১ বংশধর 19:7 - Chakma Bible

⁷ তারা বত্রিশ আজার্ রথ আর সৈন্যদল সুদ্ধো মাখার রাজারে ভাড়া গুরিলাক্‌। তে আর তার্‌ সৈন্যগুনে এইনে মেদবা ইদু তাম্বুলান্‌ টাঙেলাক্‌ আর এককিত্তেন্দি অম্মোনীয়গুনে নিজোর নিজোর শঅরত্তুন্‌ এগত্তর্‌ ওইনে যুদ্ধোত্তে নিগিলিলাক্‌।

১ বংশধর 19:7 Iomraidhean Croise

২ শমূয়েল 10:6

অম্মোনীয়গুনে বুঝি পারিলাক্, তারা দায়ূদোর ঘিনাইদে মানুচ্‌ ওইয়োন। সেনত্তেই তারা বৈৎ-রহোব আর সোবাত্তুন্‌ কুড়ি আজার অরামীয় সৈন্য, এক আজার সৈন্যসুমুত্তো মাখার রাজারে আর টোবত্তুন্‌ বার আজার মান্‌জ্যরে ভাড়া গুরিলাক্।

১ বংশধর 18:4

দায়ূদে তার্‌ এক আজার্ রথ, সাত আজার্ ঘোড়াবাহিনী আর কুড়ি আজার্ পদাতিক সৈন্য আক্‌সোল। তারার্‌ একশত্‌তুয়ো রথর্ ঘোড়া রাগেইনে তে বাদবাগি বেক্‌ ঘোড়াগুনো টেঙ রক্‌কুন কাবি দিলো।

১ বংশধর 19:8

ইয়েনি শুনিনে দায়ূদে যোয়াবরে আর তার্‌ বেক্‌ সৈন্যদল্লোরে পাধেই দিলো।

২ বংশধর 14:9

পরেন্দি কূশ দেজর্‌ সেরহ দশ লাখ্‌ সৈন্য আর তিনশ রথ লোইনে যিহূদার মানুচ্চুনো বিরুদ্ধে নিগিলিনে মারেশা সং উজেই গেলঅ।

যাত্রা 14:9

তার্‌ বেক্‌ ঘোড়াগুন, রথ্‌তানি, ঘোড়াবাহিনীগুন আর সৈন্যদলুন্‌ নেযেইনে মিসরীয়গুনে তারার্‌ পিজেদি লোড়েইনে তারার্ কায়কুরে লুমিলাক্। ইস্রায়েলীয়গুনে এই সময়োত্‌ বড়গাঙর্‌ পারত্‌ বাল্‌-সফোনর মুজুঙেদি পী-হহীরোত ইধু এলাক্।

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

গণাণা 21:30

মাত্তর্‌ আমি তারা বিরুদ্ধে যুদ্ধো গোজ্জ্যেই। দীবোন সং হিষ্‌বোনান্ ভস্ত ওই যেইয়্যে। মেদবা সং যেয়েগোই যে নোফঃ সেই জাগায়ান সং আমি ভস্ত গোজ্জ্যেই।”

যিহোশূয় 13:9

তারার্‌ এ জাগায়ান্‌ আরাম্ভ ওইয়্যেদে অর্ণোন কিজিঙো দুযির্ অরোয়র শঅরত্তুন্‌ আর সে কিজিঙোর্‌ সংমোধ্যে আদামত্তুন্‌। সিয়েন ভিদিরে আগেদে দীবোন সং মেদবার পুরো সং জাগায়ান আর অম্মোনীয়গুনোর দেজর দুযি সং হিষ্‌বোনর ইমোরীয় রাজা সীহোনর বেক্‌ আদামানি।

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।

১ শমূয়েল 13:5

পলেষ্টীয়গুনে সেক্কে ইস্রায়েলীয়গুনোর লগে যুদ্ধো গুরিবাত্তে একলগে এগত্তর্‌ অলাক। তারা সমারে ত্রিশ আজার রথ এলঅ, ছয় আজার ঘোড়া উগুরে সৈন্য সাগর-পারর্ ধূল্যে-চড় ধোক্ক্যেন গুণি ন-পুড়েয়্যে বোউত্ সৈন্য। তারা বেক্কুনে বৈৎ-আবনর পূগেন্দি মিক্‌মসত্‌ তাম্বুলানি ফেলেলাক্।