১ বংশধর 2:21 - Chakma Bible

²¹ পরেন্দি হিষ্রোণে ষায়েট বজর বয়জত্‌ মাখীরোর ঝিবোরে, অত্তাৎ গিলিয়দ বোন্নোরে লোইনে এক সমারে থেলাক। সে মোক্কো পেদত্‌ সগূবে জর্ম অলঅ।

১ বংশধর 2:21 Iomraidhean Croise

পত্থম 50:23

তে ইফ্রয়িম তিন গুট্টি সং চেই যেইয়্যে। ইয়েনবাদে মাখীরোর্ পুয়ো-ঝিগুনোরেয়ো জর্মর্‌ পরেদি যোষেফ ইধু রাগা ওইয়্যে। মাখীরে এলঅ মনঃশির্ পুয়ো।

১ বংশধর 2:20

হূরো পুয়ো ঊরি আর ঊরির পুয়ো বৎসলেল।

১ বংশধর 2:22

সগূব পুয়োবোর্‌ নাঙান্‌ যায়ীর। সগূব আর যায়ীর অলাক্ গিলিয়দের বাপ্পো মাখীরের বংশর মানুচ্‌। গিলিয়দ চাগালার যায়ীরের অধীনোত্‌ তেইশছান্‌ আদাম এলঅ। মাত্তর্‌ গশূর আর অরামে এইনে হব্বৎ-যায়ীর, কনাৎ আর তার্‌ চেরোকিত্তে আদামানি, অত্তাৎ ষায়েটতান্‌ আদাম্‌ গজক্ গুরি নেযেলাক্‌।

১ বংশধর 7:14

মনঃশি পুয়োগুন অলাক্‌ অস্রীয়েল আর গিলিয়দ বাপ্পো মাখীর। মনঃশি অরামীয় লাঙোর্‌ পেদত্‌ ইগুনোর্‌ জর্ম ওইয়্যে।

গণাণা 26:29

মনঃশির বংশধরুনোর বংশ অলাক্‌ মাখীরত্তুন্‌ মাখীরীয় বংশ আর গিলিয়দত্তুন্‌ গিলিয়দীয় বংশ। গিলিয়দে অলদে মাখীরোর পূঅ।

গণাণা 27:1

সলফাদর মিলেগুনে এলাক্‌ যোষেফর পূঅ মনঃশির বংশর। মনঃশির পূঅবোর্ নাঙান মাখীর, মাখীরোর পূঅবোর নাঙান্‌ গিলিয়দ, গিলিয়দর পূঅবোর্‌ নাঙান্‌ হেফর আর হেফরর পূঅবোর্‌ নাঙান্‌ সলফাদ। সলফাদরর্‌ ঝিগুনোর্‌ নাঙানি অলঅ মহলা, নোয়া, হগ্‌লা, মিল্কা আর তির্সা।

গণাণা 32:41

যায়ীর নাঙে মনঃশির্‌ এক বংশধর যেইনে ইমোরীয়গুনোর্‌ আদামানি গজক্ গুরি নেযেল আর সিয়েনির্ নাঙানি দিলো হব্বোৎ-যায়ীর।

দ্বি’লম্বর বিররণ 3:15

মুই মাখীররে গিলিয়দ চাগালাগান দিলুং।