১ বংশধর 20:3 - Chakma Bible

³ তে শঅর মানুচ্চুনোরে নিগিলেই আনিলো আর আরা, খন্দা আর কুড়োল্‌লোই তারারে কাবি ফেলেল। অম্মোনীয়গুনোর বেক্‌ শঅরানিত্‌‌অ তে সেধোক্ক্যেন গুরিলো। ইয়েন পরেন্দি দায়ূদে তার্‌ বেক্‌ সৈন্যদলুন্‌ লোইনে যিরূশালেমত্‌ ফিরি গেলঅ।

১ বংশধর 20:3 Iomraidhean Croise

২ শমূয়েল 12:31

তে শঅরর্‌ মানুচ্চুনোরে নিগিলেই আনিলো আর আরা, লুয়োর্‌ খন্দা আর কুড়োল্‌লোই তারারে কাম্ বাজেই দিলো। তে তারারে ইট বানাইদে কামত্‌ লাগেল। অম্মোনীয়গুনোর বেক্‌ শঅরানিত্‌ তে সিয়েনি গুরিলো। ইয়েনর্ পরেন্দি দায়ূদে তার্‌ বেক্‌ সৈন্যদলুন লোইনে যিরূশালেমত্‌ ফিরি গেলঅ।

যাত্রা 1:14

খেদর্ অন্য বেক্‌ কামানি সমারে তারা সিগুনো উগুরে সিবিদি আর ইট্‌দলা বুয়োনা অমকদ দুগোর্‌ কামানিয়ো জোর্ গুরি দিলাক্ আর তারার জিংকানিগানি তিদে গুরি দিলাক্। এদক্কানি দুগোর্‌ কাম্‌ খাদেবাত্তে যেইনে মিসরীয়গুনে তারা উগুরে অমকদ চিৎ-নপুজ্যে বেবহার গুরিদাক্।

ইব্রীয় 11:37

মান্‌জ্যে তারারে পাত্তর্ মাজ্জ্যন্, আড়ালোই দ্বিকট্টা গুরি কাপ্প্যন্ আর ছুরিলোই খুন্ গোজ্জ্যন। তারা অত্যেচার আর ভান্ন্যেই বেবহার পেইয়োন, আর রাদত্ পড়িনে ভেড়া আর ছাগল চাম্ পিনিনে ঘুরি বেড়েদাক্।

যিহোশূয় 9:23

সেনত্তেই তমা উগুরে এ অভিশাপ্পান্‌ রলঅ‌, আমা গোজেনর্‌ ঘরত্তে তুমি দার্‌বো কাবিবার আর পানি আনিবার কাম্‌ গুরিবা। এ চাগরবোর্‌ কাম্‌ গরানাত্তুন তুমি কনদিনঅ রেহাই ন-পেবা।”