঙুল্‌ এলাক্‌। তেয়ো এলদে এক্কো রফায়ীয়।

১ শমূয়েল 17:4

পলেষ্টীয়গুনোর পক্ষত্তুন্‌ গলিয়াৎ নাঙে এক্কো বীর যোদ্ধা তারার সৈন্যদলত্তুন্‌ নিগিলি এলঅ। তে এলদে গাৎ শঅরর্‌ মানুচ্‌। লাম্বান্দি তে এলদে সাড়ে ছয় আত্‌।

১ শমূয়েল 17:7

তার শেল্লোর ডাদিগান এলঅ তাত্‌কল্‌চালেয়েগুনোর বীমো ধোক্ক্যেন আর সেই লুয়োর্‌ ফালানর ওজনান্‌ এলদে সাত কেজি দ্বিশত গ্রাম। তার ঢাল বোইয়েবো তা আগে আগে আদিদো।

১ শমূয়েল 21:9

ধর্মগুরুবো কলঅ, “এলা কিঝিঙোত্‌ তুই যে পলেষ্টীয় গলিয়াতরে মারে ফেলেয়োচ্‌ তার লাম্বা ছুড়িগান ইয়েনত্‌ আঘে। সিয়েন এফোদর পিজেন্দি কাবড়লোই বানি রাগা ওইয়্যে। মন চেলে তুই সিবে নেযেই পারচ্‌। সিবে বাদে আর কনঅ লাম্বা ছুড়ি ইয়েনত্‌ নেই।” দায়ূদে কলঅ, “সিয়েন ধোক্ক্যেন তলোয়ার আর কুদু আঘে? সিয়েনই মরে দে।”

১ শমূয়েল 22:10

তা পৌইদ্যেনে লগেপ্রভুর আওজ্‌চান্ কি অহীমেলকে সিয়েন লগেপ্রভুর্ ইদু পুযোর্ গোজ্যে। তে তারে হানা-দানা দিয়্যে আর পলেষ্টীয় গলিয়াতর লাম্বা ছুড়িগান্অ দিয়্যে।”